សន្តិសុខសង្គម

សមត្ថកិច្ចឃាត់ខ្លួនសង្ស័យ៤នាក់ជាបន្តបន្ទាប់ ពាក់ព័ន្ធករណីលួចម៉ូតូ

បានផុស

៣ years មុន

នៅ

ថ្ងៃសុក្រ ១១ សីហា ២០២៣

ដោយ

ភ្នំពេញ ៖ សមត្ថកិច្ចខណ្ឌព្រែកព្នៅធ្វើការឃាត់ខ្លួនជនសង្ស័យចំនួន៤នាក់ជាបន្តបន្ទាប់ ក្រោយពីពួកគេធ្វើសកម្មភាពលួចកាច់សោ.កម៉ូតូពលរដ្ឋបានសម្រេច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការនេះ បានធ្វើឡើងកាលពីវេលាម៉ោង៤និង១០នាទីរសៀល ថ្ងៃទី១១ ខែសីហា ឆ្នាំ២០២៣ នៅភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ។

តាមប្រភពព័ត៌មានពីសមត្ថកិច្ចបានឱ្យដឹងថា កាលពីព្រឹកថ្ងៃទី១០ ខែសីហា ឆ្នាំ២០២៣ ជនសង្ស័យ២នាក់ជិះម៉ូតូមួយគ្រឿងឌុបគ្នាធ្វើសកម្មភាពលួចកាច់សោ.កម៉ូតូពលរដ្ឋមួយគ្រឿងម៉ាកហុងដាឌ្រីម ក្នុងភូមិសាស្ត្រពន្សាំង ខណ្ឌព្រៃកព្នៅ បានសម្រេចហើយព្យាយាមគេចខ្លួន។

សមត្ថកិច្ចបានបន្តថា បន្ទាប់មកសមត្ថកិច្ចបានផ្សព្វផ្សាយតាមវិទ្យុទាក់ទងដើម្បីតាមស្ទាក់គ្រប់ច្រកល្ហក ខណៈកម្លាំងសមត្ថកិច្ចដឹកជនសង្ស័យមួយក្រុមទៅតុលាការធ្វើដំណើរមកដល់ចំណុចសង្កាត់ព្រែកព្នៅ ស្រាប់តែប្រទះឃើញជនសង្ស័យម្នាក់ជិះម៉ូតូជនរងគ្រោះ ភ្លាមនោះកម្លាំងក៏បានបើករថយន្តបុកឱ្យដួលទើបឃាត់ខ្លួនបានតែម្តង។

ក្រោយពីឃាត់ខ្លួនបាននាំជនសង្ស័យមកសាកសួរ ជនសង្ស័យបានសារភាពថា ខ្លួនពិតជាបានធ្វើសកម្មភាពលួចកាច់សោ.កម៉ូតូពលរដ្ឋពិតប្រាកដមែន និងមានបក្ខពួកជាច្រើននាក់ទៀត។ លុះរសៀលថ្ងៃទី១១ ខែឆ្នាំដដែល សមត្ថកិច្ចក៏បន្តតាមចាប់បក្ខពួកទៀតនៅភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យបានចំនួន៣នាក់បន្ថែមទៀត និងម៉ូតូមួយគ្រឿងផងដែរ។

បច្ចុប្បន្នជនសង្ស័យត្រូវបានបញ្ជូនទៅអធិការដ្ឋាននគរបាលខណ្ឌព្រែកព្នៅដើម្បីចាក់ការតាមនីតិវិធី៕

ដោយ ៖ សុខា