សន្តិសុខសង្គម

ឃាត់ខ្លួនគ្រូពេទ្យម្នាក់ ក្រោយដាក់សេរ៉ូមបណ្តាលឱ្យអ្នកជំងឺស្លាប់

បានផុស

១ ខែ មុន

នៅ

ថ្ងៃសុក្រ ២២ កញ្ញា ២០២៣

ដោយ

ភ្នំពេញ ៖ លោកគ្រូពេទ្យម្នាក់ ត្រូវបានសមត្ថកិច្ចឃាត់ខ្លួននាំយកទៅសួរនាំក្រោយពីព្យាបាលជំងឺដាក់សេរ៉ូមបណ្តាលឱ្យបុរសម្នាក់ស្លាប់ កាលពីវេលាម៉ោង២រសៀល ថ្ងៃទី២២ ខែកញ្ញា ឆ្នាំ២០២៣ នៅភូមិអង្គសង្កាត់ចោមចៅទី៣ ខណ្ឌពោធិ៍សែនជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សពជនរងគ្រោះឈ្មោះវ៉ា ចាន់ណា ភេទប្រុស អាយុ៣៧ឆ្នាំ ប្រពន្ធឈ្មោះកែវ សុផល អាយុ៣៧ឆ្នាំ មុខរបរលក់ចង្រិត ស្នាក់នៅភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ មានស្រុកកំណើតនៅភូមិតាសិត ឃុំពពេល ស្រុកត្រាំង ខេត្តកែវ។ ចំណែកគ្រូពេទ្យដែលសមត្ថកិច្ចឃាត់ខ្លួនឈ្មោះជា សុវណ្ណដា ភេទប្រុសអាយុ៣៥ឆ្នាំ ស្នាក់នៅភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ។

តាមប្រភពព័ត៌មានពីប្រពន្ធជនរងគ្រោះបានឱ្យដឹងថា មុនពេលកើតហេតុប្តីរបស់គាត់ឈឺសន្លាក់ជើងពេលនោះក៏បានហៅគ្រូពេទ្យឯងជនម្នាក់ មកពិនិត្យរួចក៏បានដាក់សេរ៉ូមមួយកំផ្លោកពេលអស់មួយកំផ្លោកហើយក៏ដាក់បញ្ចូលមួយកំផ្លោកទៀតបានមួយស្ទុះស្រាប់តែធ្វើទុកមិនស្រួលខ្លួនភ្លាមនោះក្រុមគ្រួសារក៏ដឹកតាមរថយន្តទៅមន្ទីរពេទ្យ សម្ភពនិងព្យាបាលមាតាអូឌឹម ពេលទៅដល់មន្ទីរពេទ្យក្រុមគ្រូពេទ្យបានបញ្ជាក់ថា ជនរងគ្រោះបានស្លាប់បាត់ទៅហើយ ក្រោយមកក៏ដឹកសពមកតម្កល់ទុកនៅវត្តជម្ពូវ័ននិងរាយការណ៍ទៅសមត្ថកិច្ចដើម្បីពិនិត្យកោសល្យវិច័យ។ ក្រោយពីទទួលបានព័ត៌មានភ្លាមសមត្ថកិច្ចបានឃាត់ខ្លួនគ្រូពេទ្យខាងលើដើម្បីសួរនាំ៕

ដោយ ៖ សុខា