សន្តិសុខសង្គម

ជនសង្ស័យ ០២ នាក់ ឆក់ទូរស័ព្ទបានសម្រេច តែត្រូវនារីរងគ្រោះដេញចាប់បានម្នាក់ ប្រគល់ជូនសមត្ថកិច្ច

បានផុស

២ years មុន

នៅ

ថ្ងៃចន្ទ ១៨ វិច្ឆិកា ២០២៤

ដោយ

ជនសង្ស័យ ០២ នាក់ ជិះម៉ូតូមិនស្គាល់ម៉ាក ធ្វើសកម្មភាពឆក់ទូរស័ព្ទអាយហ្វូន 15 pro max មួយគ្រឿង ពីនារីម្នាក់ បានសម្រេច រួចជិះគេចខ្លួនមកដល់ផ្លូវកែងផ្សារធំថ្មីឃាត់បានម្នាក់ភ្លាមៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះដែរបង្កការភ្ញាក់ផ្អើលកាលពីវេលាម៉ោង ១០ និង ២០ នាទីយប់ ថ្ងៃទី ១៧ ខែវិច្ឆិកា ឆ្នាំ ២០២៤ នៅចំណុចផ្លូវ ៥៣ សង្កាត់ផ្សារថ្មីទី ០៣ ខណ្ឌដូនពេញ រាជធានីភ្នំពេញ។

ប្រភពព័ត៌មានពីនារីរងគ្រោះបានឲ្យដឹងថា មុនកើតហេតុនារីរងគ្រោះជិះម៉ូតូមួយគ្រឿង ម៉ាកហុងដា ប៊ីត ពណ៌ខៀវ ចេញពីហូបអីនៅម្តុំផ្សារកណ្តាល ខណៈជិះមកដល់ផ្លូវលេខ ១៣៦ កែងផ្លូវលេខ ១៣ ក៏បានឈប់ម៉ូតូ គោលបំណងលើកទូរស័ព្ទ ប៉ុន្តែក៏លេចមុខជនសង្ស័យ ០២ នាក់ ជិះម៉ូតូមិនស្គាល់ម៉ាក។ ស្របពេលនោះ ជនសង្ស័យបានហក់ចុះពីលើម៉ូតូមកឆក់ទូរស័ព្ទម៉ាកអាយហ្វូន 15 pro max បានសម្រេច រួចព្យាយាមឡើងម៉ូតូ រត់គេចរហូតមកដល់ផ្លូវលេខ ៥៣ ទើបនារីរងគ្រោះ ជិះម៉ូតូដេញចាប់បានជនសង្ស័យម្នាក់ និងយកបានទូរស័ព្ទត្រឡប់មកវិញផងដែរ។ ចំណែកបក្ខពួកម្នាក់ទៀតជាអ្នកឌុប បានបើកម៉ូតូគេចខ្លួនបាត់ស្រមោល។

បច្ចុប្បន្ន ជនសង្ស័យខាងលើ ត្រូវបានសមត្ថកិច្ចឃាត់យកទៅកាន់ប៉ុស្តិ៍ធ្វើការសាកសួរ រួចបន្តចាត់ការតាមផ្លូវច្បាប់។ រីឯបក្ខពួកសេសសល់ម្នាក់ទៀត សមត្ថកិច្ចនឹងបើកការស្រាវជ្រាវកំណត់មុខសញ្ញា ដើម្បីឃាត់យកមកដាក់ទោស៕

អត្ថបទ ៖ រដ្ឋា