សន្តិសុខសង្គម

ប្រទះឃើញសពបុរសម្នាក់អណ្ដែតទឹកទន្លេ មានសភាពហើមស្អុយ បង្កឲ្យមានការភ្ញាក់ផ្អើល

បានផុស

៣ ខែ មុន

នៅ

ថ្ងៃអង្គារ ២៤ ធ្នូ ២០២៤

ដោយ

បុរសម្នាក់ ដើរមកអង្គុយលេងនៅមាត់ទន្លេចេះតែមានក្លិនស្អុយ បានដើរតាមរកមើល ក៏ប្រទះឃើញសពបុរសម្នាក់ អណ្ដែតក្នុងទឹក មានសភាពហើមស្អុយ បង្កឲ្យមានការភ្ញាក់ផ្អើល រាយការណ៍ទៅសមត្ថកិច្ចមូលដ្ឋានចុះមកកន្លែងកើតហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កការភ្ញាក់ផ្អើលកាលពីវេលាម៉ោង ១១ និង ៥៥ នាទីយប់ ថ្ងៃទី ២៣ ខែធ្នូ ឆ្នាំ ២០២៤ ក្រោយសាលមហោស្រពចតុមុខ ស្ថិតក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ។

បើតាមការបញ្ជាក់ពីប្រជាពលរដ្ឋដែលនៅកន្លែងកើតហេតុបានឲ្យដឹងថា មុនពេលកើតហេតុគាត់បានមកអង្គុយលេងនៅមាត់ទន្លេ ស្រាប់តែភាយក្លិនស្អុយមក គាត់ក៏ឆ្ងល់ បានដើរតាមរកមើលក្លិននោះ ក៏ឃើញដូចជាស្រមោលអណ្ដែតក្នុងទឹក។ ភ្លាមៗ នោះ គាត់បានដើរតាមមើលរហូតដល់ខាងក្រោយសាលមហោស្រពចតុមុខ ក៏ឃើញថាជាសពមនុស្សអណ្ដែតតាមទឹករហូតមកជាប់នឹងច្រាំងទន្លេ។ ភ្លាមៗ គាត់ក៏បានរាយការណ៍ទៅសមត្ថកិច្ចមូលដ្ឋានឲ្យចុះមកកន្លែងកើតហេតុ។

គួររំលឹកថា កាលពីថ្ងៃទី ២២ ខែធ្នូ ឆ្នាំ ២០២៤ មានបុរសម្នាក់ វ័យប្រហែលជាង ២០ ឆ្នាំ បានជិះម៉ូតូ ១ គ្រឿង ម៉ាក Zoomer X ពាក់ស្លាកលេខ ភ្នំពេញ 1HF-3776 មកឡើងលើស្ពានជ្រោយចង្វា រួចបានលោតទឹកបញ្ចប់ជីវិតរបស់ខ្លួន ដោយបន្សល់ទុកម៉ូតូចោលលើស្ពាន។

ក្រោយពេលកើតហេតុសមត្ថកិច្ចមូលដ្ឋានបានទាក់ទងទៅសមត្ថកិច្ចជំនាញកោសល្យវិច័យ នៃស្នងការនគរបាលរាជធានីភ្នំពេញ ដើម្បីចុះមកពិនិត្យសាកសព និងធ្វើការស្រាវជ្រាវរកក្រុមគ្រួសារសាច់ញាតិឲ្យមកទទួលយកសពទៅធ្វើបុណ្យតាមប្រពៃណី៕

អត្ថបទ ៖ ម៉េង

Related Topics:ខណ្ឌដូនពេញ