កីឡា
ភ្នំពេញក្រោន បន្តប៉ះ បឹងកេត ខណៈ ព្រះខ័នរាជស្វាយរៀង ប៉ះ អង្គរថាយហ្គឺរ ថ្ងៃអាទិត្យនេះ
ក្រោយអស់ភារកិច្ចក្នុងពានរង្វាន់ AFC Challenge League ក្រុមភ្នំពេញក្រោន ត្រូវផ្តោតលើពានរង្វាន់ក្រុងស្រុក។ នៅថ្ងៃអាទិត្យ ពួកគេ ត្រូវធ្វើការធ្ងន់ទៀតនៅពេលបើកទ្វារផ្ទះរបស់ខ្លួនទទួល បឹងកេត វេលាម៉ោង ៦ ល្ងាច សម្រាប់ការប្រកួតសប្តាហ៍ទី២៣ វគ្គ Top 6 នៃលីគកំពូលកម្ពុជា។
ភ្នំពេញក្រោន មានស្ថានភាពមិនសូវល្អប្រសើរទេសម្រាប់ ៥ ប្រកួតចុងក្រោយ។ ពួកគេបានស្មើ ២ និងចាញ់ ៣ គឺ ស្មើ អាយអេសអាយ ដង្កោសែនជ័យ ២-២ ក្នុងពានសម្តេចតេជោ, ស្មើអង្គរថាយហ្គឺរ ០-០, ចាញ់ អឹមអូអាយ កំពង់ដេវ៉ា ២-១ ក្នុងឡលីគ ហើយ ចាញ់ ព្រះខ័នរាជស្វាយរៀង ៤-១ និងចាញ់ ព្រះខ័នរាជស្វាយរៀង ២-១ ទៀតក្នុងពានអាស៊ី។
ចំណែក បឹងកេត សម្រាប់ ៥ ប្រកួតចុងក្រោយ គឺឈ្នះ ២ ស្មើ ២ និងចាញ់ ១ ក្នុងនោះស្មើ វិសាខា ០-០, ស្មើ អង្គរថាយហ្គឺរ ១-១, ចាញ់ ណាហ្គាវើលដ៍ ២-០, ឈ្នះ ណាហ្គាវើលដ៍ ១-០ និងឈ្នះ កងយោធពលខេមរភូមិន្ទ ២-០ ក្នុងពានរង្វាន់សម្តេចតេជោ។
បឹងកេត កំពុងមានទម្រង់លេងល្អប្រសើរឡើងវិញ ស្របពេលខ្សែប្រយុទ្ធឆ្នើម Cyrus Dehmie បានវិលមកកាន់ទីលានវិញហើយ បន្ទាប់ពីរបួសជាច្រើនសប្តាហ៍ ដូច្នេះ ភ្នំពេញក្រោន ពិតជាធ្វើការធ្ងន់ទៀតនៅចុងសប្តាហ៍នេះ។
ចំណែក ព្រះខ័នរាជស្វាយរៀង ក៏មិនធ្វើដំណើរទៅណាឆ្ងាយដែរដោយត្រូវបើកទ្វារពហុកីឡដ្ឋានជាតិមរតកតេជោ ទទួល អង្គរថាយហ្គឺរ។ អង្គរថាយហ្គឺរ កំពុងពេញល្អ ដោយកម្របាត់បង់ពិន្ទុមួយរយៈពេលចុងក្រោយ។ ពួកគេ បានឈ្នះ៣ និងស្មើ ២ សម្រាប់ ៥ ប្រកួតចុងក្រោយ គឺ ឈ្នះ ឡាយហ្វព្រះសីហនុ ៣-១, ឈ្នះ ភ្នំពេញក្រោន ៤-៣, ឈ្នះ កងយោពលខេមរភូមិន្ទ ៧-១, ស្មើ ភ្នំពេញក្រោន ០-០ និងស្មើ បឹងកេត ១-១។
ចំពោះព្រះខ័នរាជស្វាយរៀង សម្រាប់ ៥ ប្រកួតចុងក្រោយគឺឈ្នះ ៣ ស្មើ ១ និងចាញ់ ១ ក្នុងនោះ ចាញ់ គិរីវង់សុខសែនជ័យ ២-១ ក្នុងពានសម្តេចតេជោ, ឈ្នះ អឹមអូអាយ កំពង់ដេវ៉ា ២-០ និងស្មើ ណាហ្គាវើលដ៍ ១-១ ក្នុងលីគ ព្រមទាំង ឈ្នះ ភ្នំពេញក្រោន ៤-១ និងឈ្នះ ភ្នំពេញក្រោន ២-១ ក្នុងពានអាស៊ី។
ជំនួបរវាង ព្រះខ័នរាជស្វាយរៀង និង អង្គរថាយហ្គឺរ ពិតជាគួរឲ្យចាប់អារម្មណ៍ខ្លាំងនៅថ្ងៃអាទិត្យ។ ជួបគ្នា ២ លើកក្នុងលីគរដូវកាលនេះ គឺ ព្រះខ័នរាជស្វាយរៀង ឈ្នះ ៣-០ ក្នុងជើងទី១ និងឈ្នះ ៣-១ ក្នុងជើងទី២។
មួយគូទៀតជាការជួបគ្នារវាង អឹមអូអាយ កំពង់ដេវ៉ា និង ណាហ្គាវើលដ៍ នៅកីឡដ្ឋានវិសាខា។ គូនេះក៏មិនអាចរំលងបានដែរ។ កំពង់ដេវ៉ា ទើបតែឈ្នះ ភ្នំពេញក្រោន ២-១ ខណៈ ណាហ្គាវើលដ៍ ទើបតែចាញ់ វិសាខា ៤-០ ក្នុងពានសម្តេចតេជោ។ លទ្ធផលយ៉ាងណា រង់ចាំទស្សនាទាំងអស់គ្នាដែលទាំង ៣ គូ លេងម៉ោង ៦ ល្ងាចដូចគ្នា៕
- ព្រះខ័នរាជស្វាយរៀង vs អង្គរថាយហ្គឺរ
- ភ្នំពេញក្រោន vs បឹងកេត
- អឹមអូអាយ កំពង់ដេវ៉ា vs ណាហ្គាវើលដ៍
អត្ថបទ៖ វិរបុត្រ
-
ព័ត៌មានអន្ដរជាតិ១ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
កីឡា៦ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៥ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
អត្ថាធិប្បាយ៧ ថ្ងៃ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
ព័ត៌មានអន្ដរជាតិ១៥ ម៉ោង agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
សន្តិសុខសង្គម១៤ ម៉ោង agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៧ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ៧ ម៉ោង agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS