កីឡា
មុនប៉ះគ្នាវគ្គផ្តាច់ព្រ័ត្រ Kuwait SC គ្មានការប្រកួត ខណៈ ព្រះខ័នរាជស្វាយរៀង ត្រូវប្រកួត ៣ លើក
ព្រះខ័នរាជស្វាយរៀង និង Kuwait SC ត្រូវដណ្តើមជើងឯក AFC Challenge League វគ្គផ្តាច់ព្រ័ត្រ វេលាម៉ោង ១១:១៥នាទី យប់ ថ្ងៃទី១៣ ខែឧសភា ឆ្នាំ ២០២៦ នៅកីឡដ្ឋាន Jaber Al Mubarak ក្នុងប្រទេសគុយវ៉ែត។
មុនការប្រកួតវគ្គផ្តាច់ព្រ័ត្រឈានចូលមកដល់ ក្រុម Kuwait SC របស់ប្រទេសគុយវ៉ែតដែលជាម្ចាស់ផ្ទះទំនងជាគ្មានការប្រកួតផ្លូវការណាសំខាន់ទេ។ នៅលីគបាល់ទាត់កំពូលគុយវ៉ែត ការប្រកួតវិលជុំសន្សំពិន្ទុបានចប់ហើយដោយក្រុម Kuwait SC កំពុងឈរលើកំពូលតារាង បន្ទាប់ឆ្លងកាត់ ១៤ ប្រកួត ពួកគេមិនទាន់បរាជ័យម្តងណាឡើយ។
លីគកំពូលគុយវ៉ែត មាន ១០ ក្រុម ហើយមានរូបមន្តនៃការប្រកួតប្រហែលលីគកំពូលកម្ពុជាដែរ។ បន្ទាប់ពីចប់វគ្គវិលជុំសន្សំពិន្ទុ ក្រុមលំដាប់កំពូលទាំង ៦ (Top 6) បានឡើងទៅវគ្គប្រកួតសន្សំពិន្ទុដណ្តើមជើងឯក។ រហូតដល់ពេលនេះ វគ្គក្រុមលំដាប់កំពូលទាំង ៦ មិនទាន់មានកាលវិភាគផ្លូវការថាតើចាប់ផ្តើមប្រកួតនៅពេលណាឡើយ ដូច្នេះក្រុម Kuwait SC មិនមានការប្រកួតក្នុងលីគ ឬពានរង្វាន់ផ្លូវការអ្វីសំខាន់ ក្រៅពីរង់ចាំវគ្គផ្តាច់ព្រ័ត្រ ពានរង្វាន់ AFC Challenge League។ ប្រការនេះធ្វើឲ្យ ពួកគេមានពេលច្រើនសម្រាប់ការត្រៀមខ្លួន ហើយមានអំណោយផលជាម្ចាស់ផ្ទះថែមទៀត។
ផ្ទុយទៅវិញ ព្រះខ័នរាជស្វាយរៀង មានកាលវិភាគដល់ទៅ ៣ ប្រកួតមុនពេលឈានដល់វគ្គផ្តាច់ព្រ័ត្រពានរង្វាន់ AFC Challenge League នៅថ្ងៃទី១៣ ខែឧសភា ឆ្នាំ ២០២៦។ ព្រះខ័នរាជស្វាយរៀង ត្រូវប្រកួតជាមួយ បឹងកេត នៅថ្ងៃទី ២៩ ខែមេសា ឆ្នាំ ២០២៦ ជើងទី១ វគ្គពាក់កណ្តាលផ្តាច់ព្រ័ត្រ នៅពហុកីឡដ្ឋានជាតិអូឡាំពិក។ នេះជាការប្រកួតដ៏សំខាន់សម្រាប់ក្រុមទាំងពីរ។
នៅថ្ងៃអាទិត្យ ទី៣ ខែឧសភា ព្រះខ័នរាជស្វាយរៀង ត្រូវប្រកួតជាមួយ អង្គរថាយហ្គឺរ នៅខេត្តសៀមរាប ក្នុងលីគ ហើយនៅថ្ងៃទី១០ ខែឧសភា ត្រូវប្រកួតជាមួយ បឹងកេត នៅក្នុងលីគ ទៀត ប៉ុន្តែផ្អែកតាមកាលវិភាគផ្លូវការរបស់វេបសាយ ខេមបូឌានព្រីមៀរលីគ គឺលើកមកប្រកួតនៅថ្ងៃទី ៧ ឧសភា ឆ្នាំ ២០២៦ នៅពហុកីឡដ្ឋានជាតិមរតកតេជោ។
ការលើកមកប្រកួតនៅថ្ងៃទី ៧ ខែឧសភា គឺផ្តល់ពេលវេលាឲ្យបានច្រើនដល់ ព្រះខ័នរាជស្វាយរៀង ក្នុងការត្រៀមខ្លួន ពីព្រោះត្រូវចំណាយពេលធ្វើដំណើររាប់រយគីឡូម៉ែត្រ និងត្រូវចំណាយពេលវេលាឲ្យបានច្រើនថ្ងៃនៅប្រទេសគុយវ៉ែតដើម្បីបន្សាំនឹងអាកាសធាតុ៕
អត្ថបទ៖ វិរបុត្រ
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៥ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»