កីឡា

ហុក គីមហាន បានចាប់អាជីពជាកីឡាករបាល់ទះដោយសារមានកម្ពស់ខ្ពស់ល្អហាត់ដំបូងនៅស្នងការខេត្តបាត់ដំបង

បានផុស

២ ខែ មុន

នៅ

ថ្ងៃពុធ ២៩ មេសា ២០២៦

ដោយ

ដៃប៉ះសេទី២ របស់សមាគមបាល់ទះក្រសួងមហាផ្ទៃ ហុក គីមហាន បានចូលជាកីឡាករអាជីពនេះដោយសាររូបគេមានកម្ពស់ខ្ពស់ល្អ និងមើលឃើញអាចរីកចម្រើនបានទើបទទួលឱកាសបានចូលហ្វឹកហាត់ក្លឹបដំបូងគឺស្នងការខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ហុក គីមហាន និងមិត្តភ័ត្រ

កីឡាករ ហុក គីមហាន ដៃប៉ះសេទី២ របស់មហាផ្ទៃបានឲ្យដឹងថា រូបគេគ្រាន់តែជាក្មេងម្នាក់លេងបាល់តាមភូមិម្នាក់នោះទេនៅឯស្រុកសង្កែ ខេត្តបាត់ដំបង។ លេងបាល់ដំបូងជាស្មាត់តាមភូមិលេងកម្សាន្តសប្បាយមិនមែនជាអ្នកល្បីឈ្មោះ ឬលេចធ្លោដូចអ្នកផ្សេងៗនោះឡើយ។

ដៃប៉ះសេខាងលើនេះប្រាប់ទៀតថា អំឡុងឆ្នាំ២០២២ នោះរូបគេមានកម្ពស់ ១.៨៧ Cm ទៅហើយ ដូច្នេះដោយសារមានកម្ពស់ខ្ពស់ល្អទើបបងប្រុសរបស់ខ្លួននាំទៅចូលហ្វឹកហាត់ក្លឹបបាល់ទះស្នងការខេត្តបាត់ដំបង។ ការហ្វឹកហាត់នៅទីនោះបានប្រហែល ៣ខែប៉ុណ្ណោះរូបគេក៏មានឱកាសមកតេស្តសមត្ថភាពនៅសមាគមបាល់ទះក្រសួងមហាផ្ទៃរយៈ ៦ខែ និងបានជាប់ជាកីឡាកររហូតមកដល់បច្ចុប្បន្ននេះ។

កីឡាករ ហុក គីមហាន

អ្នកដើមកំណើតពីខេត្តបាត់ដំបងរូបនេះបន្ថែមទៀតថា មុនដំបូងគឺរូបគេលេងជាតំណែងស្មាត់នោះទេ ប៉ុន្តែក្រោយចូលហ្វឹកហាត់នៅមហាផ្ទៃនេះមកគ្រូមើលឃើញថាខ្លួនមានទេពកោសល្យខាងប៉ះសេជាងក៏សម្រេចឲ្យចាប់យកតួនាទីរហូតតែម្ដងទៅ។

កីឡាករ ហុក គីមហាន

រំលឹកដែរថា ហុក គីមហាន ជាអតីតកីឡាករម្នាក់ហ្វឹកហាត់នៅក្លឹបបាល់ទះស្នងការខេត្តបាត់ដំបង។ រូបគេបច្ចុប្បន្នជាដៃប៉ះសេទី២ បន្ទាប់ពីកីឡាករ កែវ ស្រេងលីហួរ នៃសមាគមបាល់ទះក្រសួងមហាផ្ទៃ។ គីមហាន និងសិស្សច្បងក្នុងក្លឹបកំពុងហ្វឹកហាត់យ៉ាងសកម្មត្រៀមចូលរួមប្រកួតពានរង្វាន់តេជោលីគ ឆ្នាំ២០២៦ ខែក្រោយនេះ៕