កីឡា

កីឡាករ ផុល រតនៈ ខំប្រឹងហ្វឹកហាត់ជាប្រចាំ និងរស់នៅមិនបានដិតដល់ជាមួយគ្រួសារព្រោះចង់ឈ្នះពានតេជោលីគ

បានផុស

៦ នាទី មុន

នៅ

ថ្ងៃសុក្រ ៣ កក្កដា ២០២៦

ដោយ

កីឡាករ ផុល រតនៈ ថាមិនមែនតែរូបគេតែម្នាក់នោះទេ ពោលក្រុមទាំងមូលគឺសុទ្ធតែខំប្រឹងប្រែងហ្វឹកហាត់ខ្លាំង និងនៅឆ្ងាយពីផ្ទះ ប្រពន្ធកូន ដើម្បីចង់ឈ្នះពានរង្វាន់តេជោលីគ រដូវកាលទី៣ ឆ្នាំ២០២៦ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ផុល រតនៈ

ផុល រតនៈ បានឲ្យដឹងថា រូបគេអរគុណជាខ្លាំងចំពោះភរិយាដែលបានយល់ទំហំចិត្ត និងការលៈបង់របស់ប្ដីដើម្បីឆ្ពោះទៅរកជ័យជម្នះនៅតេជោលីគ រដូវកាលទី៣ ឆ្នាំ២០២៦ នេះតែម្ដង។ បើទោះជាត្រូវហ្វឹកហាត់ច្រើន និងរស់នៅមិនបានដិតដល់ជាមួយប្រពន្ធកូនយ៉ាងណាក្ដី ប៉ុន្តែភរិយារបស់ខ្លួនតែងតែយោគយល់ និងលើកទឹកចិត្តខ្លួនមកវិញ។

កីឡាករជំនាញបាល់ដេញរូបនេះបន្ថែមទៀតថា ដោយសារតែការចាញ់វគ្គផ្ដាច់ព្រ័ត្ររហូតដល់ទៅពីរឆ្នាំជាប់គ្នាមកនេះបានធ្វើឲ្យរូបគេមានចិត្តចង់ឈ្នះពាននៅរដូវកាលនេះជាខ្លាំង។ នៅវគ្គផ្ដាច់ព្រ័ត្រល្ងាចនេះរូបគេនឹងប្ដូរផ្ដាច់គ្រប់យ៉ាងណាហើយដើម្បីដណ្ដើមយកជ័យជម្នះឲ្យបាន។

រតនៈ និងគ្រួសារ

បញ្ជាក់ដែរថា ផុល រតនៈ ជាកីឡាករចាស់វស្សាមួយរូបរបស់សមាគមបាល់ទះវិសាខា។ រូបគេបច្ចុប្បន្ននេះគឺមានភរិយា និងមានកូនប្រុសម្នាក់ផងដែរ។ នៅថ្ងៃនេះរូបគេនឹងត្រូវចូលរួមជួយក្រុមដើម្បីប្រកួតវគ្គផ្ដាច់ព្រ័ត្រដណ្ដើមពានតេជោលីគ រដូវកាលទី៣ ឆ្នាំ២០២៦ ជាមួយក្រុមខ្លាំងបញ្ជាការដ្ឋានអង្គរក្ស វេលាម៉ោង ៦ល្ងាច៕