កីឡា

គ្រូបង្វឹកបញ្ជាការដ្ឋានអង្គរក្ស សរសើរបរទេសរបស់វិសាខាលេងល្អ និងលេងឆាប់ត្រូវគ្នានៅតេជោលីគនេះ

បានផុស

៦ នាទី មុន

នៅ

ថ្ងៃព្រហស្បតិ៍ ២ កក្កដា ២០២៦

ដោយ

គ្រូបង្វឹករបស់ក្រុមបាល់ទះបញ្ជាការដ្ឋានអង្គរក្សគឺលោក Indra បានសរសើរកីឡាករបរទេសរបស់ក្រុមវិសាខាគឺមានសមត្ថភាពល្អៗថែមទាំងលេងឆាប់ស៊ីសង្វាក់គ្នាទៀតផងត្រឹមរយៈពេលខ្លីនេះក្នុងការប្រកួតតេជោលីគ រដូវកាលទី៣ ឆ្នាំ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករបរទេសរបស់វិសាខា

ថ្លែងក្រោយបញ្ចប់ការប្រកួតលោក Indra បានឲ្យដឹងថា ក្នុងជំនួបនៅជុំទី២ ជាមួយវិសាខាកន្លងទៅនេះគឺក្រុមរបស់លោកធ្វើមិនសូវបានល្អនោះឡើយ។ លោកនឹងយកនូវកំហុសឆ្គង់កាលពីជំនួបមុនៗនោះមកកែប្រែឡើងវិញដើម្បីឲ្យក្រុមធ្វើបានល្អនៅវគ្គផ្ដាច់ព្រ័ត្រនេះ។

គ្រូបង្វឹកជនជាតិឥណ្ឌូណេស៊ីខាងលើនេះបន្ថែមទៀតថា តាមអ្វីដែលលោកមើលឃើញចំពោះវិសាខានោះគឺក្រុមវិសាខាមានកីឡាករបរទេសដែលមានសមត្ថភាពល្អៗ និងអាចលេងឆាប់យល់ចិត្តទៀតផងក្នុងរយៈពេលដ៏ខ្លីបែបនេះ។

លោក Indra

ចំពោះការដាក់ក្ដីសង្ឃឺមប៉ុន្មានភាគរយលើកពាននៅថ្ងៃស្អែកនេះលោក Indra ថាមិនហ៊ាននិយាយនោះទេ ប៉ុន្តែនឹងខំប្រឹងឲ្យអស់ពីសមត្ថភាព។ លោកនឹងប្រាប់ឲ្យកីឡាករគ្រប់គ្នាទទួលខុសត្រូវលើបច្ចេកទេសរៀងខ្លួនឲ្យបានល្អបំផុត និងប្ដេជ្ញាខំប្រឹងទាំងអស់គ្នាដើម្បីក្រុម ដើម្បីអ្នកគាំទ្រអង្គរក្ស។

វឿន វាសនា និងបរទេសរបស់វិសាខា

បញ្ជាក់ដែរថា ក្រុមខ្លាំងបញ្ជាការដ្ឋានអង្គរក្ស បានឈ្នះតេជោលីគ ចំនួនពីរលើកមកហើយគឺរដូវកាលទី១ និងរដូវកាលទី២ ។ ដូច្នេះប្រសិនបើ អង្គរក្ស ឈ្នះម្ដងទៀតនៅរដូវកាលទី៣ នេះមានន័យថាក្លឹបអាចយកពានតេជោលីគដាច់តែម្ដង។ វគ្គផ្ដាច់ព្រ័ត្ររដូវកាលទី៣ នេះគឺពិតជាសំខាន់ខ្លាំងចំពោះក្រុមបាល់ទះបញ្ជាការដ្ឋានអង្គរក្ស។ ការប្រកួតផ្ដាច់ព្រ័ត្រនេះនឹងធ្វើឡើងនៅថ្ងៃទី៣ ខែកក្ដដា ឆ្នាំ២០២៦ ស្អែកនេះហើយនៅវិមានពហុកីឡដ្ឋានជាតិ៕