កីឡា

ខ្លាំងនៅតែខ្លាំង! ក្រុមបញ្ជាការដ្ឋានអង្គរក្សក្លាយជាជើងឯកតេជោលីគ រដូវកាលទី៣ និងជាក្រុមឈ្នះពាននេះ៣ឆ្នាំជាប់ៗគ្នា

បានផុស

៣ នាទី មុន

នៅ

ថ្ងៃសៅរ៍ ៤ កក្កដា ២០២៦

ដោយ

ក្រុមខ្លាំងបញ្ជាការដ្ឋានអង្គរក្ស នៅតែបង្ហាញភាពខ្លាំងរបស់ខ្លួនដោយមិនមានក្រុមណាអាចបំបាក់បានឡើយនៅវគ្គផ្ដាច់ព្រ័ត្រតេជោលីគ ស្របពេលម្សិលមិញនេះទើបយកឈ្នះងាយៗលើសមាគមបាល់ទះវិសាខាដោយលទ្ធផល ៣-០ ឈ្នះជើងឯកនៅរដូវកាលទី៣ ឆ្នាំ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមជើងឯក

ការឈ្នះជើងឯករដូវកាលទី៣ ឆ្នាំ២០២៦ នេះបានធ្វើឲ្យក្រុមបញ្ជាការដ្ឋានអង្គរក្សក្លាយជាក្រុមខ្លាំងបំផុតដោយឈ្នះពានតេជោលីគបាន ៣រដូវកាលជាប់ៗគ្នាតាំងពីឆ្នាំ២០២៤ ២០២៥ និង២០២៦ ដែលទើបបិទបញ្ចប់កាលពីយប់ថ្ងៃទី៣ ខែកក្ដដា ឆ្នាំ២០២៦ ម្សិលមិញនេះ។

ក្រុមបាល់ទះបញ្ជាការដ្ឋានអង្គរក្សអាចយកពានតេជោលីគនេះដាក់ចូលក្លឹបដាច់បានហើយបន្ទាប់ពីឈ្នះជាប់ៗគ្នារយៈពេល ៣ឆ្នាំ។ សហព័ន្ធនឹងធ្វើពានតេជោលីគថ្មីមួយទៀតសម្រាប់ការប្រកួតប្រជែងនៅរដូវកាលទី៤ ឆ្នាំ២០២៧ នាពេលខាងមុខ។

ក្រុមជើងឯក

ចំណាត់ថ្នាក់ប្រចាំតេជោលីគ រដូវកាលទី៣ ឆ្នាំ២០២៦ មានដូចខាងក្រោម៖

ចំណាត់ថ្នាក់លេខ១ បានលើក្រុមបញ្ជាការដ្ឋានអង្គរក្ស ទទួលប្រាក់រង្វាន់ ៦០លានរៀល

ចំណាត់ថ្នាក់លេខ២ បានលើសមាគមបាល់ទះវិសាខា ទទួលប្រាក់រង្វាន់ ២០លានរៀល

ចំណាត់ថ្នាក់លេខ៣ បានលើក្រុមស្នងការខេត្តស្វាយរៀង ទទួលប្រាក់រង្វាន់ ១២លានរៀល

ចំណាត់ថ្នាក់លេខ៤ បានលើក្រុមស្នងការរាជធានីភ្នំពេញ ទទួលប្រាក់រង្វាន់ ១០លានរៀល

ការប្រកួតពានរង្វាន់តេជោលីគ រដូវកាលទី៣ បានបិទបញ្ចាប់ជាផ្លូវការហើយនៅយប់ថ្ងៃទី៣ ខែកក្កដា ឆ្នាំ២០២៦ បន្ទាប់ពីបានរៀបចំឡើងតាំងពីថ្ងៃទី១៦ ខែឧសភា មកម្ល៉េះ។ ក្រុមជើងឯករដូវកាលទី៣ បន្តបានលើបញ្ជាការដ្ឋានអង្គរក្ស៕