កីឡា

ស្មាត់ឆ្វេង ស៊ុយ ខន រយៈពេល ៣ឆ្នាំមកនេះរៀនចេះមិនតិចទេពីលោក Indra គ្រូឥណ្ឌូណេស៊ី

បានផុស

១៩ វិនាទី មុន

នៅ

ថ្ងៃពុធ ១៥ កក្កដា ២០២៦

ដោយ

ស្មាត់ឆ្វេងកំពុងល្បីឈ្មោះខ្លាំងនៅកម្ពុជាគឺ ស៊ុយ ខន មុននេះបានបង្ហោះរូបជាមួយ Indra ដែលជាគ្រូបង្វឹកជនជាតិឥណ្ឌូណេស៊ីអមដោយសំណេរថ្លែងអំណរគុណចំពោះការបង្ហាត់បង្រៀន និងការនាំមកនូវជ័យជម្នះជូនបញ្ជាការដ្ឋានអង្គរក្ស រយៈពេល ៣ឆ្នាំមកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស៊ុយ ខន និងលោក Indra

ក្នុងរយៈពេលកន្លងទៅ ៣ឆ្នាំមកនេះកីឡាករ ស៊ុយ ខន របស់ក្រុមបញ្ជាការដ្ឋានអង្គរក្សបានធ្លាប់លើកឡើងថា រូបគេពិតជាមានសមត្ថភាពរីកចម្រើន និងទទួលបានបច្ចេកទេសល្អៗរហូតបានអភិវឌ្ឍន៍មានភាពលេចធ្លោកាន់តែខ្លាំង។

ស៊ុយ ខន បញ្ជាក់ទៀតថា ចំណុចដែលរូបគេពេញចិត្ត និងចាប់បានល្អបំផុតពីលោក Indra នោះគឺការរៀនគ្រប់គ្រងអារម្មណ៍ក្នុងការប្រកួត។ ការលេងទៅតាមបច្ចេកទេសការហ្វឹកហាត់ និងការទទួលខុសត្រូវលើតួនាទីរបស់ខ្លនដោយកុំខ្លាចចំពោះដៃគូប្រកួតឲ្យសោះ។

ស្មាត់ដើមកំណើតមកពីខេត្តតាកែវរូបនេះពិតជាអរគុណខ្លាំងចំពោះការបង្ហាត់បង្រៀន និងការរួមចំណែកដណ្ដើមយកជ័យជម្នះជូនក្រុមរបស់ខ្លួនរយៈពេល ៣ឆ្នាំមកនេះ។ រូបគេសង្ឃឺមថានឹងបានជួបជាមួយលោក Indra នៅឱកាសក្រោយៗទៀត។

ក្រុមបញ្ជាការដ្ឋានអង្គរក្សឈ្នះតេជោលីគ

បញ្ជាក់ដែរថា ស៊ុយ ខន ជាកីឡាករខ្មែរមួយរូបដែលលោក Indra ទុកចិត្ត និងបានដាក់រូបគេឲ្យប្រកួតបានច្រើនមែនទែនក្នុងការជួយក្រុមបញ្ជាការដ្ឋានអង្គរក្សនៅតេជោលីគកន្លងទៅនេះ។ ស្មាត់ឆ្វេងរូបគេពិតជាមានការរីកចម្រើនសមត្ថភាពខ្លាំងមែនតាមរយៈការលោតម៉ាត់ផ្ដាច់រកពិន្ទុបានច្រើននៅតេជោលីគ រដូវកាលទី៣ ឆ្នាំ២០២៦ នេះ។ ចំណែកលោក Indra ជាគ្រូបង្វឹកឆ្នើម និងពោពេញដោយសមត្ថភាពបានដឹកនាំក្រុមបញ្ជាការដ្ឋានអង្គរក្សឈ្នះតេជោលីគ ៣រដូវកាលជាប់ៗគ្នា៕

អត្ថបទដោយ៖ នួន ស៊ីណា