កីឡា
គ្រូបង្វឹកក្រុមបាល់ទាត់នារីជម្រើសជាតិកម្ពុជា រំពឹងកោះហៅកីឡាការិនីក្រៅស្រុក រួមក្រុមនៅស៊ីហ្គេម ២០២៣
ក្រុមបាល់ទាត់នារីជម្រើសជាតិកម្ពុជា នឹងត្រៀមខ្លួនចូលរួមប្រកួតក្នុងព្រឹត្តិការណ៍កីឡាអាស៊ីអាគ្នេយ៍ លើកទី ៣១ នៅប្រទេសវៀតណាម ជាលើកដំបូងក្នុងប្រវត្តិសាស្ត្រ នៅឆ្នាំនេះមុនកម្ពុជាទទួលធ្វើម្ចាស់ផ្ទះវិញម្ដងនៅឆ្នាំក្រោយ។
ក្រុមនារីកម្ពុជា នឹងស្ថិតនៅពូល A ជាមួយម្ចាស់ផ្ទះវៀតណាម, ហ្វីលីពីន និងឥណ្ឌូណេស៊ី ខណៈលោក ប្រាក់ វុទ្ធី ដែលជាគ្រូបង្វឹកក្រុមបាល់ទាត់នារីជម្រើសជាតិកម្ពុជា បានចាត់ទុកថាជាពូលមរណៈ បន្ថែមលើសពីនេះលោកបានបញ្ចាក់ថា សហព័ន្ធក៏ពុំមានគម្រោងកោះហៅកីឡាការិនីដែលកំពុងប្រកបអាជីពនៅក្រៅប្រទេសផងដែរ។
លោក ប្រាក់ វុទ្ធី បានប្រាប់កម្ពុជាថ្មី យ៉ាងដូច្នេះថា៖ «យើងឃើញថា ពិតជាមិនងាយស្រួលសម្រាប់យើង ព្រោះបើក្រឡេកមើលម្ចាស់ផ្ទះវៀតណាម គឺជាក្រុមខ្លាំង ខណៈហ្វីលីពីន ឆ្នាំ ២០១៩ គេបានលេខ ៣ ទៀត អាចនិយាយបានថាតានតឹង ដោយឡែកកីឡាការិនីរបស់យើងមានបទពិសោធន៍តិចតួច និងខ្លះទៀតសឹងតែគ្មានបទពិសោធន៍លើឆាកអន្តរជាតិ យ៉ាងណាយើងនឹងខំប្រឹងដើម្បីវាស់ស្ទង់សមត្ថភាពឆ្ពោះទៅស៊ីហ្គេម ២០២៣។»
នាពេលបច្ចុប្បន្នគេឃើញមានកីឡាការិនីកម្ពុជា ៣ នាក់ ទាំងកូនកាត់ និងកូនខ្មែរសុទ្ធសាធកំពុងរស់នៅក្រៅប្រទេសហើយក៏កំពុងលេងកីឡាបាល់ទាត់ក្នុងក្របខ័ណ្ឌបាល់ទាត់មួយដែលអាចនិយាយបានថា មានកម្រិតប្រកួតប្រជែង រួមមានកីឡាការិនី Sandra Hill កូនកាត់ខ្មែរ-អូស្ត្រាលី ប្រកបអាជីពនៅសាកលវិទ្យាល័យនាសហរដ្ឋអាមេរិក, កីឡាការិនី Selena Chhiv គឺជាកូនខ្មែរសុទ្ធសាធ ដែលអាជីពជាកីឡាការិនីបាល់ទាត់ នៅក្នុងប្រទេសកាណាដា ដោយធ្លាប់លេងឱ្យឈុតយុវនារីអាយុក្រោម ១៩ ឆ្នាំ របស់ក្រុមខ្លាំង Norte Dame De Grace និងកីឡាការិនី ហួត គឹមហុង ដែលកំពុងរស់នៅសហរដ្ឋអាមេរិក និងលេងឲ្យក្រុមសាកលវិទ្យាល័យមួយផងដែរ។
«សម្រាប់ស៊ីហ្គេម ២០២២ នៅវៀតណាមនេះយើងមិនមែនគម្រោងកោះហៅកីឡាការិនីនៅក្រៅប្រទេសមករួមក្រុមនោះទេ ប៉ុន្តែយើងមានគម្រោងកោះហៅពួកគេនៅឆ្នាំ ២០២៣ ពេលដែលកម្ពុជា ធ្វើជាម្ចាស់ផ្ទះ។ ជាមួយគ្នានេះក៏មានគម្រោងទៅហ្វឹកហាត់នៅចិន លើកដំបូងក្រោយចប់ស៊ីហ្គេមនៅវៀតណាម ៩០ ថ្ងៃ និងមុនស៊ីហ្គេម ២០២៣ នៅកម្ពុជា ៦០ ថ្ងៃ ដើម្បីឲ្យកាន់តែយល់ចិត្តគ្នាផងដែរ»។ សម្ដិរបស់លោក ប្រាក់ វុទ្ធី។
សូមបញ្ជាក់ថា ប្រកួតបើកឆាករបស់ ក្រុមបាល់ទាត់នារីជម្រើសជាតិកម្ពុជា គឺនៅថ្ងៃទី០៩ ខែឧសភា ដោយនឹងត្រូវជួប ហ្វីលីពីន បន្ទាប់មកជួបឥណ្ឌូនេស៊ី នៅថ្ងៃទី១១ និងចុងក្រោយជួបម្ចាស់ផ្ទះវៀតណាម នៅថ្ងៃទី១៤ ខែឧសភា ឆ្នាំ២០២២។ ជាមួយគ្នាផងដែរ ពូល B មានក្រុម ថៃ, មីយ៉ាន់ម៉ា, ឡាវ និង សិង្ហបុរី៕
រូបភាព៖ សហ័ព្ធកីឡាបាល់ទាត់កម្ពុជា
អត្ថបទ៖ មន្នីរ័ត្ន
-
ព័ត៌មានអន្ដរជាតិ៧ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS