Connect with us

កីឡា

ព្រះខ័នរាជស្វាយរៀង ក្លាយជាក្លិបទី២ មានផ្ទាំង LED ផ្សាយពាណិជ្ជកម្ម ក្នុងកីឡដ្ឋានផ្ទាល់ខ្លួន

បានផុស

នៅ

ក្លិបបាល់ទាត់ព្រះខ័នរាជស្វាយរៀង នៅថ្ងៃទី៣០ ខែមេសា ឆ្នាំ២០២២ នេះ បានឈានទៅដល់កិច្ចព្រមព្រៀងជាមួយក្រុមហ៊ុនម៉ាឡេស៊ី ដើម្បីដាក់ផ្ទាំង LED ផ្សាយពាណិជ្ជកម្ម នៅកីឡដ្ឋានខេត្តស្វាយរៀង។ នេះបើតាមការបញ្ជាក់ដោយក្លិបផ្ទាល់។

ការឈានទៅដល់កិច្ចព្រមព្រៀងនេះ គឺព្រះខ័នរាជស្វាយរៀង បានចាប់ដៃជាមួយក្រុមហ៊ុន Echo Sports Management ដែលមកពីប្រទេសម៉ាឡេស៊ី ដោយ ESM នឹងផ្តល់ LED ផ្សាយពាណិជ្ជកម្ម នៅកីឡដ្ឋានខេត្តស្វាយរៀងរយៈពេល ៥ ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Christopher Grant អ្នកចាត់ការទូទៅក្លិបព្រះខ័នរាជស្វាយរៀងបានឱ្យ ‘កម្ពុជាថ្មី’ ដឹងថា៖ «គម្រោងនេះនឹងចាប់ផ្តើមភ្លាមៗ។ ទោះជាយ៉ាងនេះក្តី វានឹងមានពេលវេលាចាំបាច់ក្នុងការដំឡើង LED ជាមួយនឹងការបណ្តុះបណ្តាលបុគ្គលិក និងមានប្រព័ន្ធដំណើរការ LED Boards នៅកីឡដ្ឋានផងដែរ។ យើងរំពឹងថាកិច្ចការទាំងនេះនឹងរួចរាល់នៅក្នុងអំឡុងរយៈពេល ៦ខែ»។

លោក Mohd Faizal Othman ប្រធាន និងជានាយកប្រតិបត្តិរបស់ក្រុមហ៊ុនបានឱ្យដឹងថា៖ «យើងបានសិក្សាពីឱកាសនៃគម្រោងបច្ចេកវិទ្យាកីឡាជាច្រើននៅក្នុងតំបន់អាស៊ីអាគ្នេយ៍ ហើយយើងបានជ្រើសរើសប្រទេសកម្ពុជា ជាការវិនិយោគដំបូងរបស់យើង។»

«ការចូលទៅកាន់ឧស្សាហកម្មនេះមិនងាយស្រួល ឬថោកនោះទេ។ យើងនាំយកបទពិសោធន៍ដែលប្រមូលបានជាច្រើនឆ្នាំ និងបណ្តាញផ្ទាល់ខ្លួនកម្រិតខ្ពស់មកក្នុងគម្រោងនេះ ដើម្បីព្យាយាមធ្វើវាឱ្យទទួលបានជោគជ័យតាមដែលអាចធ្វើទៅបាន។» នាយកប្រតិបត្តិដដែលរូបនេះបានបន្ថែម។

សូមបញ្ជាក់ថា ក្លិបព្រះខ័នរាជស្វាយរៀង នឹងក្លាយខ្លួនទៅជាក្លិបទី២ នៅលីគបាល់ទាត់កម្ពុជា ដែលមានផ្ទាំងផ្សាយពាណិជ្ជកម្ម LED បន្ទាប់ពីក្លិបវិសាខា បានធ្វើរួចរាល់តាំងពីឆ្នាំ២០២០៕

អត្ថបទ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

លោក តូច ប៉ូលីវ៉ា ជំរុញឲ្យអាជ្ញាធរពិនិត្យអាជ្ញាបណ្ណទីតាំងមានដាក់ឡូតូ នៅស្រុកស្វាយជ្រំ

ព័ត៌មានជាតិ៩ នាទី មុន

យុទ្ធនាការ​ប្រកួត​គ្មានសំរាមតាមដងផ្លូវជាតិ​ខេត្តត្បូងឃ្មុំនៅតែ​បន្ត​ជំរុញ​តាម​ផែនការ

ព័ត៌មានអន្ដរជាតិ៤៩ នាទី មុន

ឆ្នាំមុន អាមេរិក កើបលុយច្រើនសន្ធឹក ពីការលក់សព្វាវុធ

ព័ត៌មានអន្ដរជាតិ៧ ម៉ោង មុន

អ៊ីស្រាអែល ថា នឹងមិនដកទ័ពចេញពីហ្កាហ្សាឡើយ ដរាបណាខ្លួនមិនទាន់ទទួលជ័យជម្នះ

ព័ត៌មានអន្ដរជាតិ៩ ម៉ោង មុន

ក្រុម​ប្រដាប់អាវុធ​ក្នុង​រដ្ឋកា​រ៉ែ​ន​បាន​បាញ់​ទម្លាក់​ឧទ្ធម្ភាគចក្រ​យោធា​មី​យ៉ាន់​ម៉ា​ ​បណ្តាលឱ្យ​ស្លាប់​ឧត្តម​សេនីយ៍​ត្រី​ម្នាក់ និង​មន្ត្រី​យោធា​៤​នាក់

Sokha Hotels

ព័ត៌មានពេញនិយម