កីឡា
កីឡាករបាល់ទាត់ល្បីៗ ៥ រូប ចេញពីទឹកដីអាល្លឺម៉ង់ ទៅកាន់ក្លឹបនៅ អង់គ្លេស ក្នុងតម្លៃខ្លួនកប់ក្ដោង
កីឡាករល្បីៗ និងមានតម្លៃខ្លួនភាគច្រើនសុទ្ធសឹងតែត្រូវបានក្លឹបក្នុងក្របខ័ណ្ឌ Premier League របស់អង់គ្លេសទិញយកចេញពីក្របខ័ណ្ឌកំពូល Bundesliga របស់អាល្លឺម៉ង់ ហើយនេះគឺជាកីឡាករលំដាប់ចំនួន ៥ រូបដែលចាកចេញពីទឹកដីអាល្លឺម៉ង់ទៅកាន់ក្លឹបនៅអង់គ្លេសក្នុងតម្លៃកប់ក្ដោង ៖
១ Erling Haaland ៩១៩ ពាន់លាន
ការផ្ទេររបស់ Erling Haaland ពី Borussia Dortmund ទៅ Manchester City បានធ្វើឲ្យមនុស្សជាច្រើនមានការភ្ញាក់ផ្អើល។ មូលហេតុគឺ Haaland ជាកីឡាករដែលត្រូវក្លឹបជាច្រើនដាក់គោលដៅ។ ទោះជាយ៉ាងណាក៏ដោយគាត់បានសម្រេចចិត្តទៅអង់គ្លេសបន្ទាប់ពីត្រូវបានទិញក្នុងតម្លៃ៦០ លានអឺរ៉ូឬ ៩១៩ ពាន់លាន ។ Haaland បានក្លាយជាកីឡាករថ្លៃបំផុតដែលបានចុះហត្ថលេខាពីក្លឹប Bundesliga ទៅកាន់ English Premier League ។
២ Jadon Sancho ១.៣ ទ្រីលាន
លោកគឺជាកីឡាករចំណូលថ្មីសម្រាប់ Manchester United ក្នុងទីផ្សារដោះដូររដូវក្ដៅឆ្នាំ ២០២១-២២។ Sancho ត្រូវបានទិញពី Borussia Dortmund ក្នុងតម្លៃ ៨៥ លានអឺរ៉ូ ស្មើនឹង ១.៣ ទ្រីលាន។ លោកក៏បានក្លាយជាកីឡាករថ្លៃបំផុតដែលមិនធ្លាប់នាំយកពីក្លឹប Bundesliga មក Premier League ។ ប៉ុន្តែរដូវកាលទី១របស់ Sancho មិនបានប្រព្រឹត្តទៅដោយរលូនទេ ដោយសារតែគាត់មិនអាចសម្របខ្លួនភ្លាមៗទៅនឹងទម្រង់លេងបច្ចុប្បន្នរបស់ Manchester United ។
៣ Kai Havertz ១.២ ទ្រីលាន
Kai Havertz គឺជាកីឡាករដ៏សំខាន់បំផុតរបស់ Chelsea នៅពេលនេះ។ គាត់ត្រូវបាននាំយកពី Bayer 04 Leverkusen ក្នុងឆ្នាំ ២០២០ ក្នុងតម្លៃ ៨០ លានអឺរ៉ូ ស្មើនឹង ១.២ទ្រីលាន។ ជារឿយៗកីឡាករអាល្លឺម៉ង់រូបនេះត្រូវបានប្ដូរទៅជាខ្សែប្រយុទ្ធជួរមុខនៅពេលដែល Romelu Lukaku និង Timo Werner មិនសក្ដិសម។ យ៉ាងហោចណាស់ក៏មានពានរង្វាន់ European Champions League, Club World Cup និង European Super Cup ដែលលោកបានបរិច្ចាគទៅ Chelsea រួចហើយ។
៤ Kevin De Bruyne ១.១ ទ្រីលាន
លោកបានចូលរួមជាមួយ Manchester City ពី Wolfsburg ក្នុងឆ្នាំ២០១៥ ។ នៅពេលនោះ កីឡាករសញ្ជាតិបែលហ្ស៊ិកនេះត្រូវបានទិញក្នុងតម្លៃ ៧៦ លានអឺរ៉ូ ឬស្មើនឹង១.១ ទ្រីលាន ។ គាត់ក៏បានរក្សាកំណត់ត្រាជាកីឡាករថ្លៃបំផុតដែលបាននាំយកពី Bundesliga ទៅកាន់ Premier League មុនពេលកំណត់ត្រានេះត្រូវបានបំបែកដោយ Kai Havertz ។ De Bruyne ខ្លួនគាត់អាចធ្វើបានល្អជាមួយ Manchester City តាមរយៈការបរិច្ចាគពានរង្វាន់ Premier League ជាច្រើន FA Cup ដល់ Carabao Cup ។
៥ Christian Pulisic ៩៨០ ពាន់លាន
Christian Pulisic បានចូលរួមជាមួយ Chelsea ពី Borussia Dortmund ក្នុងខែមករា ឆ្នាំ ២០១៩។ ទោះជាយ៉ាងនេះក្ដី Pulisic នៅតែនៅ Borussia Dortmund ក្នុងលក្ខខណ្ឌខ្ចីជើងរហូតដល់ខែមិថុនា ឆ្នាំ ២០១៩។ Pulisic ត្រូវបានគេទិញក្នុងតម្លៃ ៦៤ លានអឺរ៉ូ ស្មើនឹង ៩៨០ ពាន់លាន។ កីឡាករមកពីសហរដ្ឋអាមេរិករូបនេះ បានបង្ហាញទម្រង់លេងដ៏គួរឲ្យចាប់អារម្មណ៍ជាមួយ Chelsea បើទោះបីជាថ្មីៗនេះ មានការពិបាកក្នុងការជ្រៀតចូលក្រុមសំខាន់ក្រោមការដឹកនាំរបស់ Thomas Tuchel ក៏ដោយ៕
ប្រែសម្រួល៖ សាង ស្រីល័ក្ខ
ចុចអាន៖Chelsea រកឃើញម្ចាស់ក្លិបថ្មី ជំនួសម្ចាស់ក្លិបចាស់ជាមហាសេដ្ឋីរុស្សី
ចុចអាន៖Sancho ដឹងគុណមិត្តរួមក្លឹប ៣ រូប ក្រោយផ្លាស់មកបិសាចក្រហម Manchester United
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
កីឡា៩ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ