កីឡា
ល្ងាចនេះ ជើងខ្លាំងថៃ សនខាវ សងសឹក ធន់ រិទ្ធី នៅបាយ័ន
កាលពីដើមខែនេះ កីឡាករថៃល្បីឈ្មោះមិនចាញ់តារាជួរមុខ សនខាវ សាយខាំណាន់លឺ បានសន្លប់ក្រោមកណ្តាប់ដៃរុំអំបោះឆៅរបស់ជើងខ្លាំងកម្ពុជាកំពុងឡើងកូដ ធន់ រិទ្ធី (ថៃ រិទ្ធី) នៅសង្វៀនទូរទស្សន៍ជាតិកម្ពុជា។
ការប្រកួតនោះហាក់ដូចជាមិនទាន់អស់ចិត្តសោះសម្រាប់អ្នកប្រដាល់ថៃដែលខ្លួនធ្លាប់ឈ្នះជើងខ្លាំងកម្ពុជាមួយចំនួនមកហើយ។ សូម្បីតែជើងខ្លាំងល្បីឈ្មោះលំដាប់ជួរមុខរបស់កម្ពុជាគឺ កែវ រំចង់ ក៏ស្គាល់បរាជ័យដោយកីឡាករថៃម្នាក់នេះដែរ។
នៅមិនសុខ ដេកលក់មិនស្រួលឡើយ ពេលនេះ សនខាវ ទទួលបានឱកាសធ្វើដំណើរមកទឹកដីកម្ពុជាដើម្បីជម្រះបញ្ជីចាស់ជាមួយ ធន់ រិទ្ធី នៅសង្វៀនបាយ័នវេលាម៉ោង៧យប់នេះ។ ជំនួបនេះហាក់ដូចជាមានសង្ឃឹមខ្ពស់ដែរសម្រាប់ ខនខាវ ដោយសារការប្រកួតត្រូវពាក់ហ្គង់ដៃដែលមិនដូចជួបគ្នាលើកមុនរុំអំបោះឆៅ។ ជាពិសេសទៀតនោះរយៈពេលប្រហែលជាពីរសប្តាហ៍កន្លងទៅជាពេលដែលរូបគេពង្រឹងសមត្ថភាព និងសម្រួចអាវុធមិនស្ទើរទេដែលខុសពីលើកមុនដែលរូបគេប្រហែលជាហ្វឹកហាត់មិនសូវពេញលេញ ក្រោយការរឹតបន្តឹងកូវីដ-១៩ទើបធូរស្បើយ។
ថៃ រិទ្ធី ទើបតែល្បីឈ្មោះខ្លាំងឈានជើងចូលលំដាប់ A នៅកម្ពុជា បន្ទាប់ពីរូបគេប្រើកណ្តាប់ដៃផ្តួលជើងខ្លាំងកម្ពុជាមួយចំនួនក្នុងអន្តរកាលកូវីដ-១៩ដូចជា ឡៅ ចន្ទ្រា និង ធឿន ធារ៉ា ក៏ស្គាល់រស់ជាតិសន្លប់ក្រោមផ្លែដៃរបស់គេដែរ។ ថៃ រិទ្ធី មានអាវុធពិឃាតគឺកណ្តាប់ដៃ ពីព្រោះទម្ងន់ដៃរបស់គេធ្ងន់ណាស់។
ចំណែក សនខាវ វិញជាកីឡាករប្រដាល់ថៃម្នាក់ដែលមានបទពិសោធច្រើន និងវ៉ៃពោរពេញដោយបច្ចេកទេស។ រូបគេមានគោលជំហររឹងមាំល្អ ចេញ-ចូលដោយបច្ចេកទេស និងមានអាវុធល្អទាំងព្រមគឺកណ្តាប់ដៃ ទាត់ និងជង្គង់។
ចាំមើលយប់នេះចាប់ពីម៉ោង៧:០០នាទីទៅ នរណាជាជើងខ្លាំងប្រចាំសង្វៀនបាយ័ន?
អត្ថបទ៖ វីរបុត្រ
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៣ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៥ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ២ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៥ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៦ ថ្ងៃ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៤ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៤ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS