កីឡា

ជួបភ្នំពេញក្រោនស្អែក លោក Conor ថា នឹងជាការប្រកួតដ៏អស្ចារ្យ

បានផុស

៤ years មុន

នៅ

ថ្ងៃចន្ទ ៤ កក្កដា ២០២២

ដោយ

គ្រូបង្វឹកព្រះខ័នរាជស្វាយរៀង លោក Conor Nester បានរៀបចំកូនក្រុមយ៉ាងល្អដើម្បីទទួលស្វាគមន៍ភ្នំពេញក្រោន វេលាម៉ោង៦:៣០នាទីល្ងាច ថ្ងៃអង្គារ៍ ទី៦ ខែកក្កដា ស្អែកនេះនៅទឹកដីរបស់ខ្លួន ក្នុងសប្តាហ៍ទី៩ នៃការប្រកួតជម្រើសជើងឯកខេមបូឌានព្រីមៀរលីគ រដូវកាល២០២២ ផ្សាយផ្ទាល់តាមរយៈ«កម្ពុជាថ្មី»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Conor Nester បានប្រាប់ថា ៖«យើងរីករាយក្នុងការលេងនៅចំពោះមុខអ្នកគាំទ្ររបស់យើងទល់នឹងម្ចាស់ជើងឯកឆ្នាំចាស់។ ខ្ញុំជឿថា វានឹងក្លាយជាការប្រកួតដ៏អស្ចារ្យ ហើយសង្ឃឹមថា នឹងមានអ្នកគាំទ្រច្រើនចូលទស្សនាពេញកីឡដ្ឋាន បើទោះជាការប្រកួតធ្វើនៅថ្ងៃអង្គារ៍ក៏ដោយ»។

បើនិយាយពីការរៀបចំក្រុមវិញ គ្រូបង្វឹករូបនេះបានឲ្យដឹងថា រៀបចំបានល្អ និងមិនមានបញ្ហាអ្វីធំដុំដែលជាកង្វល់ឡើយ។ លោកប្រាប់ថា ៖«ពិតណាស់ យើងត្រៀមកូនក្រុមបានល្អ។ លើកលែងតែ ប្រាក់ មុន្នីឧត្តម នឹងអវត្តមានក្នុងការប្រកួតនេះ ដោយសាររូបគេមានរបួស ប៉ុន្តែកីឡាករផ្សេងៗទៀតត្រៀមខ្លួនរួចរាល់ហើយ»។

កីឡាករព្រះខ័នរាជស្វាយរៀងអបអរកាលឈ្នះភ្នំពេញក្រោនជុំទី១

កាលពីជុំទី១ ព្រះខ័នរាជស្វាយរៀងបានយកឈ្នះភ្នំពេញក្រោនដោយលទ្ធផល ៣-១ នៅទឹកដីរបស់ភ្នំពេញក្រោន ក្នុងរាជធានីភ្នំពេញ។ ថ្ងៃអង្គារ៍ស្អែកនេះគឺជាការប្រកួតសប្តាហ៍ទី៨របស់ភ្នំពេញក្រោន ដោយសារក្រុមតំណាងកម្ពុជានេះបានចេញទៅប្រកួតពានរង្វាន់ AFC Cup។ ការប្រកួតនៅលីគ៧លើកកាលពីជុំទី១ ភ្នំពេញក្រោន ឈ្នះ១ ស្មើ៤ និងចាញ់២ មាន៧ពិន្ទុ កំពុងឈរចំណាត់ថ្នាក់លេខ៦។

ចំណែក ព្រះខ័នរាជស្វាយរៀង នៅតែជាក្លឹបមិនទាន់ស្គាល់បរាជ័យក្នុងការប្រកួតជម្រើសជើងឯកខេមបូឌានព្រីមៀរលីគ រដូវកាល២០២២នេះ បន្ទាប់ពី៨ប្រកួតគឺឈ្នះ៧ និងស្មើ១ មាន២២ពិន្ទុ កំពុងឈរលើកំពូលតារាង៕

អត្ថបទ៖ វីរបុត្រ

ព័ត៌មានជាតិ៧ ថ្ងៃ ago

ថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ

ព័ត៌មានអន្ដរជាតិ៥ ថ្ងៃ ago

អង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ

ព័ត៌មានជាតិ១ សប្តាហ៍ ago

ក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា