កីឡា
ជូ ស៊ិនទី រំពឹងកើនសមត្ថភាពពេលចូលរួមប្រកួត AFC U-20 Asian Cup ជាលើកទី២
សមាជិកនៃក្រុមជម្រើសជាតិកម្ពុជា អាយុក្រោម២០ឆ្នាំ ជូ ស៊ិនទី បានបង្ហាញក្ដីរំពឹងនឹងកើនឡើងនូវសមត្ថភាពបន្ថែមទៀត ពីការប្រកួតពានយុវជនអាស៊ីអាយុក្រោម២០ឆ្នាំ (AFC U-20 Asian Cup) វគ្គជម្រុះ ដែលគ្រោងធ្វើនាប៉ុន្មានថ្ងៃខាងមុខនេះ។
ស៊ិនទី ជាកីឡាករតែម្នាក់គត់មកពីក្លិបព្រះខ័នរាជស្វាយរៀង ដែលមានឈ្មោះក្នុងបញ្ជី ២៣នាក់ចុងក្រោយ U-20 កម្ពុជា ដែលត្រូវតតាំងជាមួយម្ចាស់ផ្ទះពូល I តាជីគីស្ថាន, លីបង់ និងសិង្ហបុរី ខណៈកីឡាករវ័យ ១៩ឆ្នាំរូបនេះដឹងច្បាស់ថាក្រុមទាំងអស់សុទ្ធតែជាក្រុមខ្លាំង យ៉ាងណាក៏គេរំពឹងប្រឹងប្រែងឱ្យអស់ពីលទ្ធភាព។
ជូ ស៊ិនទី បានឱ្យ ‘កម្ពុជាថ្មី’ ដឹងថា៖ «ខ្ញុំគិតថាការប្រកួតខាងមុខនេះជាការប្រកួតមួយដ៏ល្អ ព្រោះក្នុងពូលរបស់យើងសុទ្ធតែជាក្រុមខ្លាំង ហើយការប្រកួតទាំងអស់នឹងតាងតឹង។ ហើយពួកយើងនឹងខំប្រឹងឱ្យអស់នៅគ្រប់ការប្រកួតខាងមុខនេះ។»
នេះមិនមែនជាលើកទី១ សម្រាប់គេឡើយក្នុងពានរង្វាន់នេះ ខណៈកាលពីឆ្នាំ២០១៩ គេធ្លាប់បានចូលរួមផងដែរ ក្នុងចំណោមនៃការជួយរួមចំណែក U-19 កម្ពុជា គេបានបង្ហាញខ្លួនចំនួន ២ប្រកួត ក្នុងនោះជម្រើស ១១នាក់ដំបូងទល់នឹង កោះម៉ារីណាខាងជើង ហើយប្រកួតទី២ ប្ដូរចូលពេលជួប U-19 ថៃ ដោយបានប្រឹងប្រែងរហូតបានកៅអីឡើងទៅលេងជុំផ្ដាច់ព្រ័ត្រ ដែលត្រូវធ្វើនៅដើមឆ្នាំ២០២០ ប៉ុន្តែត្រូវបានខកខានវិញ ដោយសារវិបត្តិកូវីដ-១៩ ធ្វើឱ្យសហព័ន្ធកីឡាបាល់ទាត់ទ្វីបអាស៊ី (AFC) សម្រេចលុបចោលព្រឹត្តិការណ៍នេះ។
«ជុំវិញបទពិសោធន៍នៃការលេងពាននេះជាលើកទី២ ខ្ញុំមានអារម្មណ៍សប្បាយចិត្តដែលបានលេងម្តងទៀត ព្រោះកម្រិត AFC គឺខ្លាំង ធ្វើអោយយើងបង្កើនសមត្ថភាពបន្ថែម។» ខ្សែបម្រើកណ្ដាលរបស់ព្រះខ័នរាជស្វាយរៀងរូបនេះបានសង្កត់ធ្ងន់។ ពាននឹងចាប់ផ្ដើមប្រកួតពីថ្ងៃទី១៤ ដល់ថ្ងៃទី១៨ ខែកញ្ញា ឆ្នាំ២០២២ នៅទឹកដីកណ្ដាលប្រទេសតាជីគីស្ថាន៕
អត្ថបទ៖ មន្នីរ័ត្ន
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?