កីឡា

កម្ពុជាអាចបញ្ចប់កំណត់ត្រាមិនធ្លាប់ឈ្នះបង់ក្លាដែសបានទេយប់នេះ?

បានផុស

៤ years មុន

នៅ

ថ្ងៃព្រហស្បតិ៍ ២២ កញ្ញា ២០២២

ដោយ

ក្រុមបាល់ទាត់ជម្រើសជាតិកម្ពុជាមិនធ្លាប់ឈ្នះក្រុមជម្រើសជាតិបង់ក្លាដែស ក្នុងជំនួប៤លើកកន្លងមកគិតចាប់តាំងពីឆ្នាំ២០០៦មក ហើយវេលាម៉ោង៧យប់នេះនឹងជាការជួបគ្នាលើកទី៥ ពហុកីឡដ្ឋានជាតិមរតកតេជោ សម្រាប់ការប្រកួតមិត្តភាពអន្តរជាតិ ថ្ងៃ FIFA Day ដែលផ្សាយផ្ទាល់ដោយទូរទស្សន៍ បាយ័ន និង BTV News។

សំដីគ្រូ

លោក Hirose Ryu គ្រូជម្រើសជាតិកម្ពុជា បាននិយាយថា ៖«ការប្រកួតនេះ ពួកយើងស្រេកឃ្លានជ័យជម្នះ ប៉ុន្តែមិនមែនមានន័យថា ជាការប្រកួតងាយស្រួលនោះទេ។ វាជាកាតព្វកិច្ចដែលយើងត្រូវតែឈ្នះក្នុងការប្រកួតក្នុងផ្ទះរបស់ពួកយើង»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Javier Cabrera គ្រូជម្រើសជាតិបង់ក្លាដែសបាននិយាយថា ៖«ពួកយើងមានកម្លាំងចិត្តកាយយ៉ាងខ្លាំងសម្រាប់ការប្រកួតនេះ ដោយសារម្ចាស់ផ្ទះកម្ពុជាទទួលបានល្អ ហើយពួកយើងមកទីនេះដើម្បីបង្ហាញឲ្យអ្នកទាំងអស់គ្នាបានឃើញថា ជ័យជម្នះជារបស់ពួកយើង»។

ជួបគ្នា៤លើកចុងក្រោយ

ប្រវត្តិជួបគ្នា៤លើកចុងក្រោយគិតចាប់តាំងពីឆ្នាំ២០០៦មក កម្ពុជាមិនធ្លាប់ឈ្នះបង់ក្លាដែសទេគឺ ចាញ់៣ដង និងស្មើ១ដង។ ឆ្នាំ២០០៦ កម្ពុជា ចាញ់ បង់ក្លាដែស ២-១ ក្នុងពានរង្វាន់ AFC Challenge Cup នៅទឹកដីរបស់បង់ក្លាដែស។ ១គ្រាប់របស់កម្ពុជារកបានដោយកីឡាករ ចាន់ រិទ្ធី។ ឆ្នាំ២០០៧ កម្ពុជា ស្មើជាមួយ បង់ក្លាដែស ១-១ ក្នុងពានរង្វាន់ Nehru Cup នៅប្រទេសឥណ្ឌា។ ១គ្រាប់របស់កម្ពុជារកបានដោយ កែវ កុលស។ ឆ្នាំ២០០៩ ក្នុងជំនួបមិត្តភាពអន្តរជាតិខែមីនា កម្ពុជា ចាញ់ ០-១ នៅទឹកដីបង់ក្លាដែស និង ឆ្នាំ២០១៩ ខែមេសា កម្ពុជា ចាញ់ ១-០ ទៀត នៅទឹកដីកម្ពុជា។

ចំណាត់ថ្នាក់ FIFA បច្ចុប្បន្ន

ទិន្នន័យបច្ចុប្បន្នភាពចុងក្រោយបំផុតត្រឹមថ្ងៃទី២៥ ខែសីហា កន្លងទៅ ក្រុមបាល់ទាត់ជម្រើសជាតិកម្ពុជា ស្ថិតនៅចំណាត់ថ្នាក់លេខ១៧៤នៃតារាងបាល់ទាត់ជម្រើសជាតិទូទាំងពិភពលោក (FIFA Ranking) ខណៈជម្រើសជាតិបង់ក្លាដែស ស្ថិតនៅក្រោមកម្ពុជាទេគឺលេខ ១៩២។

៥ប្រកួតចុងក្រោយរបស់ បង់ក្លាដែស