កីឡា

គិតត្រឹមថ្ងៃទី១៥មីនា តើប្រទេសនីមួយៗចុះឈ្មោះកីឡាប្រកួតស៊ីហ្គេមបានប៉ុន្មានហើយ?

បានផុស

២ years មុន

នៅ

ថ្ងៃព្រហស្បតិ៍ ១៦ មីនា ២០២៣

ដោយ

ការចុះឈ្មោះចូលរួមប្រកួតកីឡាស៊ីហ្គេម លើកទី៣២ ឆ្នាំ២០២៣ លើប្រភេទកីឡា វិញ្ញាសា ឈ្មោះកីឡា និងឈ្មោះវិញ្ញាសា គ្រោងនឹងបិទបញ្ចប់ត្រឹមវេលាម៉ោង១២យប់ ថ្ងៃទី១៦ ខែមីនា នេះហើយ បន្ទាប់ពីបើកចុះឈ្មោះតាំងពីថ្ងៃទី៥ ខែមីនា កន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមព័ត៌មានដែលលោក ញ៉ាន សុខវិសាល ប្រធានទំនាក់ទំនងអន្តរជាតិនៃគណៈកម្មាធិការជាតិអូឡាំពិកកម្ពុជា និងគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ បានធ្វើបទបង្ហាញដល់សន្និសីទស្តីពីផែនការសារព័ត៌មាន និងការផ្សព្វផ្សាយដល់អ្នកសារព័ត៌មានជាតិ និងអន្តរជាតិ នាព្រឹកថ្ងៃទី១៦ ខែមីនានេះឃើញថា គិតត្រឹមថ្ងៃទី១៥ ខែមីនា ប្រទេសអាស៊ានទាំងអស់ រាប់ទាំងម្ចាស់ផ្ទះកម្ពុជាផងមិនទាន់ចុះឈ្មោះលើប្រភេទកីឡា វិញ្ញាសា ឈ្មោះកីឡា និងឈ្មោះវិញ្ញាសា ចប់សព្វគ្រប់ឡើយ។

ខាងក្រោមជាតារាងដែលប្រទេសនីមួយៗបានចុះឈ្មោះគិតត្រឹមថ្ងៃទី១៥ ខែមីនាម្សិលមិញ។

កន្លងមក ប្រសិនបើការចុះឈ្មោះតាមប្រភេទកីឡាយឹត និងមិនទាន់គ្រប់ ប្រទេសជាម្ចាស់ផ្ទះអាចនឹងពន្យារពេលសម្រាប់ការចុះឈ្មោះបន្ថែម។ ជាក់ស្តែង ប្រទេសវៀតណាមដែលបានធ្វើម្ចាស់កាលពីឆ្នាំ២០២២ ក៏បានពន្យារពេលសម្រាប់ការចុះឈ្មោះដែរ។

ដូច្នេះប្រសិនបើ ការចុះឈ្មោះគ្រប់តាមចំនួនដែលប្រទេសនីមួយៗបានកំណត់លើប្រភេទកីឡា និងមុនម៉ោង១២យប់នេះ ថ្ងៃទី១៦ ខែមីនា ការចុះឈ្មោះនឹងមិនមានពន្យារពេលឡើយ។

សូមបញ្ជាក់ថា កម្ពុជាក្នុងនាមជាម្ចាស់ផ្ទះកីឡាស៊ីហ្គេម លើកទី៣២ បានដាក់កីឡាចំនួន៣៦ប្រភេទ ដែលមាន៦០៨វិញ្ញាសា (៦០៨មេដាយមាស) និងមានកីឡាសម្តែង១ប្រភេទ៕

អត្ថបទ៖ វីរបុត្រ

Related Topics:កីឡាស៊ីហ្គេម ឆ្នាំ២០២៣