កីឡា

ទីលានកីឡា៩ប្រភេទត្រៀមស៊ីហ្គេមនៅអូឡាំពិករួចរាល់ផ្តល់ភាពកក់ក្តៅ

បានផុស

៣ years មុន

នៅ

ថ្ងៃព្រហស្បតិ៍ ៦ មេសា ២០២៣

ដោយ

ទីលានត្រៀមប្រកួតកីឡា៨ប្រភេទនៅពហុកីឡដ្ឋានជាតិ (អូឡាំពិក) សម្រាប់កីឡាស៊ីហ្គេម លើកទី៣២ ឆ្នាំ២០២៣ ត្រូវបានរៀបចំរួចរាល់ស្ទើរ១០០%ហើយដែលនេះផ្តល់ឲ្យម្ចាស់ផ្ទះកម្ពុជាមានភាពកក់ក្តៅ និងមោទនភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ នៅព្រឹកថ្ងៃទី៦ ខែមេសានេះ បានចុះត្រួតពិនិត្យផ្ទាល់នូវទីលានទាំងអស់ដែលត្រៀមប្រកួតកីឡាទាំង៨ប្រភេទនៅពហុកីឡដ្ឋានជាតិ។

ក្រោយការចុះពិនិត្យទីលានទាំងអស់ជុំវិញស្តាតអូឡាំពិក សម្តេចពិជ័យសេនា ទៀ បាញ់ បានផ្តល់បទសម្ភាសដល់អ្នកសារព័ត៌មាន ដោយមានប្រសាសន៍ថា ៖«ទីលានសម្រាប់កីឡានីមួយៗជុំវិញស្តាតអូឡាំពិករបស់យើងនេះ យើងមានភាពកក់ក្តៅ និងមានមោទនភាព ព្រោះទីលានទាំង៧ហាក់ដូចជារៀបរយអស់ហើយ។ នៅសល់តែការតុបតែងលំអឲ្យមានសោភ័ណភាពឲ្យសមស្របទៅតាមតម្រូវការរបស់យើងប៉ុណ្ណោះ។ ដោយឡែកមានអគារមួយសម្រាប់កីឡាកាយសម្ព័ន្ធនៅទីនេះ ហាក់ដូចជាមិនទាន់បានរួចរាល់ទេ ក៏ប៉ុន្តែបើមើលតាមទំហំការងារដែលត្រូវបង្ហើយហ្នឹងក៏មានភាពកក់ក្តៅ។ យើងអាចធ្វើទាន់ ពេលវេលា អត់មានបញ្ហាទេ។ គ្រាន់តែប្រក់ដំបូលពីលើ រៀបចំកម្រាល បំពាក់សម្ភារៈ និងមានការតុបតែងលំអខាងក្នុងគឺគ្មានអ្វីស្មុគស្មាញច្រើនទេ»។

«ជារួមយើងមានភាពកក់ក្តៅជុំវិញទីតាំងទាំងប៉ុន្មាននៅអូឡាំពិក។ ក្នុងនោះយើងក៏បានចូលពិនិត្យមើលទាំងទីលានហ្វឹកហាត់ថែមទៀត។ ឃើញថា ការងារនេះយើងបានដំណើរការល្អ។ នៅសល់តិចតូចប៉ុណ្ណោះ ស្របពេលក្រុមជំនាញនីមួយៗចូលតុបតែងឲ្យបានស្អាត»។ សម្តេចពិជ័យសេនាបានបញ្ជាក់។

សម្តេចប្រធានបន្ថែមថា មិនមែនត្រឹមតែទីលានសម្រាប់ការប្រកួតនៅពហុកីឡដ្ឋានជាតិប៉ុណ្ណោះទេ ប៉ុន្តែទីលានផ្សេងៗទៀតនៅរាជធានីភ្នំពេញ និងតាមបណ្តាខេត្តក៏បានរៀបចំរួចរាល់ហើយដែរ ប៉ុន្តែនៅខ្វះតែការរៀបចំតុបតែងលំអប៉ុណ្ណោះ។

សូមបញ្ជាក់ថា កីឡាមាន៩ប្រភេទត្រូវប្រកួតក្នុងពហុកីឡដ្ឋានជាតិ ប៉ុន្តែបើគិតជាទីលានមាន៧កន្លែងផ្សេងគ្នា ដោយសារកីឡារាំ និងកីឡាកាយសម្ព័ន្ធរៀបចំការប្រកួតក្នុងទីលានតែមួយ តែខុសកាលបរិច្ឆេទប្រកួត។

ចុះមើលចុចលើ «បាល់ទាត់ និងកីឡា៧ប្រភេទនេះប្រកួតនៅស្តាតអូឡាំពិក»។

ព័ត៌មានជាច្រើនបន្ថែមពីកីឡាស៊ីហ្គេម សូម«ស៊ីហ្គេម»

អត្ថបទ៖ វីរបុត្រ

Related Topics:កីឡាស៊ីហ្គេម

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា