កីឡា

ព្រឹកនេះ ក្រុមកម្ពុជាចេញទៅប៉ាគីស្ថានដើម្បីប្រកួតជើងទី២

បានផុស

៣ years មុន

នៅ

ថ្ងៃសៅរ៍ ១៤ តុលា ២០២៣

ដោយ

ក្រុមបាល់ទាត់ជម្រើសជាតិកម្ពុជាចេញដំណើរទៅប្រទេសប៉ាគីស្ថាន ព្រឹកថ្ងៃទី១៤ ខែតុលា ឆ្នាំ២០២៣ ដែលជាពេលវេលាបុណ្យភ្ជុំបិណ្ឌដើម្បីប្រកួតជាមួយម្ចាស់ផ្ទះ ជើងទី២ ថ្ងៃទី១៧ ខែតុលា វគ្គជម្រុះជុំទី១ ជើងឯកពិភពលោកឆ្នាំ២០២៦ (FIFA World Cup 2026)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតជើងទី១ កាលពីថ្ងៃទី១២ ខែតុលា នៅពហុកីឡដ្ឋានជាតិអូឡាំពិក រាជធានីភ្នំពេញ ក្រុមម្ចាស់ផ្ទះកម្ពុជាបានគ្រប់គ្រងលើការប្រកួតស្ទើរទាំងស្រុង ប៉ុន្តែមិនអាចទម្លាយសំណាញ់ទី១របស់ប៉ាគីស្ថានបានឡើយ។ ថ្វីបើគ្រប់គ្រងបាល់ភាគច្រើនមែន តែកម្ពុជាមិនបានបង្កើតឱកាសគ្រោះថ្នាក់ លើកបាល់ឆ្វេង-ស្តាំង និងស៊ុតមុខទីរបស់ប៉ាគីស្ថានទេ។

លទ្ធផល ០-០ កាលពីជើងទី១ជាអំណោយផលរបស់ប៉ាគីស្ថានដែលមិនធ្លាប់ឈ្នះកម្ពុជាក្នុងស្វែងរកជ័យជម្នះលើកដំបូងនៅទឹកដីរបស់ខ្លួន។ ផ្ទុយទៅវិញ កម្ពុជាត្រូវផ្លាស់ប្តូរទម្រង់លេង និងកីឡាករឲ្យបានច្រើន ទើបអាចមានលទ្ធផលប្រែប្រួល។ បើរក្សាដូចទម្រង់លេងកាលជើងទី១គឺនឹងយ៉ាប់របស់ប៉ាគីស្ថាន។

ចំណុចខ្សោយធំបំផុតរបស់កម្ពុជាគឺការលេងនៅតំបន់ជួរមុខទាំងបម្រើ និងប្រយុទ្ធដែលគ្មានប្រសិទ្ធភាព។ ទោះជាយ៉ាងណា ខ្សែប្រយុទ្ធ Privat អាចនឹងជួយកម្ពុជា ប្រសិនបើរូបគេអាចលេងនៅជើងទី២។