Connect with us

កីឡា

ប្រុស​ស្អាត Nick Taylor ជោគជ័យលើទឹកដីកម្ពុជាលើសពីបាល់ទាត់

បានផុស

នៅ

តារា​បាល់ទាត់​ខ្មែរ-អាមេរិក Nick Taylor កំពុង​ស្ថិត​លើ​វិថី​ដ៏​ត្រចះត្រចង់​សម្រាប់​ការ​ប្រកប​អាជីព​បាល់ទាត់​រដូវ​កាល​ដំបូង​នៅ​​ប្រទេស​កម្ពុជា។ តាម​រយៈ​បទ​ពិសោធ ជំនាញ​បាល់ទាត់ បូក​រួម​ទាំង​រូប​រាង​ស្រស់​សង្ហា​បាន​ផ្តល់​ឱកាស​ឲ្យ​​​តារា​ឆ្នើម​រូប​នេះ​ក្រសោប​បានជោគជ័យលើស​ពី​បាល់ទាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិថី​បាល់ទាត់​លើ​ទឹក​ដី​កម្ពុជា

បុរស​សង្ហា Nick Taylor ​បាន​ចូល​រួម​ជា​ក្លិប​ព្រះ​ខ័ន​រាជ​ស្វាយរៀង​កាល​ពី​ដើម​ឆ្នាំ​២០២៣ ក្រោម​ការ​ដឹក​នាំ​របស់​អតីត​គ្រូ​បង្វឹក Conor Nestor។ ដំបូង​ឡើយ រូប​គេ​ត្រូវ​បាន​ក្រុម​ការងារ​គ្រូ​បង្វឹក​ជម្រើស​ជាតិ​​កោះ​ហៅ​​ចូល​រួម​ជា​មួយ​ក្រុម​បាល់ទាត់​ជម្រើស​ជាតិ​កម្ពុជា​សម្រាប់​ការ​ប្រកួត​​មិត្តភាព​អន្តរជាតិ​ជា​មួយ​បង់ក្លាដែស និង​ការ​ប្រកួត​ជើង​ឯក​អាស៊ាន AFF Championship ហើយ​រូប​គេ​ក៏​បាន​បង្ហាញ​ខ្លួន និង​រក​បាន​គ្រាប់​ឲ្យ​ជម្រើស​ជាតិ​កម្ពុជា​ដែរ។

បន្ទាប់​មក​រូប​គេ​បាន​ចាប់​អារម្មណ៍​នឹង​បាល់ទាត់​នៅ​ប្រទេស​កម្ពុជា។ នៅ​ពេលចប់​កុងត្រា​ជា​មួយ​​ក្លិប​ចាស់ Orlando City B របស់​សហរដ្ឋ​អាមេរិក Nick បាន​ចូល​រួម​ជា​មួយ​ក្លិប​ព្រះ​ខ័ន​រាជ​ស្វាយរៀង​ដែល​មាន​មូលដ្ឋាន​នៅ​ខេត្ត​ស្វាយរៀង​ជា​ទឹក​ដី​កំណើត​ជីតា​របស់​ខ្លួន។

រូប​គេ​បាន​បង្ហាញ​ខ្លួន​សម្រាប់​ការ​ប្រកួត​ត្រៀម​បើក​រដូវ​កាល (Pre-Season) កាល​ពី​ដើម​ឆ្នាំ​មុន​ពេល​ខេមបូឌាន ព្រីមៀរ​លីគ​​​រដូវ​កាល​២០២៣-២៤​ចាប់​ផ្តើម។ ស្ថិត​ក្រោម​ការ​ដឹក​នាំ​គ្រូ​បង្វឹក​ថ្មីលោក Pep សមាជិក​ថ្មី​រូប​នេះ​ទទួល​បាន​ការ​ទុក​ចិត្ត​​ឲ្យ​បង្ហាញ​ខ្លួន​លើ​ទី​លាន​ស្ទើរ​គ្រប់​ការ​ប្រកួត។

ពី​មួយ​សប្តាហ៍​ទៅ​មួយ​សប្តាហ៍ Nick Taylor កាន់​តែ​បង្ហាញ​គុណ​ផល​ល្អ​ប្រសើរ និង​រក​បាន​គ្រាប់​បាល់ជា​បន្ត​បន្ទាប់​។ ទី​បំផុត រូប​គេ​បាន​រួម​ចំណែក​ជួយ​​ឲ្យ​ព្រះ​ខ័ន​រាជ​ស្វាយរៀង​ឈ្នះ​ពាន​រង្វាន់​ធំ​២​ក្នុង​មួយ​រដូវ​កាល​គឺ ពាន​រង្វាន់​សម្តេច​តេជោ ហ៊ុន សែន លើក​ទី​១៧ និង​ពាន​រង្វាន់​ខេមបូឌានព្រីមៀរលីគ។ នេះ​ជា​សមិទ្ធផល​ដ៏​ធំ​ធេង​បំផុត​របស់ Nick ក្នុង​អាជីព​របស់​ខ្លួន​គិត​ត្រឹម​​ពាក់​កណ្តាល​ឆ្នាំ​២០២៤។

ក្នុង​បទ​សម្ភាស​ជា​មួយ​សារព័ត៌មាន​«កម្ពុជាថ្មី» Nick Taylor បាន​និយាយ​ថា ៖«វា​ជា​រដូវ​កាល​ដំបូង​ដ៏​អស្ចារ្យ​សម្រាប់​ខ្ញុំ​នៅ​កម្ពុជា។ យើង​​ទទួល​បាន​ជោគជ័យពេញ​លេញ​ក្នុង​មួយ​រដូវ​កាល»

ទី​ផ្សារផ្សាយ​​ពាណិជ្ជកម្ម

ក្រៅ​ពី​ជោគជ័យ​លើ​អាជីព​បាល់ទាត់​​ទាំង​ក្លិប និង​ជម្រើស​ជាតិ​កម្ពុជា Nick Taylor អាច​ត្រូវ​បាន​ចាត់​ទុក​ជា​កីឡាករ​បាល់ទាត់​ដែល​ទទួល​បាន​ជោគជ័យ​បំផុត​ក្នុង​ឧស្សាហកម្ម​ផ្សាយ​ពាណិជ្ជកម្ម​នា​ពេល​បច្ចុប្បន្ន​ បើ​ប្រៀប​ធៀប​នឹង​កីឡាករ​បាល់ទាត់​ផ្សេង​ៗ​នៅប្រទេស​កម្ពុជា។ កីឡាករ​រូប​នេះ​​ទទួល​បាន​ឱកាស​ថត​ផ្សាយ​ពាណិជ្ជកម្ម​ជា​ញឹក​ញាប់​ឲ្យ​ផលិតផល​ក្នុង​ស្រុក​ជា​ច្រើន។ រូប​គេ​ក៏​ឧស្សាហ៍​​បាន​បង្ហាញ​ខ្លួន​ក្នុង​ព្រឹត្តិការណ៍​បើក​សម្ពោធ​ផលិតផល ឬ​ហាង​​នានា​ដែរ។

ជីវិត​ស្នេហា

តារា​បាល់ទាត់ Nick Taylor បាន​ភ្ជាប់​ពាក្យ​ជា​មួយ​តារា​ចម្រៀង​ស្រី​ដ៏​ស្រស់​ស្អាត Rabee ដែល​ទទួល​បាន​ការ​សាទរ​យ៉ាង​ខ្លាំង​ពី​អ្នក​គាំទ្រ។ អ្នក​ទាំង​ពីរ​បាន​ស្គាល់​គ្នា​តាម​រយៈ​ការ​ថត​ផ្សាយ​ពាណិជ្ជកម្ម​ជា​មួយ​គ្នា។ អ្នក​ទាំង​ពីរ​ត្រូវ​បាន​គេ​មើល​ឃើញ​ពី​ការ​បង្ហាញ​ខ្លួន​ជា​មួយ​គ្នា​ញឹក​ញាប់​ក្នុង​ពិធី​បើក​សម្ពោធ​ផលិតផល​នានា។

ស្រប​ពេល​​កញ្ញា Rabee អាច​និយាយ​ភាសា​អង់គ្លេស​បាន​យ៉ាង​ល្អ​ថែម​ទៀត​នោះ​បាន​ជំរុញ​ធ្វើ​ឲ្យ​ទំនាក់​ទំនង​របស់​អ្នក​ទាំង​ពីរ​កាន់​តែ​ល្អ​ប្រសើរ​រហូត​បាន​ក្លាយ​ជា​ស្នេហា។ ទី​បំផុត​អ្នក​ទាំង​ពីរ​បាន​ប្រកាស​ពី​ពិធី​ភ្ជាប់​ពាក្យ​ជា​ផ្លូវ​ការ។ តារា​ចម្រៀង​ពូកែ​រាំ Rabee បាន​ទៅ​ទស្សនា​ផ្ទាល់​ដល់​ទី​លាន​ប្រកួត​ដើម្បី​លើក​ទឹក​ចិត្ត​បុរស​សង្ហា Nick។

អាច​និយាយ​បាន​ថា Nick Taylor កំពុង​មាន​វិថី​ជីវិត​ដ៏​ជោគជ័យ​លើ​ទឹក​ដី​កម្ពុជា​ក្នុង​នោះ​គឺ​អាជីព​បាល់ទាត់ ការងារ​ក្រៅ​ពី​បាល់ទាត់ និង​ជីវិត​ស្នេហា ដែល​កម្រ​មាន​កីឡាករ​ណា​ទទួល​បាន​ទាំង​ព្រម​បែប​នេះ​ណាស់៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៨ នាទី មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៣៧ នាទី មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង១ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៤ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៤ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

Sokha Hotels

ព័ត៌មានពេញនិយម