កីឡា
យុវជន លឹម លោកា និង Mustapha មកដល់កម្ពុជាធ្វើឲ្យអ្នកគាំទ្រគិតរឿង២យ៉ាង
កីឡាករវ័យក្មេងខ្មែរ-នូវែលសេឡង់២នាក់គឺកីឡាករ Ashnarvy Mustapha និង លឹម លោកាថុង បានមកដល់ប្រទេសកម្ពុជានៅក្នុងសប្តាហ៍នេះបានធ្វើឲ្យអ្នកគាំទ្រមានការចាប់អារម្មណ៍លើរឿង២យ៉ាងសម្រាប់វត្តមានរបស់ពួកគេជាថ្មីនៅលើទឹកដីកម្ពុជា។
រឿងទី១ អ្នកគាំទ្របានកំពុងដាក់ការសង្ស័យលើពួកគេដែលអាចចុះកុងត្រាចូលរួមជាមួយក្លិបលីគកំពូលកម្ពុជាណាមួយនៅពេលទីផ្សារដោះដូរកីឡាករត្រូវបើកនាពេលដ៏ខ្លីខាងមុខ។ យុវជនវ័យទើប១៨ឆ្នាំ លឹម លោកាថុង ត្រូវបានគេឃើញចូលរួមហ្វឹកហាត់ជាមួយ ក្រុមសមាគមបាល់ទាត់ក្រសួងក្រសួងការពារជាតិ ដែលបងប្រុសរបស់ខ្លួន លឹម អារុណរ៉េយមិន កំពុងលេងនៅទីនោះ ហើយក៏ក្លាយជាការចាប់អារម្មណ៍ចូលរួមក្លិបនេះដែរ។
ជាមួយគ្នានេះ ក្លិបបាល់ទាត់វិសាខាទើបតែផ្សាយដំណឹងផ្លូវការពីការត្រៀមខ្លួនបង្ហាញសមាជិកថ្មីនៅពេលទីផ្សារដោះដូរកីឡាករត្រូវបានបើក។ អ្នកគាំទ្រភាគច្រើនបានចាប់អារម្មណ៍លើខ្សែប្រយុទ្ធវ័យក្មេង Ashnarvy Mustapha ដែលអាចចូលវិសាខា ហើយកីឡាករ លឹម លោកាថុង ក៏ស្ថិតក្នុងការចាប់អារម្មណ៍របស់អ្នកគាំទ្រចូលវិសាខាដែរ។
រឿងទី២ កីឡាករវ័យក្មេងទាំងពីរទំនងជាត្រូវបានកោះហៅឲ្យចូលរួមធ្វើតេស្តក្នុងក្រុមបាល់ទាត់ជម្រើសជាតិកម្ពុជា។ គ្រូបង្វឹកក្រុមបាល់ទាត់ជម្រើសជាតិកម្ពុជា លោក Koji Gyotoku កំពុងតាមដានកីឡាករដើម្បីជម្រើសរើសត្រៀមប្រកួតពានរង្វាន់ ASEAN Championship នៅថ្ងៃទី៨ ខែធ្នូ ឆ្នាំ២០២៤។
នៅមិនយូរទៀតទេ សហព័ន្ធកីឡាបាល់ទាត់កម្ពុជានឹងប្រកាសបញ្ជីឈ្មោះកីឡាករដើម្បីត្រៀមខ្លួនសម្រាប់ការប្រកួតក្នុងពានរង្វាន់លំដាប់ទី១នៅអាស៊ាន។ ក្នុងនោះកីឡាករ លឹម លោកាថុង និង Ashnarvy Mustapha បានក្លាយជាផ្នែកមួយដែលអ្នកគាំទ្រចាប់អារម្មណ៍ និងចង់ឃើញវត្តមានក្នុងក្រុមជម្រើសជាតិកម្ពុជា។
លឹម លោកាថុង និង Ashnarvy Mustapha ធ្លាប់ត្រូវបានកោះហៅចូលរួមជម្រើសជាតិកម្ពុជាសម្រាប់ការប្រកួតជាមួយ ស្រីលង្កា ក្នុងវគ្គជម្រុះ AFC Asian Cup និងមិត្តភាពអន្តរជាតិជាមួយ ហុងកុង ប៉ុន្តែចុងក្រោយពួកគេគ្មានបញ្ជីឈ្មោះលេងទេ។
ទោះបីជាយ៉ាងណា កីឡាករ Ashnarvy Mustapha បានចូលហ្វឹកហាត់ជាមួយក្រុមជម្រើសជាតិ ហើយ លឹម លោកាថុង បានចូលរួមជាមួយក្រុមជម្រើសជាតិអាយុក្រោម២០ឆ្នាំនៅពានរង្វាន់ AFC U20 Asian Cup នៅឆាយនីស តៃប៊ិ កាលពីកញ្ញា ឆ្នាំ២០២៤។
លឹម លោកាថុង អាយុ១៨ឆ្នាំជាកីឡាកររបស់ក្លិបបាល់ទាត់ Melville United AFC ស្ថិតក្នុងក្របខណ្ឌលីគពាក់កណ្តាលអាជីពប្រទេសនូវែលសេឡង់ NRFL Championship ខណៈ Ashnarvy Mustapha អាយុ២០ឆ្នាំជាកីឡាករក្លិប North Wellington ស្ថិតក្នុងក្របខណ្ឌ Central League ប្រទេសនូវែលសេឡង់៕
អត្ថបទ៖ វីរបុត្រ
បំណែកវត្ថុបុរាណជាច្រើន ត្រូវបានអ្នកជំនាញអភិរក្សជួសជុលឱ្យរឹងមាំឡើងវិញ
លោក ស៊ាន បូរ៉ាត និងលោក ស ថាវី ត្រូវបានតុលាការកោះហៅចូលបំភ្លឺលើសំណុំរឿងក្រុមហ៊ុនអតីតឧកញ៉ា ឡេង ចាន់ណា
ក្រុមជនសង្ស័យធើ្វសកម្មភាពលួច និងឆក់យ៉ាងសកម្មចំនួន១១នាក់ ត្រូវបានឃាត់ខ្លួន
សហជីព និងពលរដ្ឋឈប់ជឿ អ៊ុំ សំអាន ព្រោះជាមនុស្សធ្លាប់ជាប់គុកដោយសារនិយាយកុហករឿងព្រំដែន
លោក ត្រាំ ព្រមានក្រុមប្រទេស BRICS ជុំវិញរឿងប្រឆាំងនឹងការប្រើប្រាស់លុយដុល្លារអាមេរិក
ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
អ៊ុយក្រែន ថា សង្គ្រាមបានបំផ្លាញអាកាសយានដ្ឋានស៊ីវិលរបស់ខ្លួនស្ទើរតែអស់
ថ្ងៃ២ធ្នូ រណសិរ្សសាមគ្គីអភិវឌ្ឍន៍មាតុភូមិកម្ពុជា នឹងរៀបចំមិទ្ទីងអបអរខួប៤៦ឆ្នាំរបស់ខ្លួន
អ្នកតាមដាននយោបាយ ជឿថា រាជរដ្ឋាភិបាលកម្ពុជា នឹងមិនយកអធិបតេយ្យភាពទៅដោះដូរនឹងប្រព័ន្ធEBAរបស់អឺរ៉ុបឡើយ
កងទ័ពជើងទឹកមីយ៉ាន់ម៉ា បាញ់ទូកនេសាទថៃ បណ្ដាលឲ្យស្លាប់ម្នាក់ និងចាប់ឃាត់ខ្លួន៣១នាក់
-
សន្តិសុខសង្គម៣ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ១ ថ្ងៃ agoស្ពានដីឥដ្ឋ-ថ្មគរ ឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ១ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ៦ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៥ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៤ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ១ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»
-
សេដ្ឋកិច្ច៦ ថ្ងៃ agoតម្លៃពោតក្រហម និងដំឡូងមីធ្លាក់ចុះ នៅចំពេលរដូវប្រមូលផល