កីឡា

វិសាខា ត្រូវការឈ្នះទាំង២ប្រកួត តេជោលីគ ជុំទី២ ទើបឡើងវគ្គ៤ក្រុម

បានផុស

១ year មុន

នៅ

ថ្ងៃសៅរ៍ ១៥ កុម្ភៈ ២០២៥

ដោយ

បន្ទាប់ពីចាញ់៣ប្រកួតជាប់គ្នាកាលពីសប្តាហ៍មុន ក្រុមបាល់ទះវិសាខា ត្រូវការឈ្នះទាំង២ប្រកួតសម្រាប់សប្តាហ៍ចុងក្រោយពានរង្វាន់តេជោលីគ ជុំទី២ នៅថ្ងៃសៅរ៍-អាទិត្យ ទី១៥-១៦ ខែកុម្ភៈ នៅពហុកីឡដ្ឋានជាតិអូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវគ្គ៦ក្រុមចុងក្រោយ ក្នុងជុំទី២កាលពីសប្តាហ៍មុន វិសាខា រកមិនបានពិន្ទុសោះ បន្ទាប់ពីចាញ់ ក្រុមស្នងការដ្ឋាននគរបាលខេត្តស្វាយរៀង ដោយលទ្ធផល ០-៣, ចាញ់ បញ្ជាការដ្ឋានអង្គរក្ស ដោយលទ្ធផល ១-៣ និងបន្តចាញ់ ស្នងការដ្ឋាននគរបាលរាជធានីភ្នំពេញ ដោយលទ្ធផល ១-៣។

វិសាខា ស្ថិតនៅតំបន់កាត់ចេញគឺលេខ៥ ដូច្នេះត្រូវការឈ្នះទាំង២លើកក្នុងសប្តាហ៍ចុងក្រោយនេះទើបមានឱកាសឡើងទៅវគ្គ៤ក្រុមចុងក្រោយ។ ២ប្រកួតចុងក្រោយ ពួកគេត្រូវប៉ះ កងពលធំអន្តរាគមន៍លេខ៣ នៅថ្ងៃសៅរ៍ ទី១៥ ខែកុម្ភៈនេះ និងចុងក្រោយប៉ះក្រុមខ្លាំង ក្រសួងមហាផ្ទៃ នៅថ្ងៃអាទិត្យ ទី១៦ ខែកុម្ភៈ។

ក្រុមស្នងការដ្ឋាននគរបាលខេត្តស្វាយរៀង ក្រុមក្រសួងមហាផ្ទៃ និងក្រុមស្នងការដ្ឋាននគរបាលរាជធានីភ្នំពេញ បានធានាកៅអីឡើងវគ្គ៤ក្រុមចុងក្រោយហើយ។

ដូច្នេះនៅសល់តែ បញ្ជាការដ្ឋានអង្គរក្ស វិសាខា និងកងពលធំអន្តរាគមន៍លេខ៣ ដែលត្រូវមាន១ក្រុមឡើងវគ្គបន្ត ខណៈ២ក្រុមត្រូវធ្លាក់ចេញ៕

តារាងពិន្ទុ សប្តាហ៍ទី១ ជុំទី២

ក្រុមខេត្តស្វាយរៀង មាន៩ពិន្ទុ (ឈ្នះ៣ប្រកួត)
ក្រុមក្រសួងមហាផ្ទៃ មាន៩ពិន្ទុ (ឈ្នះ៣ប្រកួត)
ក្រុមរាជធានីភ្នំពេញ មាន៦ពិន្ទុ (ឈ្នះ២ ចាញ់១)
ក្រុមបញ្ជាការដ្ឋានអង្គរក្ស មាន៣ពិន្ទុ (ឈ្នះ១ ចាញ់២)
ក្រុមវិសាខា មាន០ពិន្ទុ (ចាញ់៣ប្រកួត)
ក្រុមកងពលធំអន្តរាគមន៍លេខ៣ មាន០ពិន្ទុ (ចាញ់៣ប្រកួត)

អត្ថបទ៖ វីរបុត្រ

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា