កីឡា
តេជោលីគ ជុំទី២ នឹងកាន់តែកក្រើក ខណៈក្រុមធំ ៣ កំពុងបង្កើនសាច់ដុំប្រយុទ្ធ
ការប្រកួតលីគបាល់ទះកំពូលកម្ពុជាដែលកាត់«តេជោលីគ» នឹងចាប់ផ្តើម ជុំទី២ នៅថ្ងៃទី១៩ ខែមិថុនា ឆ្នាំ ២០២៦ បន្ទាប់ពីចប់ជុំទី១ តាំងពីដើមខែមិថុនា ដើម្បីទុកពេលវេលាឲ្យក្រុមនីមួយៗរៀបចំខ្លួនសាជាថ្មី។
នៅក្នុងចន្លោះពេលសម្រាក ក្រុមនីមួយៗអាចផ្លាស់ប្តូរកីឡាករបានតាមចិត្តចង់ ទាំងកីឡាករខ្មែរ និងកីឡាករបរទេសដើម្បីត្រៀមប្រកួតជុំទី២។ ក្រុមដែលគួរឲ្យចាប់អារម្មណ៍គឺ បញ្ជាការដ្ឋានអង្គរក្ស វិសាខា និង ស្នងការខេត្តស្វាយរៀង ខណៈ ក្រសួងមហាផ្ទៃ ស្នងការរាជធានីភ្នំពេញ និងស្នងការខេត្តកោះកុង មិនមានព័ត៌មានពីការដោះដូរកីឡាករថ្មីឡើយ។
មកចាប់អារម្មណ៍មុនគេពី ក្រុម បញ្ជាការដ្ឋានអង្គរក្ស។ ពួកគេកំពុងខ្លាំងតាំងពីជុំទី ១ មកម្ល៉េះ ដោយមិនទាន់មានក្រុមណាអាចយកឈ្នះពួកគេបានឡើយ។ ភាពខ្លាំងរបស់ពួកគេតាមរយៈកីឡាករឥណ្ឌូណេស៊ី ៣ នាក់គឺ Luvi, Aveng និង Fahrit ហើយឈានចូលជុំទី២ ពួកគេនាំចូលស្មាត់អតីតជម្រើសជាតិឥណ្ឌូណេស៊ី Dimas Saputra ថែមទៀត ព្រមទាំងមានដំណឹងថា អ្នកប៉ះសេឆ្នើម Dio ក៏អាចចូលរួមដែរ។ ការត្រៀមខ្លួនបែបនេះគឺ ពួកគេដាក់គោលដៅឈ្នះជើងឯកតេជោលីគ លើកទី ៣ ជាប់គ្នា។
វិសាខា ទំនងជាមានការផ្លាស់ប្តូរកីឡាករបរទេសច្រើន ដូចជាកីឡាករឥណ្ឌា និងកីឡាករអ៊ីរ៉ង់ ប៉ុន្តែរក្សាទុកអ្នកប៉ះសេហ្វីលីពីន Retamar។ សម្រាប់ការត្រៀមជុំទី២ ពួកគេ ទំនងជាមានស្មាត់ឆ្នើមជម្រើសជាតិកម្ពុជា វឿន វាសនា។ បើទោះជាមិនទាន់ប្រកាសផ្លូវការ ប៉ុន្តែកីឡាករបានចូលហ្វឹកហាត់ជាមួយក្រុមរួចហើយ ក្រោយចាកចេញពីលីគតៃវ៉ាន់។
ជាមួយគ្នានេះកីឡាករបារាំង Rebeyrol និង Thomas Gill ព្រមទាំងកីឡាករអាល្លឺម៉ង់ Sebastian Rosler ដែលធ្លាប់លេងឲ្យ វិសាខា ក៏ត្រូវបានគេសង្ស័យចូលរួមជាមួយ វិសាខា ដែរ។ នៅពេលមានវត្តមាន វឿន វាសនា និងកីឡាករបរទេសថ្មីពីរបីនាក់ទៀតគឺច្បាស់ណាស់ថា វិសាខា នឹងបង្កព្យុះភ្លៀងខ្លាំង។
ងាកទៅមើលក្រុម ស្នងការខេត្តស្វាយរៀង វិញ គឺជាក្រុមដែលកំពុងត្រៀមខ្លួនគួរឲ្យចាប់អារម្មណ៍ខ្លាំងមួយ។ កាលពីជុំទី១ ពួកគេមានកីឡាករឥណ្ឌា Praful កម្ពស់ ២.០៤ ម៉ែត្រ និងកីឡាករអាមេរិក Jalen Penrose កម្ពស់ ២.០៣ ម៉ែត្រ បានធ្វើឲ្យកក្រើករួចទៅហើយ ប៉ុន្តែសម្រាប់ការត្រៀមជុំទី២ ពួកគេបាននាំចូលកីឡាករតួកគី Marouen Bel Hadj Salah កម្ពស់ ២.០២ ម៉ែត្រ ហើយក៏ប្រហែលជាអាចមានកីឡាករបរទេសផ្សេងទៀត។ ប្រសិនបើកីឡាករបរទេសគ្មានបញ្ហារបួស ហើយហ្វឹកហាត់បានដិតដល់ជាមួយអ្នកប៉ះសេ សួន ចាន់ណារ៉ូ គឺច្បាស់ជាធ្វើឲ្យក្រុមផ្សេងពិបាកប្រជែងជាមួយពួកគេណាស់។
សូមបញ្ជាក់ថា ការប្រកួតតេជោលីគ ជុំទី២ មាន ៦ក្រុម គឺ បញ្ជាការដ្ឋានអង្គរក្ស វិសាខា ក្រសួងមហាផ្ទៃ ស្នងការរាជធានីភ្នំពេញ ស្នងការខេត្តស្វាយរៀង និង ស្នងការខេត្តកោះកុង ត្រូវប៉ះគ្នាសន្សំពិន្ទុសាថ្មី។ ពិន្ទុកាលពីជុំទី១មិនរាប់បញ្ចូលទេ។ ក្រោយការចប់វគ្គវិលជុំសន្សំពិន្ទុជុំទី២ ក្រុមលេខ ៥ និងលេខ ៦ ត្រូវកាត់ចេញ ហើយ ក្រុមលំដាប់កំពូលទាំង ៤ ត្រូវប្រកួតវគ្គខ្វែង៕
អត្ថបទ៖ វិរបុត្រ
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៥ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត