កីឡា
ព្រះខ័នរាជស្វាយរៀង សម្លឹងឱកាសបង្កើតប្រវត្តិសាស្ត្រថ្មី កម្រិតអាស៊ី
ថ្នាក់ដឹកនាំក្លិបបាល់ទាត់ព្រះខ័នរាជស្វាយរៀងបានកំពុងយកចិត្តទុកដាក់យ៉ាងខ្លាំងនារយៈពេលចុងក្រោយនេះ ដើម្បីនាំយកបាល់ទាត់កម្ពុជាបោះជំហានទៅមួយកម្រិតក្នុងពានរង្វាន់លំដាប់ទ្វីបអាស៊ី។
គិតត្រឹមរដូវកាល២០២៤-២៥ ក្លិបបាល់ទាត់តំណាងឲ្យកម្ពុជា ទទួលបានកៅអីលេងត្រឹមពានរង្វាន់អាស៊ីកម្រិតទី៣ AFC Challenge League។ ក្លិបព្រះខ័នរាជស្វាយរៀង បានឈានដល់វគ្គ៨ក្រុមចុងក្រោយប្រចាំតំបន់អាស៊ីខាងកើត។ វគ្គ៨ក្រុមចុងក្រោយ ព្រះខ័នរាជស្វាយរៀងត្រូវជួបក្លិបជើងឯកមីយ៉ាន់ម៉ា Shan United ពីរជើងដើម្បីស្វែងរកកៅអីឡើងទៅវគ្គពាក់កណ្តាលផ្តាច់ព្រ័ត្រ។
ព្រះខ័នរាជស្វាយរៀង បានយកឈ្នះ Shan United ដោយលទ្ធផល ៤-២ ក្នុងពាន ASEAN Club Championship ដូច្នេះមានសង្ឃឹមច្រើនសម្រាប់ការទទួលបានលទ្ធផលល្អទៀតក្នុងពានរង្វាន់ AFC Challenge League ប៉ុន្តែក្លិបតំណាងកម្ពុជាមួយនេះសម្លឹងឃើញគូប្រកួតខ្លាំងៗនៅវគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ ដូច្នេះហើយបានជាថ្នាក់ដឹកនាំកំពុងចំណាយថវិកាយ៉ាងច្រើនដើម្បីនាំក្រុមមកពង្រឹងក្រុម។
ចុងក្រោយបំផុត ព្រះខ័នរាជស្វាយរៀង បាននាំចូលខ្សែប្រយុទ្ធមានបទពិសោធច្រើននៅតំបន់អឺរ៉ុប និងអាស៊ី Matheus Moresche សញ្ជាតិប្រេស៊ីល អាយុ២៦ឆ្នាំ។ កីឡាករត្រូវបានដាក់ជំនួសខ្សែប្រយុទ្ធសញ្ជាតិប្រេស៊ីល Pablo ដែលរបួសត្រូវការសម្រាកព្យាបាលច្រើនសប្តាហ៍។ រូបគេត្រូវបានចុះឈ្មោះលេងទាំងពានក្នុងស្រុក និងក្រៅស្រុក។
កាលពីសប្តាហ៍មុន ព្រះខ័នរាជស្វាយរៀងបាននាំចូលខ្សែបម្រើស្លាបសញ្ជាតិប្រេស៊ីល Breno Caetano ដែលមានបទពិសោធច្រើននៅប្រទេសប្រេស៊ីល និងអ៊ុយរូហ្គាយ។ រូបគេត្រូវបានចុះបញ្ជីលេងតែពានរង្វាន់អាស៊ីប៉ុណ្ណោះ។
សមាជិកថ្មីទាំងពីរនេះបន្ថែមលើកម្លាំងសំខាន់ដែលមានស្រាប់ដូចជាខ្សែបម្រើសញ្ជាតិប្រេស៊ីល Gabriel Silva និងខ្សែប្រយុទ្ធ Cristian Roque ជាមួយនឹងខ្សែបម្រើជប៉ុន Ryo Fujii ខ្សែបម្រើប្រយុទ្ធឡាវ Bounphachan Bounkong និងខ្សែការពារជប៉ុន Takashi Odawara ដែលនឹងធ្វើឲ្យក្រុមកម្ពុជាមួយនេះកាន់តែខ្លាំងក្នុងការប្រកួតប្រជែងជាមួយក្រុមអាស៊ាន និងអាស៊ី។
ព្រះខ័នរាជស្វាយរៀង ត្រូវ ប៉ះ Shan United ជើងទី១ នៅថ្ងៃទី៦ ខែមីនា នៅពហុកីឡដ្ឋានជាតិមរតកតេជោ និងជើងទី២នៅ ថ្ងៃទី១៣ ខែមីនា នៅទឹកមីយ៉ាន់ម៉ា។ ពីរក្រុមទៀតនៅតំបន់អាស៊ីខាងកើតគឺក្រុម Tainan City ប៉ះក្រុមឥណ្ឌូណេស៊ី Madura United។ ក្រុមណាដែលឈ្នះនឹងឡើងទៅជួបគ្នាវគ្គពាក់កណ្តាលផ្តាច់ព្រ័ត្រ។ ក្រុមឈ្នះវគ្គពាក់កណ្តាលផ្តាច់ព្រ័ត្រ ត្រូវជួបក្រុមមកពីតំបន់អាស៊ីខាងលិច ដែលមាន ក្រុម Al-Arabi របស់គុយវែត ប៉ះ Al-Seeb របស់អូម៉ង់ និងក្រុម East Bengal របស់ឥណ្ឌា ប៉ះ ក្រុម Arkadag របស់តួកមេនីស្ថាន។
ក្រុមដែលទទួលបានជើងឯក AFC Challenge League នឹងទទួលបានកៅអីទៅវគ្គសន្សំពិន្ទុក្នុងពូល ពានរង្វាន់អាស៊ីកម្រិតទី២ AFC Champions League Two នៅរដូវកាលក្រោយ។
ប្រសិនបើ ព្រះខ័នរាជស្វាយរៀង ឈ្នះជើងឯក នឹងទទួលបានកៅអីទៅពានអាស៊ីកម្រិតទី២ ប៉ុន្តែប្រសិនបើឆ្លងផុតវគ្គ៨ក្រុមចុងក្រោយ និងឈានដល់វគ្គពាក់កណ្តាលផ្តាច់ព្រ័ត្រ ក៏ក្លិបកម្ពុជាមួយនេះជាផ្នែកមួយដ៏សំខាន់ក្នុងការជួយរកពិន្ទុឲ្យក្លិបតំណាងកម្ពុជាសម្រាប់រដូវកាលក្រោយ ដូចភ្នំពេញក្រោនកាលពីរដូវកាលមុន។ ទាំងនេះហើយដែលជំរុញឲ្យក្លិបបាល់ទាត់កម្ពុជាអាចឈានឡើងទៅមួយកម្រិតទៀត។
បច្ចុប្បន្ន ព្រះខ័នរាជស្វាយរៀង មានប្រាក់រង្វាន់៨ម៉ឺនដុល្លារអាមេរិក ក្នុងនាមជាក្រុមឡើងដល់វគ្គ៨ក្រុមចុងក្រោយពានរង្វាន់អាស៊ី លំដាប់ទី៣។ សម្រាប់ក្រុមឡើងដល់វគ្គពាក់កណ្តាលផ្តាច់ព្រ័ត្រមានប្រាក់រង្វាន់១២ម៉ឺនដុល្លារ និងម្ចាស់ជើងឯកមានប្រាក់រង្វាន់១លានដុល្លារ៕
អត្ថបទ៖ វីរបុត្រ
អភិបាលខេត្តកំពតលើកឡើងថា គោលនយោបាយលើវិស័យដីធ្លី គឺជាគោលនយោបាយចម្បងក្នុងអាណត្តិទី៧
លោកជំទាវទុយ សិរីរតនៈ នេត្រភក្រ្តា យកអំណោយអង្ករវីតាមីន៣០០កេស ស្មើប្រមាណជិត ៤ តោន ផ្តល់ជូនមន្ទីរពេទ្យតេជោសន្តិភាព
រាជរដ្ឋាភិបាលចេញសារាចរស្តីពី ការរៀបចំខួបអនុស្សាវរីយ៍លើកទី១៣៩ នៃទិវាពលកម្មអន្តរជាតិ ១ឧសភា
ឃាត់ខ្លួនយុវជនម្នាក់វាយស្ត្រីអ្នកសុំទានសរសៃខ្ចីនៅម៉ាត់មួយកន្លែងក្នុងក្រុងសៀមរាប
លោកជំទាវ ឆាយ លក្ខិណា ប្រាប់មូលហេតុដែលជ្រើសផ្តល់មូលនិធិគាំទ្រដល់សមាគមសិល្បករខ្មែរ អណត្តិទី៦
សមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
នគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
ក្មេងស្រីអាយុ៤ឆ្នាំលក់ផ្កា៖ សម្ដេចតេជោ ស្នើកុំវែកញែករឿងកេងប្រវ័ញ្ចពលកម្មកុមារ មុនរឿងក្រពះ និងបញ្ហាគ្រួសារ
Breaking News៖ អគ្គិភ័យកំពុងឆេះឃ្លាំងស្តុកម៉ាស៊ីនត្រជាក់នៅខណ្ឌច្បារអំពៅ
ប៉ូឡូញ ចល័តយន្តហោះចម្បាំងយ៉ាងបន្ទាន់បំផុត ក្រោយរុស្ស៊ី វាយអ៊ុយក្រែន កៀកព្រំដែនខ្លួន
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានអន្ដរជាតិ១ សប្តាហ៍ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានជាតិ១៤ ម៉ោង agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ១ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ១ សប្តាហ៍ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សុខភាព៣ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
ព័ត៌មានអន្ដរជាតិ១ សប្តាហ៍ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា