កីឡា
Madura United មានកីឡាករបរទេស៨នាក់ត្រៀមប៉ះ ព្រះខ័នរាជស្វាយរៀង
ក្រុមឥណ្ឌូណេស៊ី Madura United មានកីឡាករបរទេស៨នាក់ដែលត្រូវធ្វើដំណើរមកប្រទេសកម្ពុជាប្រកួតជាមួយ ព្រះខ័នរាជស្វាយរៀង ជើងទី១ វគ្គពាក់កណ្តាលផ្តាច់ព្រ័ត្រ ពានរង្វាន់ AFC Challenge League ឆ្នាំ២០២៤-២៥។
Madura United ជាក្រុមខ្លាំងមួយដែលធ្លាប់ឈ្នះព្រះខ័នរាជស្វាយរៀង នៅវគ្គសន្សំក្នុងពូល ពានរង្វាន់ក្លិបអាស៊ីលំដាប់ទី៣នេះ ប៉ុន្តែនៅលីគឥណ្ឌូណេស៊ីវិញ ពួកគេមិនសូវជាខ្លាំងប៉ុន្មានឡើយដោយកំពុងស្ថិតនៅបាតតារាង អាចទំនងជាត្រូវធ្លាក់ទៅលីគទី២។ ពួកគេបានឡើងមកលេងពានរង្វាន់អាស៊ីកម្រិតទី៣នេះដោយសារកាលពីរដូវកាលមុន ពួកគេទទួលបានចំណាត់ថ្នាក់លេខ២ក្នុងលីគកំពូលឥណ្ឌូណេស៊ី។
បើក្រឡេកមើលសមាជិកបរទេស ពួកគេមានដល់ទៅ៨នាក់ដែលសុទ្ធតែជាកីឡាករមានពិសោធច្រើន។ ចំពោះកីឡាករក្នុងស្រុកវិញ គ្មានកីឡាករណាម្នាក់ដែលជាប់ជម្រើសជាតិឥណ្ឌូណេស៊ីឡើយនាពេលបច្ចុប្បន្ន ប៉ុន្តែមានមួយចំនួនធ្លាប់ជាប់ជម្រើសជាតិកាលពីប៉ុន្មានឆ្នាំមុន និងមានបទពិសោធច្រើនក្នុងលីគឥណ្ឌូណេស៊ី។
ក្នុងចំណោមកីឡាករបរទេសទាំង៨នាក់ មានកីឡាករអេស្ប៉ាញ Youssef Ezzejjari ធ្លាប់មកលេងនៅលីគបាល់ទាត់កម្ពុជាគឺក្លិបវិសាខា កាលពីរដូវកាល២០២៣-២៤។ រូបគេទើបតែចូលរួមជាមួយ Madura United ក្នុងនាមជាកីឡាករខ្ចីជើងពីក្លិប Barito Putera ដែលទើបចូលរួមកាលពីខែមករា ឆ្នាំ២០២៥។
កីឡាករបរទេសរបស់ Madura United
- ខ្សែប្រយុទ្ធអេស្ប៉ាញ Youssef Ezzejjari ចូលរួមឆ្នាំ២០២៥ លេងបាន៨ប្រកួត រកបាន៣គ្រាប់
- ខ្សែប្រយុទ្ធស៊ែប៊ី Miljan Škrbić ចូលរួមឆ្នាំ២០២៥ ទើបលេងបាន ៤ប្រកួត
- ខ្សែបម្រើកូឡុំប៊ី Brayan Angulo ចូលរួមឆ្នាំ២០២៥ លេងបាន៧ប្រកួត
- ខ្សែបម្រើបូស្នៀ Kerim Palić ចូលឆ្នាំ២០២៥ លេងបាន៧ប្រកួត
- ខ្សែបម្រើប្រេស៊ីល Iran Júnior ចូលរួមឆ្នាំ២០២៤ លេងបាន២១ប្រកួត រកបាន៣គ្រាប់
- ខ្សែបម្រើប្រេស៊ីល Lulinha ចូលរួមតាំងពីឆ្នាំ២០២២ លេងបាន៧១ប្រកួត រកបាន១២គ្រាប់
- ខ្សែបម្រើហូឡង់ Jordy Wehrmann ចូលរួមឆ្នាំ២០២៤ លេងបាន២៥ប្រកួត
- ខ្សែការពារព័រទុយហ្គាល់ Pedro Monteiro ចូលរួមឆ្នាំ២០២៤ លេងបាន២៤ប្រកួត រកបាន១គ្រាប់
អត្ថបទ៖ វីរបុត្រ
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៧ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម