កីឡា

សហព័ន្ធប្រដាល់គុនខ្មែរ ចុះស្វែងរកកីឡាករចាស់ៗពីសង្គមដើមតបស្នងឲ្យសមពីវីរភាព

បានផុស

១ year មុន

នៅ

ថ្ងៃចន្ទ ២៤ មីនា ២០២៥

ដោយ

សហព័ន្ធគុនខ្មែរដែលដឹកនាំដោយលោក ខូវ ឆាយ ប្រធានសហព័ន្ធកំពុងចុះផ្ទាល់តាមស្រុក ភូមិ និងស្វែងរកកីឡាករចាស់ៗ និងគ្រូប្រដាល់ពីសង្គមដើម្បីថែរក្សាមរតកមនុស្សរស់ឲ្យសម នឹងវីរភាព នៃការលះបង់របស់ពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ខូវ ឆាយ ប្រគល់ថវិកាឧបត្ថម្ភ

លោក ខូវ ឆាយ ថ្លែងក្នុងកិច្ចសន្ទនាជាមួយ លោក ចាន់ ពៅ អតីតកីឡាករល្បីឈ្មោះពីសង្គមដើមថា សហព័ន្ធ និងក្រុមការងារបច្ចុប្បន្នកំពុងស្រាវជ្រាវស្វែងរកគ្រូៗប្រដាល់ ឬកីឡាករចាស់ៗពីជំនាន់មុនដើម្បីថែរក្សាមរតកមនុស្សរស់ឲ្យសមនូវជីវិតចុងក្រោយដោយទទួលកិត្តិយស ការថែទាំឲ្យសម នឹងវីរភាព នៃការតស៊ូលះបង់ជូនជាតិពីសម័យមុន។

លោក ខូវ ឆាយ ពេលចុះតាមក្លឹប

ប្រសាសន៍របស់ថ្នាក់ដឹកនាំ និងសហព័ន្ធផ្ទាល់គឺត្រូវស្វែងរកនូវធនធានពីជំនាន់មុនដែលជាព្រឹទ្ធាចារ្យប្រកួតតំណាងប្រទេសជាតិ និងជាធនធានសំខាន់មានស្នាដៃដើម្បីតបស្នងសងគុណតាមដែលអាចធ្វើទៅបាន។ នេះជាការបង្ហាញថាសហព័ន្ធមិនភ្លេចឡើយចំពោះអ្នករួចចំណែកធ្វើឲ្យវិស័យគុនខ្មែរមានមកដល់ពេលនេះ។

លោក ខូវ ឆាយ ពេលចុះតាមក្លឹប

បញ្ជាក់ដែរថា មួយរយៈពេលចុងក្រោយនេះគេសង្កេតឃើញលោក ខូវ ឆាយ និងក្រុមការងារសហព័ន្ធ ព្រមទាំងសប្បុរសជនផងនោះបានចុះសួរសុខទុក្ខព្រឹទ្ធាចារ្យប្រដាល់ចាស់ៗដល់ក្លឹបផ្ទាល់តែម្ដងនៅតាមបណ្ដាខេត្តនានាដូចជា បាត់ដំបង បន្ទាយមានជ័យ សៀមរាប ជាដើម។ ក្រៅពីសួរសុខទុក្ខហើយសហព័ន្ធតែងតែឧបត្ថម្ភជាសម្ភារហ្វឹកហាត់ផ្សេងៗ និងថវិកាមួយចំនួនទៀតផង៕