កីឡា

សហព័ន្ធខ្មែរហាប់គីដូ ប្រគល់វិញ្ញាបនបត្រដល់សិស្សក្រោយហ្វឹកហាត់ជោគជ័យ

បានផុស

១ year មុន

នៅ

ថ្ងៃចន្ទ ៧ មេសា ២០២៥

ដោយ

សហព័ន្ធខ្មែរកីឡាហាប់គីដូ នៅរសៀលថ្ងៃទី៦ ខែមេសា ឆ្នាំ២០២៥ បានធ្វើពិធីជួបជុំ និងប្រគល់វិញ្ញាបនបត្រដល់សិស្សគុនរបស់ខ្លួនក្រោយហ្វឹកហាត់បានជោគជ័យជាច្រើនខែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពពិធីប្រគល់វិញ្ញាបនបត្រ

អនុប្រធានសហព័ន្ធខ្មែរកីឡាហាប់គីដូ លោក គួច ហុងជៀក បានឲ្យដឹងថា ការប្រគល់លិខិតបញ្ជាក់ដល់សិស្សគុនខ្សែក្រវាត់បៃតង ១០នាក់ ប្រគល់វិញ្ញាបនបត្រខ្សែក្រវាត់ត្នោត ចំនួន ៥នាក់ និងសញ្ញាបត្រខ្សែក្រវាត់ខ្មៅ ១ជាន់ ចំនួន ៥នាក់។

ទិដ្ឋភាពពិធីប្រគល់វិញ្ញាបនបត្រ

កម្មវិធីនេះគឺបានបញ្ជាក់ពីសមត្ថភាពនៃការខំប្រឹងប្រែងហ្វឹកហាត់រហូតជោគជ័យ និងឈានឡើងទៅមួយកម្រិតទៀត ដូច្នេះអ្នកដែលទទួលបាននៅពេលនេះសុទ្ធសឹងតែបានបំពេញនូវលក្ខខណ្ឌហ្វឹកហាត់បានត្រឹមត្រូវ និងប្រកបដោយបច្ចេកទេស។ បន្ទាប់ពីនេះទៅសហព័ន្ធជំរុញលើការហ្វឹកហាត់កាន់តែខ្លាំងបន្ថែមទៀតត្រៀមសម្រាប់ការប្រកួតអន្តរជាតិឯប្រទេសឥណ្ឌូណេស៊ីនៅពេលឆាប់ៗខាងមុខ។

ទិដ្ឋភាពពិធីប្រគល់វិញ្ញាបនបត្រ

រម្លឹកដែរថា ពិធីប្រគល់វិញ្ញាបនបត្រម្សិលមិញនេះមានការអញ្ចើញចូលរួមពីលោក គួច ហុងជៀក អនុប្រធានសហព័ន្ធខ្មែរកីឡាហាប់គីដូ និងព្រឹទ្ធាចារ្យ គ្រូៗជាច្រើនរូបទៀត។ ក្រៅតែប្រគល់វិញ្ញាបនបត្រហើយនោះអគ្គលេខាធិការ លោក គង់ ចាន់ធីណា បានរៀបចំកម្មវិធីសង្ក្រាន្តផងដែរជាការជួបជុំគ្រួសារហាប់គីដូផងដែរដោយលេងល្បែងប្រជាប្រិយខ្មែរផ្សេងៗ៕