កីឡា

ឧត្តមសេនីយ៍ទោ ហេង សំណាង មានពេលវេលាស័ក្តិសមនឹងស្នើសុំបើកវគ្គបណ្ដុះបណ្ដាលពង្រឹងសមត្ថភាពក្បាច់គុនមន្ត្រីជាថ្មី

បានផុស

៤ ខែ មុន

នៅ

ថ្ងៃសុក្រ ៦ មីនា ២០២៦

ដោយ

អនុប្រធាននាយកដ្ឋានប្រឆាំងបទល្មើសបច្ចេកវិទ្យា នៃអគ្គស្នងការដ្ឋាននគរបាលជាតិ ថាប្រសិនបើមានពេលវេលាស័ក្តិសមនោះនឹងស្នើសុំរៀបចំវគ្គបណ្ដុះបណ្ដាលក្បាច់គុនហាប់គីដូទៅដល់មន្ត្រីជាថ្មីទៀតមិនថាកម្រិតដំបូង ឬកម្រិតបន្ទាប់នោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ទោ ហេង សំណាង

លោកឧត្តមសេនីយ៍ទោ ហេង សំណាង បានឡើកថា បន្ទាប់បញ្ចប់វគ្គបណ្ដុះបណ្ដាលកន្លងទៅនេះមើលឃើញថាមន្ត្រីនៃនាយកដ្ឋានប្រឆាំងបទល្មើសបច្ចេកវិទ្យាមានសមត្ថភាពល្អប្រសើរលើជំនាញក្បាច់គុនហាប់គីដូនេះ។ ជាមួយគ្នានោះដែរមន្ត្រីដែលបានចុះទៅអនុវត្តន៍ការងារពិសេសអំឡុងយកមុខសញ្ញាគឺបានបង្ហាញពីភាពស្វាហាប់ប្រកបដោយបច្ចេកទេសខ្ពសល្អ។

ទិដ្ឋភាពបង្ហាញស្នៀត

អនុប្រធាននាយកដ្ឋានខាងលើនេះបន្ថែមទៀតថា ប្រសិនបើមានពេលវេលាស័ក្តិសមនោះលោកនឹងស្នើសុំរៀបចំវគ្គថ្មីៗបន្ថែមទៀតដើម្បីពង្រឹងសមត្ថភាពដល់មន្ត្រីក្នុងនាយកដ្ឋានមិនថាតែកម្រិតដំបូង ឬបន្តពីវគ្គដែលបញ្ចប់នេះនោះទេ។ ថ្នាក់ដឹកនាំនាយកដ្ឋានគឺតែងតែយកចិត្តទុកដាក់ពិសេសលើការពង្រឹងសមត្ថភាពមន្ត្រីដែលត្រូវចុះអនុវត្តន៍ផ្ទាល់ជានិច្ច។

លោក គង់ ធីណា គ្រូហាប់គីដូ

បញ្ជាក់ដែរថា កាលពីពេលថ្មីៗនេះមន្ត្រីនគរបាល នៃនាយកដ្ឋានប្រឆាំងបទល្មើសបច្ចេកវិទ្យា ចំនួន ២៥នាក់បានបញ្ចប់វគ្គបណ្ដុះបណ្ដាលក្បាច់គុនហាប់គីដូដោយវគ្គនោះផ្ដោតលើបច្ចេកទេសចុះចាប់យកមុខសញ្ញាផ្សេងៗដូចជាការចាប់ឃ្លេ ក្បាច់ផ្ដួល និងវិធីទប់ទល់ការពារពីទង្វើរបស់មុខសញ្ញាដែលតបតមកវិញផងដែរ៕