កីឡា

គង់ម៉ូណា មិថុរ៉ា មានសមត្ថភាពល្អក្នុងវិស័យកីឡាអាចលេងបានច្រើនប្រភេទកីឡាប្រយុទ្ធ

បានផុស

៤ ខែ មុន

នៅ

ថ្ងៃពុធ ១៨ មីនា ២០២៦

ដោយ

កីឡាករឆ្នើម គង់ម៉ូណា មិថុរ៉ា មានសមត្ថភាពល្អមិនធម្មតាអាចលេងលើច្រើនប្រភេទកីឡាពិសេសវិញ្ញាសាប្រយុទ្ធដូចជាកីឡាហាប់គីដូ ជឺតជិតស៊ូ បញ្ចសីឡាត់ និងទើបឈ្នះមេដាយសំរឹទ្ធ គុនល្បុក្កតោក្នុងការប្រកួតជ្រើសរើសជើងឯកថ្នាក់ជាតិទើបបញ្ចប់នេះទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គង់ម៉ូណា មិថុរ៉ា ពេលបំពាក់មេដាយ

យុវជនដែលមានទេពកោសល្យខាងកីឡា គង់ម៉ូណា មិថុរ៉ា បានឲ្យដឹងថា លោកស្រឡាញ់កីឡាហាប់គីដូខ្លាំង និងបានហ្វឹកហាត់ជាមួយឪពុកជាច្រើនឆ្នាំមកហើយ។ ដោយសារតែហាប់គីដូដែលខ្លួនហ្វឹកហាត់នេះសំបូរក្បាច់ស្នៀត និងជាកីឡាដែលធ្វើឲ្យរាងកាយអំណោយផលកាន់តែល្អចំពោះការហ្វឹកហាត់កីឡាផ្សេងៗទើបធ្វើឲ្យរូបគេហាក់ឆាប់បានប្រភេទកីឡាប្រយុទ្ធមួយចំនួនទៀត។

គង់ម៉ូណា មិថុរ៉ា ពេលប្រកួតល្បុក្តតោ

កីឡាករខាងលើនេះបន្ថែមទៀតថា ថ្មីៗនេះរូបគេទើបតែចូលរួមការប្រកួតគុនល្បុក្កតោផងដែរដោយទទួលបានមេដាយសំរឹទ្ធលើវិញ្ញាសាប្រយុទ្ធ។ ការចូលរួមប្រកួតកីឡាផ្សេងៗកន្លងមកនេះគឺដោយសារតែដកបទពិសោធក្បាច់ស្នៀត និងបានស្វែងយល់ពីកីឡាទាំងនោះដើម្បីបង្កើនសមត្ថភាពរបស់ខ្លួនផងដែរ។

បញ្ជាក់ដែរថា គង់ម៉ូណា មិថុរ៉ា មិនត្រឹមជាកីឡាករហាប់គីដូដែលហ្វឹកហាត់ជាច្រើនឆ្នាំមកទេរូបគេក៏ជាម្ចាស់មេដាយស៊ីហ្គេម ក្នុងប្រភេទកីឡាជឺជីតស៊ូនៅឆ្នាំ២០២៣ ផងដែរ។ រូបគេក៏ជាគ្រូជំនួយរបស់សហព័ន្ធកីឡាហាប់គីដូទៀតផង៕