កីឡា

លែងឲ្យពិបាកទៀត! ព្រះខ័នរាជស្វាយរៀបចំវិធីសាស្ត្រចូលទស្សនានៅពហុកីឡដ្ឋានជាតិមរតកតេជោយ៉ាងល្អ

បានផុស

១ year មុន

នៅ

ថ្ងៃអង្គារ ៨ មេសា ២០២៥

ដោយ

ក្លិបបាល់ទាត់ព្រះខ័នរាជស្វាយរៀង បានរៀបចំយន្តការថ្មីដើម្បីបង្កភាពងាយស្រួលសម្រាប់អ្នកគាំទ្រចូលទស្សនាការប្រកួតជាមួយ Madura United នៅពហុកីឡដ្ឋានជាតិមរតកតេជោ វគ្គពាក់កណ្តាលផ្តាច់ព្រ័ត្រ ជើងទី១ ពានរង្វាន់ AFC Challenge League នៅយប់ថ្ងៃព្រហស្បតិ៍ ទី១០ ខែមេសា ឆ្នាំ២០២៥នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការប្រកាសពីក្លិបនៅរសៀលថ្ងៃទី៨ ខែមេសានេះថា ៖«យើងបានរៀបចំការឆែកសំបុត្រ និងស្កែនជា២៤ជួរ និងបើកច្រកចូលពហុកីឡដ្ឋាន២៣ច្រក មិនតម្រូវអោយប្តូរសំបុត្រទៀតទេ បង្ហាញQRស្តេនចូលតែម្តង សម្រាប់E-Ticketពេលចាប់ឆ្នោតក្រុមការងារព្រីនឈ្មោះនិងលេខទំនាក់ទំនងរបស់លោកអ្នកដាក់ចូលធុងឆ្នោតរួចរាល់»។

ការរៀបចំវិធីសាស្ត្រថ្មីនេះឡើង បន្ទាប់ពីការប្រកួតកាលពីដើមខែមីនា ឆ្នាំ២០២៥ កន្លងទៅនៅពហុកីឡដ្ឋានជាតិមរតកតេជោ អ្នកគាំទ្រជាច្រើនបានជួបការលំបាកក្នុងការឈរតម្រង់ជួរ និងចំណាយពេលវេលាយូរសម្រាប់ការពិនិត្យសំបុត្រឲ្យចូលទស្សនា ដោយសារសំបុត្រដែលទិញផ្ទាល់ដៃ និងសំបុត្រ E-Ticket ទិញតាម App គឺមានការត្រួតពិនិត្យផ្សេងគ្នា។

នៅពេលដែលព្រះខ័នរាជស្វាយរៀង ទទួលបានជ័យជម្នះដោយលទ្ធផល ៦-២ លើក្រុមភ្ញៀវ Shan United ថ្ងៃទី៦ ខែមីនា ឆ្នាំ២០២៥ មានអ្នកគាំទ្របានទៅទស្សនាផ្ទាល់រហូតដល់ជាង១៥ពាន់នាក់ បើទោះបីជាកន្លែងប្រកួតឆ្ងាយពីរាជធានីភ្នំពេញ។

សូមបញ្ជាក់ថា ការប្រកួតជើងទី១ វេលាម៉ោង៧យប់ ថ្ងៃព្រហស្បតិ៍ ទី១០ ខែមេសា ឆ្នាំ២០២៥ នៅពហុកីឡដ្ឋានជាតិមរតកតេជោ ហើយជើងទី២ នៅប្រទេសឥណ្ឌូណេស៊ី ថ្ងៃទី១៧ ខែមេសា ឆ្នាំដដែល៕

អត្ថបទ៖ វីរបុត្រ

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា