កីឡា

គុនខ្មែរនៅរុស្ស៊ីបន្តឆ្ពោះទៅមុខ ខណៈសាកលវិទ្យាល័យរដ្ឋមួយបង្កើតក្លិបប្រដាល់គុនខ្មែរ

បានផុស

១ year មុន

នៅ

ថ្ងៃព្រហស្បតិ៍ ១០ មេសា ២០២៥

ដោយ

កីឡាប្រដាល់គុនខ្មែរ នៅប្រទេសរុស្ស៊ី បានឈានឆ្ពោះទៅមួយកម្រិតទៀតហើយ បន្ទាប់ពីសាកលវិទ្យាល័យ State Academic University of the Humanities នៅទីក្រុងមូស្គូ បានសម្រេចបង្កើតក្លិបប្រដាល់គុនខ្មែរដើម្បីបង្ហាត់ដល់សិស្សនិស្សិត និងបុគ្គលិករបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមលោក ពេជ្រឃុន បញ្ញា ឯកអគ្គរាជទូតកម្ពុជាប្រចាំប្រទេសរុស្ស៊ី បានរៀបរាប់ថា ៖«ដើម្បីផ្សព្វផ្សាយក្បាច់គុនខ្មែរឱ្យកាន់តែល្បីរន្ទឺនៅលើឆាកអន្តរជាតិ ថ្ងៃនេះ ខ្ញុំបានមកធ្វើជាសាក្សីក្នុងពិធីចុះកិច្ចព្រមព្រៀងសហប្រតិបត្តិការបង្កើតក្លិប បង្ហាត់ក្បាច់គុនបុរាណខ្មែរដល់សិស្ស និស្សិត បុគ្គលិកសិក្សា រវាងនាយកសាកលវិទ្យាល័យ State Academic University of the Humanities in Moscow លោក Nikolay Promyslov និងប្រធានក្លិបគុនខ្មែរប្រចាំទីក្រុងមូស្គូ លោក Konstantin»។

កីឡាប្រដាល់គុនខ្មែរនៅប្រទេសរុស្ស៊ី មានសកម្មភាពផុលផុសខ្លាំងមែនទែនក្នុងរយៈពេលប៉ុន្មានឆ្នាំចុងក្រោយនេះ បន្ទាប់ពីសហព័ន្ធគុនខ្មែរត្រូវបានបង្កើតឡើងប្រចាំប្រទេសរុស្ស៊ីដែលមានលោក Oleg Kudrinsky កាលពីឆ្នាំ២០១៨។ សហព័ន្ធគុនខ្មែរប្រចាំប្រទេសរុស្ស៊ីតែងតែរៀបចំកម្មវិធីប្រកួត ធ្វើបទបង្ហាញពីច្បាប់ទម្លាប់ និងបណ្តុះបណ្តាលកីឡាករ កីឡាការិនីជាច្រើននៅប្រទេសរុស្ស៊ី ហើយក៏បានចូលរួមប្រកួតគុនខ្មែរពិភពលោក២លើកហើយ៕