កីឡា

លោក សាន់ សៅយ៉ាន់ ចង់ឲ្យកូននៅលេងត្រឹម ៥៧គីឡូក្រាមនេះឲ្យបាន ១-២ឆ្នាំទៀតសិនមុនឡើងទម្ងន់

បានផុស

៤ នាទី មុន

នៅ

ថ្ងៃអង្គារ ៣០ មិថុនា ២០២៦

ដោយ

លោក សាន់ សៅយ៉ាន់ ដែលជាឪពុករបស់ សៅយ៉ាន់ វិសាល បន្ទាប់ពីកូនប្រុសប្រកួតជំនួសគេលើប្រភេទទម្ងន់ ៦១គីឡូក្រាមនេះទៅលោកមិនចង់ឲ្យប្រកួតទម្ងន់នេះទៀតទេគឺលេងត្រឹមទម្ងន់ ៥៧គីឡូក្រាមនេះឲ្យបាន ១-២ឆ្នាំសិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ សៅយ៉ាន់ វិសាល

គ្រូជម្រើសជាតិផ្នែកឃីកបុកស៊ីង លោក សាន់ សៅយ៉ាន់ បានឲ្យដឹងថា នេះជាលើកទី១ ហើយដែលកូនប្រុសរបស់លោកប្រកួតលើប្រភេទទម្ងន់ ៦១គីឡូក្រាមបែបនេះ។ នេះដោយសារតែរូបគេត្រូវប្រកួតជំនួសកីឡាករ ទូច ដេវីត នោះទេទើបវាយទម្ងន់ថ្មីដូច្នេះ។

សៅយ៉ាន់ វិសាល និងប្អូនៗ

លោក សាន់ សៅយ៉ាន់ បន្ថែមទៀតថា ការលេងទម្ងន់ថ្មី ៦១គីឡូក្រាមនេះរៀងពិបាកបន្តិចហើយសម្រាប់កូនរបស់លោក ព្រោះចាញ់ឆ្អឹង ចាញ់កម្លាំង ដៃគូដោយសារតែរូបគេនៅខ្ចី និងធ្លាប់តែប្រកួតទម្ងន់ស្រាលជាងនេះកន្លងមក។ នៅប្រកួតក្រោយៗលោកឲ្យកូនប្រុសបន្តលេងត្រឹមទម្ងន់ ៥៧គីឡូក្រាមនេះឲ្យមានបទពិសោធច្រើនទៀតសិន និងឲ្យឆ្អឹង ឬមាឌធំរឹងមាំជាដំណាក់កាលៗ។ នៅពេលដែលកូនរបស់លោកមិនអាចធ្វើទម្ងន់ចុះមក ៥៧គីឡូក្រាមវិញបានទើបឲ្យលេងទម្ងន់ថ្មីដល់លេង ៦០គីឡូក្រាមនៅថ្ងៃខាងមុខ។

សៅយ៉ាន់ វិសាល ពេលវាយទម្ងន់ ៦១

បញ្ជាក់ដរថា កាលពីថ្ងៃទី២៧ ខែមិថុនា ឆ្នាំ២០២៦ នេះកីឡាករ សៅយ៉ាន់ វិសាល បានប្រកួតជំនួសគេលើប្រភេទទម្ងន់ ៦១គីឡូក្រាមដោយប៉ះកីឡាករចិន MA ZHENZHAO ។ ការប្រកួតមិត្តភាពនេះផងដែរកូនប្រុសលោក សាន់ សៅយ៉ាន់ បានយកឈ្នះដៃគូដោយពិន្ទុនៅសង្វៀនថោន៕