កីឡា

កីឡាករ ខេម ចាន់ ចំណាយពេល ១០ឆ្នាំជាមួយគុនខ្មែរទើបតែឈ្នះខ្សែក្រវាត់ទី១ក្នុងអាជីព

បានផុស

១ ម៉ោង មុន

នៅ

ថ្ងៃសុក្រ ១៨ មេសា ២០២៥

ដោយ

អ្នកលេងគុនខ្មែរ ខេម ចាន់ ថារូបគេចូលប្រឡូកក្នុងវិស័យកីឡាមួយនេះអស់រយៈពេល ១០ឆ្នាំមកហើយទើបតែឈ្នះខ្សែក្រវាត់ទី១ កាលពីថ្ងៃទី១៦ ខែមេសា ឆ្នាំ២០២៥ ឯខេត្តស្ទឹងត្រែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពផេកគ្រុឌ

ខេម ចាន់ បានឲ្យដឹងថា បើគិតតាំងពីចូលប្រឡូកក្នុងវិស័យប្រដាល់គុនខ្មែរនេះមានរយៈពេល ១០ឆ្នាំមកហើយ ពោលចាប់ពីឆ្នាំ២០១៥ មកម្ល៉េះ។ រយៈពេល ១០ឆ្នាំមកនេះរូបគេធ្លាប់លេខកម្មវិធីខ្សែក្រវាត់ចំនួន ៤ដងទាំងលើកចុងក្រោយថ្មីៗនេះក្នុងខេត្តស្ទឹងត្រែង។

សិស្សគុនមកពីក្លឹបឆត្រយោង ៩១១ រូបនេះគិតខ្លះដែរថាមើលទៅបែបមិនបានខ្សែក្រវាត់ពាក់ដូចកីឡាករដទៃទេបើរងបរាជ័យច្រើនដងដែរហើយ។ ខេម ចាន់ ទោះមិនសូវសមប្រកបជាមួយខ្សែក្រវាត់យ៉ាងណាក្ដី ប៉ុន្មានការខំប្រឹងប្រែងហ្វឹកហាត់ តស៊ូ អំណត់ព្យាយាមគឺរូបគេបន្តធ្វើជារៀងរហូតមកហើយ។

រូបភាពផេកគ្រុឌ

និយាយពីអារម្មណ៍វិញ ខេម ចាន់ ពិតជារំភើប និងសប្បាយរីករាយជាខ្លាំងដែលឈ្នះខ្សែក្រវាត់ទី១ ក្នុងអាជីពប្រដាល់នៅពេលនេះ។ ការឈ្នះនេះអាចជារឿងធម្មតារបស់កីឡាករដទៃ ប៉ុន្តែវាមានន័យខ្លាំងណាស់ចំពោះខ្លួនដែលប្រឡូកអស់រយៈពេល១០ឆ្នាំមកនេះ។

រូបភាពផេកគ្រុឌ

បញ្ជាក់ដែរថា ការឈ្នះខ្សែក្រវាត់ទី១ របស់កីឡាករ ខេម ចាន់ នេះបានកាលពីថ្ងៃទី១៦ ខែមេសា ឆ្នាំ២០២៥ ឯខេត្តស្ទឹងត្រែង ដោយប្រកួតជាលក្ខណៈម៉ារ៉ាតុង លើប្រភេទទម្ងន់ ៥៧គីឡូក្រាមលើសង្វៀនគុនខ្មែរ។ ជុំទី១ ខេម ចាន់ ឈ្នះ ចាន់ ណា ជុំផ្ដាច់ព្រ័ត្រឈ្នះ ធន់ សាក់ស៊ីន ទទួលបានខ្សែក្រវាត់ ១គ្រឿង អមដោយថវិកាលើកទឹកចិត្ត ៨លានរៀល៕

អត្ថបទដោយ៖ នួន ស៊ីណា

Related Topics:កីឡាប្រដាល់គុនខ្មែរ