ត្រៀមៗ! ព្រះខ័នរាជស្វាយរៀង ប្រកាសលក់សំបុត្រវគ្គផ្តាច់ព្រ័ត្រ ACL ហើយ

ក្លិប ព្រះខ័នរាជស្វាយរៀង បានប្រកាសជាផ្លូវការអំពីការដាក់លក់សំបុត្រ វគ្គផ្តាច់ព្រ័ត្រពានរង្វាន់ក្លិបលំដាប់ទី ៣ របស់ទ្វីប អាស៊ី AFC Challenge League។

យោងតាមទំព័រ Facebook ផ្លូវការរបស់ ព្រះខ័នរាជស្វាយរៀង បានប្រកាសថា សំបុត្រទស្សនាការប្រកួតវគ្គផ្តាច់ព្រ័ត្រពាន AFC Challenge League រវាងក្រុមតំណាង កម្ពុជា មួយនេះ ទល់នឹងក្រុម FK Arkadag របស់ តួកមេនីស្ថាន នឹងដាក់លក់ចាប់ពីថ្ងៃទី ១ ខែ ឧសភា តទៅ។

សម្រាប់សំបុត្រទស្សនានេះ នឹងដាក់លក់នៅពហុកីឡដ្ឋានជាតិមរតកតេជោផ្ទាល់ រួមទាំងមានដាក់លក់នៅលើ APP: PKR Svay Rieng និងរោងភាពយន្ត LEGEND CINEMA សាខា Eden Garden ផងដែរ។

តម្លៃសំបុត្រទស្សនាចែកចេញជា ៣ ផ្នែក៖
-ផ្នែកទី ១ (ជាន់ទី ១) Zone A មានតម្លៃ ៥,០០០ រៀល
-ផ្នែកទី ២ (ជាន់ទី ២) Zone B មានតម្លៃ ៨,០០០ រៀល
-ផ្នែកទី ៣ (ជាន់ទី ៣) Zone C មានតម្លៃ ៥,០០០ រៀល

សូមបញ្ជាក់ជាថ្មីថា ការប្រកួតវគ្គផ្តាច់ព្រ័ត្រពានពាន AFC Challenge League រវាងក្រុម ព្រះខ័នរាជស្វាយរៀង និង FK Arkadag នឹងធ្វើឡើងនៅពហុកីឡដ្ឋានជាតិមរតកតេជោ ក្នុងប្រទេស កម្ពុជា នាថ្ងៃទី ១០ ខែ ឧសភា ខាងមុខ៕

អត្ថបទ៖ សេម កុសល