កីឡា
ឯកឧត្តម ឌី វិជ្ជា ផ្តល់ជូនសំបុត្រទស្សនា ដល់អ្នកសារព័ត៌មានចំនួន ៩១នាក់ ម្នាក់ៗ២សំបុត្រ
ឯកឧត្តម ឌី វិជ្ជា ប្រធានក្លិបបាល់ទាត់ព្រះខ័នរាជស្វាយរៀង បានសម្រេចផ្តល់ជូនសំបុត្រទស្សនាការប្រកួតវគ្គផ្តាច់ព្រ័ត្រ AFC Challenge League ដល់អ្នកសារព័ត៌មានចំនួន៩១នាក់ ដែលក្នុង១នាក់ទទួលបាន២សំបុត្រដូចគ្នា។
អ្នកសារព័ត៌មានទាំង៩១នាក់គឺជាអ្នកបានចុះឈ្មោះទៅ សហព័ន្ធកីឡាបាល់ទាត់អាស៊ី (AFC) ដើម្បីទទួលប័ណ្ណដើម្បីចូលរួមធ្វើសេចក្តីរាយការណ៍ និងផ្សព្វផ្សាយជុំវិញការប្រកួតវគ្គផ្តាច់ព្រ័ត្ររវាង ព្រះខ័នរាជស្វាយរៀង និង Arkadag នាថ្ងៃទី១០ ខែឧសភា ឆ្នាំ២០២៥ នៅពហុកីឡដ្ឋានជាតិមរតកតេជោ។
ដូច្នេះក្រៅពីមានប័ណ្ណដែលអាចធ្វើសេចក្តីរាយការណ៍ និងផ្សព្វផ្សាយជុំវិញការប្រកួតជាប្រវត្តិសាស្ត្រនៅលើទឹកដីកម្ពុជា អ្នកសារព័ត៌មានអាចផ្តល់សំបុត្រទស្សនាដល់បងប្អូន ឬសាច់ញាតិដើម្បីបានទៅទស្សនាផ្ទាល់ដែរ។
សំបុត្រចូលទស្សនាការប្រកួតវគ្គផ្តាច់ព្រ័ត្រ ពានរង្វាន់ក្លិបអាស៊ីលំដាប់ទី៣នេះត្រូវបានមហាជនចាត់ទុកមានតម្លៃទាបបំផុត បើប្រៀបធៀបនឹងព្រឹត្តិការណ៍អន្តរជាតិផ្សេងៗនៅតំបន់អាស៊ី។ ប្រភេទទី១តម្លៃត្រឹមតែ៨០០០រៀល និងប្រភេទទី២តម្លៃត្រឹមតែ៥០០០រៀលប៉ុណ្ណោះដែលនេះជាតម្លៃទាបបំផុតស្ទើរតែមិនធ្លាប់មានសម្រាប់ការប្រកួតពានរង្វាន់អន្តរជាតិវគ្គផ្តាច់ព្រ័ត្រលំដាប់អាស៊ី។
តម្លៃទាបនេះត្រូវបានមហាជនកោតសរសើរយ៉ាងខ្លាំងដល់ថ្នាក់ដឹកនាំក្លិបព្រះខ័នរាជស្វាយរៀងដែលធ្វើយ៉ាងណាឲ្យប្រជាពលរដ្ឋចូលរួមឲ្យបានច្រើនកុះករ និងមិនគិតចង់បានចំណូលឡើយ។ នេះជាប្រវត្តិសាស្ត្រដំបូងមិនធ្លាប់មាននៅកម្ពុជាគឺជាឱកាសដ៏កម្រស្ទើរមួយជីវិតមានម្តងដែលអ្នកគាំទ្រគួរតែចំណាយវេលាទៅមើលផ្ទាល់ម្តងដើម្បីជាសក្ខីភាព កំណត់ត្រា និងប្រវត្តិសាស្ត្រសម្រាប់កម្ពុជា។
កុំភ្លេចណាបងប្អូន! ត្រៀមខ្លួនចូលរូមគាំទ្រ និងលើកទឹកចិត្តឲ្យបានច្រើនកុះករដល់ក្លិបបាល់ទាត់ព្រះខ័នរាជស្វាយរៀង តំណាងឲ្យកម្ពុជាដែលកំពុងមានមុខមាត់លេចធ្លោលើឆាកអន្តរជាតិ៕
អត្ថបទ៖ វីរបុត្រ
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ