កីឡា

អ្នកគាំទ្រកំពុងសម្រុកទិញសំបុត្រតាម App វគ្គផ្តាច់ព្រ័ត្រ AFC Challenge League

បានផុស

១ year មុន

នៅ

ថ្ងៃព្រហស្បតិ៍ ១ ឧសភា ២០២៥

ដោយ

សំបុត្រចូលទស្សនាការប្រកួតវគ្គផ្តាច់ព្រ័ត្រ ពានរង្វាន់ក្លិបអាស៊ីលំដាប់ទី៣ AFC Challenge League បានចាប់ផ្តើមបើកលក់ជាផ្លូវការហើយនៅព្រឹកថ្ងៃទី១ ខែឧសភា ឆ្នាំ២០២៥ តាមរយៈ App របស់ក្លិបព្រះខ័នរាជស្វាយរៀង និងនៅរោងភាពយន្ត Legend Cinema សាខាផ្សារទំនើប Eden Garden។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រាន់តែចាប់ផ្តើមបើកភ្លាម អ្នកគាំទ្រក៏ចាប់ចូលទៅ App ដើម្បីទិញសំបុត្រសម្រាប់ការទស្សនាផ្ទាល់។ តាមសារដែលផ្តល់ឲ្យអ្នកចូលទិញគឺបានបញ្ជាក់ពីការរង់ចាំ និងត្រូវចូលតាមលំដាប់លេខរៀងថែមទៀតផង។

សារចេញពី App បានបង្ហាញថា ៖«លោកអ្នកបានចូលតាមលេខរៀងរួចហើយ។ នៅពេលវេនរបស់លោកអ្នកចូលមកដល់ លោកអ្នកនឹងបានចូលកន្លែងទិញសំបុត្រដោយស្វ័យប្រវត្តិ។ សូមអរគុណសម្រាប់ការរង់ចាំ»។

វាជាកំណត់ត្រាថ្មីសម្រាប់ការលក់តាម App ត្រឹមរយៈពេល១០នាទីដំបូង សំបុត្រត្រូវបានលក់អស់ចំនួន ៣០០០។

ពហុកីឡដ្ឋានជាតិមរតកតេជោ នឹងបើកទ្វារសម្រាប់អ្នកគាំទ្រចូលទស្សនាផ្ទាល់នៅថ្ងៃទី១០ ខែឧសភា ឆ្នាំ២០២៥ សម្រាប់ការប្រកួតវគ្គផ្តាច់ព្រ័ត្រ ពានរង្វាន់ក្លិបអាស៊ីលំដាប់ទី៣ AFC Challenge League រវាងក្រុមម្ចាស់ផ្ទះ ព្រះខ័នរាជស្វាយរៀង និងក្រុមមកពីប្រទេសតួកមេនីស្ថាន FK Arkadag។

សំបុត្រចូលទស្សនាផ្ទាល់មាន៣ប្រភេទគឺ ប្រភេទទី១ជាតំបន់ជាន់ទី១ តម្លៃ ៥០០០ រៀល ប្រភេទទី២ជាតំបន់ជាន់ទី២តម្លៃ ៨០០០ រៀល និងប្រភេទទី៣ ជាតំបន់ជាន់ទី៣ តម្លៃ ៥០០០ រៀល។ សំបុត្រដែលលោកអ្នកទិញតាម App ងាយស្រួលក្នុងការចូលទស្សនា ដោយគ្រាន់តែស្កែន QR Code គឺអាចចូលក្នុងទីលានបានតែម្តង។

អ្វីដែលកាន់តែពិសេសទៀតនោះ ពហុកីឡដ្ឋានជាតិមរតកតេជោ មានច្រកធំចំនួន៥កន្លែង នឹងត្រូវទ្វារទាំង៥កន្លែងដើម្បីឲ្យអ្នកគាំទ្រងាយស្រួលចូលទៅក្នុង។ ជាពិសេសតាមច្រកនីមួយៗមានរៀបចផ្លូវពិនិត្យសំបុត្រជាច្រើនកន្លែង។

នៅក្នុងព្រឹត្តិការណ៍ប្រកួត AFC Challenge League រដូវកាល២០២៤-២៥ កម្ពុជាស្ថិតនៅលេខ២ក្នុងនាមជាអ្នកគាំទ្រដែលចូលទស្សនាផ្ទាល់ច្រើនបំផុតគឺចំនួន ១៥.៧៧៨នាក់ កាលពីថ្ងៃទី៦ ខែមីនា ឆ្នាំ២០២៥ នៅពហុកីឡដ្ឋានជាតិមរតកតេជោ ខណៈលំដាប់លេខ១បានទៅប្រទេសឥណ្ឌា នៅពេលក្រុម East Bengal ប្រកួតជាមួយ Arkadag ដែលអ្នកទស្សនាផ្ទាល់ចំនួន ២៥.៤៩៧នាក់ កាលពីថ្ងៃទី៥ ខែមីនា ឆ្នាំ២០២៥ ក្នុងវគ្គ៨ក្រុមចុងក្រោយ៕

អត្ថបទ៖ វីរបុត្រ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា