កីឡា

ស្ថិតិថ្មីមិនធ្លាប់មាន កម្ពុជាលក់សំបុត្រអស់មុនថ្ងៃប្រកួត AFC Challenge League

បានផុស

១ year មុន

នៅ

ថ្ងៃពុធ ៧ ឧសភា ២០២៥

ដោយ

សំបុត្រចំនួន៥៣០០០សន្លឹកត្រូវបានលក់ដាច់អស់សម្រាប់ទស្សនាការប្រកួតវគ្គផ្តាច់ព្រ័ត្រពានរង្វាន់ក្លិបអាស៊ី AFC Challenge League នៅពហុកីឡដ្ឋានជាតិ មរតកតេជោ នៅថ្ងៃទី១០ ខែឧសភា ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីប្រកាសជាផ្លូវការរបស់ក្លិប ព្រះខ័នរាជស្វាយរៀង នៅព្រឹកថ្ងៃទី៧ ខែឧសភា ឆ្នាំ២០២៥ គឺសំបុត្រចំនួន៥៣០០០សន្លឹកត្រូវបានលក់ដាច់អស់។ ការលក់អស់នេះ បន្ទាប់ពីសំបុត្រត្រូវបានបើកលក់កាលពីថ្ងៃទី១ ខែឧសភា ឆ្នាំ២០២៥ ពោលគឺរយៈពេល៦ថ្ងៃប៉ុណ្ណោះត្រូវបានលក់អស់ ខណៈការប្រកួតនៅសល់រយៈពេល៣ថ្ងៃទៀត។

នេះជាស្ថិតិថ្មីក្នុងប្រវត្តិសាស្ត្រលក់សំបុត្រទស្សនាការប្រកួតបាល់ទាត់នៅក្នុងប្រទេសកម្ពុជាដែលក់ដាច់អស់មុនការប្រកួតច្រើនថ្ងៃ ហើយក៏ជាកំណត់ត្រាថ្មីក្នុងពានរង្វាន់ AFC Challenge League ដែលមានអ្នកទិញសំបុត្រច្រើនបំផុតគិតចាប់តាំងពី ពានរង្វាន់នេះបង្កើតឡើងដំបូងកាលពីឆ្នាំ២០០៥។

នៅថ្ងៃទី១០ ខែឧសភា ឆ្នាំ២០២៥ ការប្រកួតរវាង ព្រះខ័នរាជស្វាយរៀង និង Arkadag នៅពហុកីឡដ្ឋានជាតិ មរតកតេជោ នឹងបង្កើតកំណត់ត្រាថ្មីដែលមានអ្នកទស្សនាផ្ទាល់ច្រើនជាងគេបំផុតនៅក្នុងប្រវត្តិសាស្ត្រពានរង្វាន់ AFC Challenge League។

គិតចាប់តាំងពីពានរង្វាន់ក្លិបអាស៊ីលំដាប់ទី៣នេះត្រូវបានបង្កើតឡើងនៅឆ្នាំ២០០៥ រហូតដល់រដូវកាល២០២៤-២៥ គឺការប្រកួតរវាងក្រុម East Bengal ជាមួយក្រុម Arkadag វគ្គ៨ក្រុមចុងក្រោយនៅប្រទេសឥណ្ឌាដែលមានអ្នកទស្សនាផ្ទាល់ច្រើនបំផុតគឺចំនួន ២៥.៤៩៧នាក់ កាលពីថ្ងៃទី៥ ខែមីនា ឆ្នាំ២០២៥។

ខាងក្រោមជាចំនួនអ្នកគាំទ្រទស្សនាផ្ទាល់ច្រើនបំផុតដែលគិតតែប្រកួតណាមានអ្នកគាំទ្រច្រើនជាងគេក្នុងព្រឹត្តិការណ៍នីមួយៗ។

ឆ្នាំ ២០០៥ មានអ្នកមើលច្រើនបំផុត ២២.០០០ នាក់ នៅប្រទេស នេប៉ាល់
ឆ្នាំ ២០០៦ មានអ្នកមើលច្រើនបំផុត ៥០០ នាក់ នៅប្រទេស ម៉ាឡេស៊ី
ឆ្នាំ ២០០៧ មានអ្នកមើលច្រើនបំផុត ២.០០០ នាក់ នៅប្រទេស ប៉ាគីស្ថាន
ឆ្នាំ ២០០៨ មានអ្នកមើលច្រើនបំផុត ១០.០០០ នាក់ នៅប្រទេស គីជីស្ថានឍ
ឆ្នាំ ២០០៩ អ្នកមើលច្រើនបំផុត ១០.០០០ នាក់ វគ្គផ្តាច់ព្រ័ត្រ នៅប្រទេស តាជីគីស្ថាន
ឆ្នាំ ២០១០ អ្នកមើលច្រើនបំផុត ២៣.៧២០ នាក់ វគ្គផ្តាច់ព្រ័ត្រ នៅប្រទេស មីយ៉ាន់ម៉ា
ឆ្នាំ ២០១១ អ្នកមើលច្រើនបំផុត ៧០០០ នាក់ វគ្គសន្សំពិន្ទុ នៅប្រទេស កម្ពុជា
ឆ្នាំ ២០១២ អ្នកមើលច្រើនបំផុត ១៩.៣២៣ នាក់ នៅប្រទេស អារ៉ាប៊ីសាអ៊ូឌីត
ឆ្នាំ ២០១៣ អ្នកមើលច្រើនបំផុត ៧.០០០ នាក់ នៅប្រទេស អារ៉ាប់រួម
ឆ្នាំ ២០១៤ អ្នកមើលច្រើនបំផុត ៥.៤៥៧ នាក់ នៅប្រទេស គុយវែត
ឆ្នាំ ២០២៥ អ្នកមើលច្រើនបំផុត ២៥.៤៩៧ នាក់ នៅប្រទេស ឥណ្ឌា

អត្ថបទ៖ វីរបុត្រ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា