កីឡា

អ្នកលេងគុនខ្មែរកំពុងឡើងកូដ ពេជ្រ អាទិទេព ខ្លួនមិនទាន់ល្អដល់ ពេជ្រ សម្បត្តិ នោះទេ

បានផុស

២ នាទីutes មុន

នៅ

ថ្ងៃពុធ ៧ ឧសភា ២០២៥

ដោយ

អ្នកលេងគុនខ្មែរកំពុងឡើងកូដ និងបង្ហាញមុខគ្រប់កម្មវិធីធំៗ ពេជ្រ អាទិទេព មិនហ៊ានទទួលដូចអ្នកគាំទ្រថាខ្លួនល្អដល់កីឡាករ ពេជ្រ សម្បត្តិ ក្នុងពេលឥលូវនេះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ពេជ្រ អាទិទេព

ថ្លែងក្នុងកិច្ចសម្ភាស ពេជ្រ អាទិទេព មិនហ៊ានទទួលដូចអ្វីដែលអ្នកគាំទ្រមួយចំនួនថាខ្លួនឥលូវនេះល្អដូចរៀមច្បង ពេជ្រ សម្បត្តិ នោះទេ។ រូបគេដឹងពីសមត្ថភាពខ្លួនឯងច្បាស់បើទោះជាអ្នកគាំទ្រថាបច្ចុប្បន្ននេះឡើងល្អដូចទៅហ្នឹង សម្បត្តិ ហើយក្ដី។

កីឡាករ ពេជ្រ អាទិទេព

សិស្សគុនរបស់គ្រូផាន់ រូបនេះបន្ថែមទៀតថា ខ្លួននៅមិនទាន់ល្អដល់រៀមច្បងនោះឡើយ ពោលតាមរយៈការហ្វឹកហាត់ជាមួយគ្នារៀងរាល់ថ្ងៃនេះដឹងស្រាប់។ ទី១ ភាពធន់នៃរាងកាយមិនទាន់ដល់ សម្បត្តិ ឡើយ ទី២ ការចេញអាវុធ ឬស្នៀតក៏មិនទាន់ធ្ងន់ដល់ដូចគ្នា និងបច្ចេកទេស បទពិសោធផ្សេងៗមួយចំនួនទៀត។

កីឡាករ ពេជ្រ អាទិទេព

បញ្ជាក់ដែរថា កីឡាករ ពេជ្រ អាទិទេព ទើបតែចាប់អាជីពបានប៉ុន្មានឆ្នាំនេះទេ ពោលហ្វឹកហាត់នៅក្រោយកីឡាករ ពេជ្រ សម្បត្តិ ដែលជារៀមច្បងក្នុងក្លឹបជាយូរឆ្នាំ។ អាទិទេព ទើបតែចាប់ល្បីខ្លាំងបន្ទាប់ពីប៉ះ ហាន់ ពី ដណ្ដើមខ្សែក្រវាត់រួចមក និងបន្តល្បីឈ្មោះ ឈ្នះខ្សែក្រវាត់ ផ្ដួលបរទេសជាហូរហែដល់ពេលឥលូវនេះកំពុងកៀកទៅរកគ្រងខ្សែក្រវាត់ ១គ្រឿងទៀតនៅកម្មវិធីអ្នកចម្បាំងអូដ្ឋរបស់សង្វៀនបាយ័ន៕

អត្ថបទដោយ៖ នួន ស៊ីណា