កីឡា

ចូលរួមសោកស្ដាយ និងជាការបាត់បង់ធនធានដ៏សំខាន់ក្នុងវិស័យកីឡាព្រឹទ្ធាចារ្យ សាន គឹមស៊ាន ទទួលមរណភាពក្នុងវ័យ៨០ឆ្នាំ

បានផុស

២ ខែ មុន

នៅ

ថ្ងៃអង្គារ ៣ មិថុនា ២០២៥

ដោយ

ជាការសោកស្ដាយ និងជាភាពភ្ញាក់ផ្អើលជាខ្លាំងបន្ទាប់ពីព្រឹទ្ធាចារ្យ សាន គឹមស៊ាន គ្រូល្បុក្កតោដ៏ល្បីឈ្មោះរបស់កម្ពុជាបានទទួលមរណភាពមុននេះ ខណៈមជ្ឈដ្ឋានកីឡាសម្ដែងការសោកស្ដាយជាខ្លាំងចំពោះការបាត់បង់នូវធនធានដ៏សំខាន់ក្នុងវិស័យមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រឹទ្ធាចារ្យ សាន គឹមស៊ាន

នៅលើប្រព័ន្ធបណ្ដាញសង្គមជាពិសេសមជ្ឈដ្ឋានកីឡាបានសម្ដែងនូវការភ្ញាក់ផ្អើលជាខ្លាំង និងបានផ្ញើសារចូលរួមរំលែកទុក្ខចំពោះព្រឹទ្ធាចារ្យគុនល្បុកក្តោ សាន គឹមស៊ាន ដែលទទួលមរណភាពនៅមុននេះ បន្ទាប់ពីបានបញ្ជូនមកសង្គ្រោះបន្ទាប់នៅរាជធានីភ្នំពេញកាលពីម្សិលមិញ។

នេះបើតាមការបញ្ជាក់ពីកូនប្រុសរបស់លោកព្រឹទ្ធាចារ្យ សាន គឹមស៊ាន នៅមុននេះគឺលោកបានទទួលមរណភាពហើយដោយរោគាពាធ បន្ទាប់ពីបានបញ្ជូនលោកមកសង្គ្រោះបន្ទាប់ហើយក្ដី។

ព្រឹទ្ធាចារ្យជាធនធានដែលពោរពេញដោយបទពិសោធ និងចំណេះដឹងក្នុងវិស័យកីឡាពិសេសនោះគឺផ្នែកក្បាច់គុន។ លោកចេះគុនល្បុក្កតោ ប្រដាល់សេរី ឬគុនខ្មែរ ចេះកីឡាហាប់គីដូ ចេះកីឡាតេក្វាន់ដូ និងប្រភេទកីឡាប្រយុទ្ធមួយចំនួនទៀត។ មួយជីវិតរបស់លោកចំណាយពេលស្ទើរទាំងស្រុងទៅហើយជាមួយវិស័យកីឡាពិសេសការស្រាវជ្រាវក្បាច់គុនល្បុក្កតោ និងចងក្រងឲ្យមានសៀវភៅល្បុក្កតោប្រើប្រាស់ដល់សព្វថ្ងៃនេះ៕