កីឡា

ក្រុមកំពូលតារាង នារីជប៉ុន ប៉ះ ថៃ ម៉ោង៤រសៀលនេះ ក្នុងពានបាល់ទះនារីពិភពលោក

បានផុស

១៣ វិនាទី មុន

នៅ

ថ្ងៃពុធ ១៨ មិថុនា ២០២៥

ដោយ

ក្រុមបាល់ទះជម្រើសជាតិនារី ជប៉ុន ត្រូវប្រកួតជាមួយក្រុមបាល់ទះជម្រើសជាតិនារី ថៃ វេលាម៉ោងប្រហែលជា៤រសៀល ថ្ងៃទី១៨ ខែមិថុនា ឆ្នាំ២០២៥ ក្នុងការប្រកួតកីឡាបាល់ទះនារីជើងឯកពិភពលោក FIVB Women’s Volleyball Nations League។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតក្នុងសប្តាហ៍ទី១ដែលមាន៤ប្រកួតចន្លោះពីថ្ងៃ៤ ដល់ ទី៨ ខែមិថុនា នៅប្រទេសកាណាដា កន្លងទៅ ក្រុមបាល់ទះនារីជប៉ុន ធ្វើបានយ៉ាងល្អឥតខ្ចោះ ដោយ៤ប្រកួត គឺ ឈ្នះ ៣សិត០ ទាំងអស់។ ពួកគេគ្មានចាញ់១សិតណាឡើយ ដើម្បីរកបាន១២ពិន្ទុពេញ ឈរលើកំពូលតារាង។ ការប្រកួតទី១ ពួកគេយកឈ្នះ ហូឡង់ ៣-០, ប្រកួតទី២ ឈ្នះ ស៊ែប៊ី ៣-០, ប្រកួតទី៣ ឈ្នះ កាណាដា ៣-០ និងប្រកួតទី៤ ឈ្នះ ដូមីនិក ៣-០។

ចំណែកក្រុមបាល់ទះនារីថៃ ប្រកួតនៅប្រទេសចិន ដោយឈ្នះ១ប្រកួត និងចាញ់៣ប្រកួត រកបាន៣ពិន្ទុ ឈរនៅចំណាត់ថ្នាក់លេខ១៥ ក្នុងតារាងដែលមាន១៨ក្រុម។ ពួកគេបានចាញ់ ប៉ូឡូញ ០-៣, ចាញ់ បែលហ្ស៊ិក ១-៣, ចាញ់ តួកគី ០-៣ និងឈ្នះ បារាំង ៣-១។

ពេលនេះ ក្រុមនារី ជប៉ុន និង ថៃ ត្រូវប៉ះគ្នានៅទីក្រុងហុងកុង ចាប់ពីថ្ងៃទី១៨ ដល់ទី២២ ខែមិថុនា ដែលត្រូវជួបក្រុមជាច្រើនទៀតគឺ ប៊ុលហ្គារី អ៉ីតាលី ឆែក និង ចិន៕