កីឡា

អ៊ីតាលី បន្តមិនភាពចាញ់ ដោយឈរលើកំពូលតារាង ពាននារីបាល់ទះពិភពលោក VNL

បានផុស

១៥ វិនាទី មុន

នៅ

ថ្ងៃសៅរ៍ ២១ មិថុនា ២០២៥

ដោយ

ក្រុមបាល់ទះជម្រើសជាតិនារី អ៉ីតាលី បន្តជោគជ័យក្នុងការប្រកួតកីឡាបាល់ទះនារីពិភពលោក FIVB Women’s Volleyball Nations League ឆ្នាំ២០២៥ សម្រាប់ការប្រកួតឈានដល់ជុំទី៧។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតលើកទី៧ យប់ថ្ងៃទី២០ ខែមិថុនា ក្រុមនារី អ៉ីតាលី ទទួលបានជ័យជម្នះដោយលទ្ធផលយ៉ាងតឹងតែង គឺ ៣ទល់២ លើក្រុមនារីជប៉ុន។ សិតទី១ អ៉ីតាលី ឈ្នះ ២៥-២៣, សិតទី២ ជប៉ុន ឈ្នះ ២៦-១៦, សិតទី៣ អ៉ីតាលី ឈ្នះ ២៥-១៥, សិតទី៤ ជប៉ុន ឈ្នះ ២៥-២០ ហើយសិតទី៥ចុងក្រោយ អ៉ីតាលី ឈ្នះ ១៩-១៧។

នេះជាជ័យជម្នះលើកទី៧ បន្ទាប់ពី៦ប្រកួតកន្លងមក អ៉ីតាលី ឈ្នះអាមេរិក ៣-០, ឈ្នះ អាល្លឺម៉ង់ ៣-២, ឈ្នះកូរ៉េខាងត្បូង ៣-០, ឈ្នះប្រេស៊ីល ៣-០, ឈ្នះ ប៊ុលហ្គារី ៣-១, និង ឈ្នះ ថៃ ៣-០។ ពួកគេរកបាន១៩ពិន្ទុ ឈរលើកំពូលតារាង។

ជាមួយគ្នានេះ ក្រុមនារីតួកគី ក៏មិនទាន់ស្គាល់បរាជ័យដែរ ប៉ុន្តែពួកគេទើបប្រកួតបាន ៦ លើក ដោយឈ្នះទាំង ៦ លើក កំពុងឈរលេខ ៣ ខណៈក្រុមខ្លាំងមួយទៀតគឺ ប៉ូឡូញ បានឆ្លងកាត់ ៧ ប្រកួតហើយ ក្នុងនោះឈ្នះ ៦ និងចាញ់ ១ ស្ថិតនៅលេខ ២ ហើយជប៉ុនទើបប្រកួតបាន៦លើកគឺ ឈ្នះ ៥ និងចាញ់ ១ ស្ថិតនៅលេខ ៣។

សូមបញ្ជាក់ថា ការប្រកួតមាន ៣ សប្តាហ៍ ហើយក្នុង ១ សប្តាហ៍ ក្រុមនីមួយៗប្រកួត ៤ លើក ដោយត្រូវប៉ះគ្នាទាំងអស់ក្នុងចំណោមក្រុម ១៨ ក្នុងជុំចុងក្រោយនេះដែលប្រកួតនៅ ៩ ប្រទេសផ្សេងគ្នា។

បន្ទាប់ពីចប់ទាំង ៣ សប្តាហ៍ ក្រុមដែលមានពិន្ទុខ្ពស់ជាងគេលំដាប់កំពូលទាំង ៧ បានឡើងទៅវគ្គ ៨ ក្រុមចុងក្រោយនៅប្រទេស ប៉ូឡូញ។ ក្រុមនារីប៉ូឡូញ ទោះជាស្ថិតនៅចំណាត់ថ្នាក់លេខប៉ុន្មានក៏ពួកគេបានឡើងទៅវគ្គ៨ក្រុមចុងក្រោយដែរ ក្នុងនាមជាម្ចាស់ផ្ទះ៕