កីឡា
កីឡាការិនីឆ្នើម៥រូប ក្នុងព្រឹត្តិការណ៍ បាល់ទះនារីពិភពលោក VNL ឆ្នាំ២០២៥
ការប្រកួតបាល់ទះជើងឯកនារីពិភពលោក FIVB Women’s Volleyball Nations League ឆ្នាំ២០២៥ ឈានដល់សប្តាហ៍ទី២ហើយ ដោយក្រុមបាល់ទះជម្រើសជាតិនារីជប៉ុនកំពុងឈរលើកំពូលតារាង។
ក្នុងចំណោមក្រុមជម្រើសជាតិចំនួន១៨ក្រុមដែលសម្រិតសម្រាំងមកពីទ្វីបទាំង៦ជុំវិញពិភពលោក មានកីឡាការិនីឆ្នើមៗជាច្រើនដែលលេចធ្លោក្នុងជម្រើសជាតិរបស់ពួកគេ។ ថ្ងៃនេះសារព័ត៌មាន«កម្ពុជាថ្មី»សូមបង្ហាញកីឡាការិនី៥នាក់ដែលលេចធ្លោបំផុត។
១. Paola Egonu ជាអ្នកវាយផ្តាច់របស់ ក្រុមនារី អ៉ីតាលី
កីឡាការិនី Paola Egonu អាយុ២៦ឆ្នាំ កម្ពស់១.៩៣ម៉ែត្រ កំពុងលេងនៅក្លិប Vero Volley Milano របស់លីគបាល់ទះអ៉ីតាលី។ គាត់បានឈ្នះពានកីឡាការិនីល្អប្រចាំលីគអ៉ីតាលី២រដូវកាលគឺឆ្នាំ២០២២ និង២០២៤ ព្រមទាំងឈ្នះពានកីឡាការិនីល្អបំផុតប្រចាំព្រឹត្តិការណ៍កីឡាអូឡាំពិកឆ្នាំ២០២៤។ នាងជាតួសំខាន់ដែលជួយក្រុមនារីអ៉ីតាលីឈ្នះមេដាយមាសអូឡាំពិកឆ្នាំ ២០២៤ ព្រមទាំងឈ្នះជើងឯកពានកម្រិតពិភពលោក FIVB Nations League ឆ្នាំ២០២២, ២០២៤, ឈ្នះជើងឯកទ្វីបអឺរ៉ុប ឆ្នាំ២០២១ និងជើងឯកពិភពលោកអាយុ១៨ឆ្នាំ កាលពីឆ្នាំ២០១៥។
២. Tijana Bošković ជាអ្នកវាយផ្តាច់របស់ក្រុមនារី ស៊ែប៊ី
អាយុ២៨ឆ្នាំ កម្ពស់១.៩៤ម៉ែត្រ Tijana Bošković បានជួយក្រុមជម្រើសជាតិនារី ស៊ែប៊ី ឈ្នះជើងឯកពិភពលោក២លើកគឺឆ្នាំ២០២២ និង២០២៣ ព្រមទាំងឈ្នះពានចំនួន១៣ជាមួយក្លិប។ សមាជិកក្លិប VakifBank បានឈ្នះពានកីឡាការិនីឆ្នើមប្រចាំព្រឹត្តិការណ៍ចំនួន៦លើកនៅជម្រើសជាតិ និង៦លើកទៀតប្រចាំក្លិប។
៣. Melissa Vargas ជាអ្នកវាយផ្តាច់របស់ក្រុមនារី តួកគី
កីឡាការិនីអាយុ២៦ឆ្នាំ កម្ពស់១.៩៣ម៉ែត្រ របស់ក្លិប Fenerbahce Opet បានឈ្នះមេដាយមាស៣លើកជាមួយក្រុមជម្រើសជាតិ តួកគី គឺជើងឯកពិភពលោក FIVB Nations League ឆ្នាំ២០២៣, ពានពិភពលោក FIVB Volleyball World Cup ឆ្នាំ២០២៣ និងជើងឯកទ្វីបអឺរ៉ុប ឆ្នាំ២០២៣ ព្រមទាំងឈ្នះពានរង្វាន់ជាច្រើនជាមួយជាមួយក្លិប៤ផ្សេងគ្នា។
៤. Gabriela Guimarães ជាអ្នកវាយផ្តាច់របស់ក្រុមនារី ប្រេស៊ីល
សមាជិកក្លិប Imoco Volley Conegliano នៃលីគអ៉ីតាលីរូបនេះ អាយុ៣១ឆ្នាំ និងកម្ពស់តែ១.៨០ម៉ែត្រ ប៉ុន្តែលេចធ្លោក្នុងជម្រើសជាតិ និងលីគអ៉ីតាលី។ កីឡាការិនីរូបនេះបានជួយក្រុមជម្រើសជាតិនារីប្រេស៊ីលឈ្នះមេដាយមាសអន្តរជាតិចំនួន៧លើក និងឈ្នះពានជាមួយក្លិបចំនួន៣០ជាមួយក្លិប។ បើនិយាយពីពានឯកត្តជនវិញ កីឡាការិនីរូបនេះធ្លាប់ឈ្នះពានកីឡាការិនីល្អបំផុតប្រចាំព្រឹត្តិការណ៍ ៦ លើក ព្រមទាំងពានផ្សេងៗជាច្រើនទៀត។
៥. Mayu Ishikawa ជាអ្នកវាយផ្តាច់របស់ក្រុមនារី ជប៉ុន
កម្ពស់ត្រឹមតែ ១.៧៤ម៉ែត្រប៉ុណ្ណោះ ប៉ុន្តែកីឡាការិនីវ័យ២៥ឆ្នាំនេះលេចធ្លោខ្លាំងសម្រាប់ក្រុមជម្រើសជាតិនារីជប៉ុន។ កីឡាការិនីបានជួយក្រុមជប៉ុនឈ្នះមេដាយមាសអន្តរជាតិ៣លើកគឺ ជើងឯកអាស៊ីឆ្នាំ២០២១៩ ជើងឯកអាស៊ីអាយុ១៨ឆ្នាំ ឆ្នាំ២០១៧ និងជើងឯកពិភពលោកអាយុ២០ឆ្នាំ ឆ្នាំ២០១៩។ បើជាមួយក្លិបវិញគឺធ្លាប់ឈ្នះជើងឯក១លើកនៅកម្រិតអាជីព និង១លើកនៅកម្រិតវិទ្យាល័យទូទាំងប្រទេសជប៉ុន។ ប្អូនស្រីបង្កើតរបស់កីឡាករ Yuki Ishikawa រូបនេះធ្លាប់ឈ្នះកីឡាការិនីឆ្នើមប្រចាំព្រឹត្តិការណ៍២លើក៕
អត្ថបទ៖ វីរបុត្រ
តបនឹងបង់ក្លាដេសសុំឱ្យកម្ពុជាគាំទ្រខ្លួនធ្វើជាដៃគូរបស់អាស៊ាន សម្ដេច ហ៊ុន សែន ប្រកាសស្វាគមន៍
កីឡាការិនីឆ្នើម៥រូប ក្នុងព្រឹត្តិការណ៍ បាល់ទះនារីពិភពលោក VNL ឆ្នាំ២០២៥
លោក ឡៃ ថៃចាន់ ដាស់តឿនសប្បុរសជនដែលចង់ជួយ ពេជ្រ ចរណៃ ត្រូវផ្ទៀងផ្ទាត់ជាមុន ព្រោះមានជនឆ្លៀតឱកាស
លក្ខណៈពិសេសនៃយន្តហោះចម្បាំង F35I “Adir” ដែលអ៊ីស្រាអែល កំពុងយកប្រយុទ្ធជាមួយអ៊ីរ៉ង់
ឆេះមិនសល់អ្វី! ពេជ្រ ចរណៃ បានត្រឹមសំពះដឹងគុណក្រុមពន្លត់អគ្គិភ័យ និងសុំការយោគយល់ពីម្ចាស់ផ្ទះ ក្នុងកាតព្វកិច្ចសង
រដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ
ក្រោយពីភ្លើងឆេះហាង ពេជ្រ ចរណៃ ត្រូវជួសជុលសងម្ចាស់ដើមវិញខ្ទង់ ៥០ ទៅ៦០ម៉ឺនដុល្លារ
ផែថងថាន រក្សាភាពស្ងប់ស្ងាត់ និង គ្មានការលាលែងពីអំណាច រហូតពេលនេះ
គណបក្ស Bhumjaithai ដកខ្លួនចេញពីរដ្ឋាភិបាលចម្រុះដឹកនាំដោយបក្សភឿថៃ
ឆ្ងល់អត់ ហេតុអ្វីមីស៊ីលភាគច្រើនត្រូវបានបាញ់នៅពេលយប់ជាជាងពេលថ្ងៃ ក្នុងអំឡុងពេលសង្គ្រាម?
-
នយោបាយ៦ ថ្ងៃ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ៣ ថ្ងៃ agoអ៊ីរ៉ង់ ថា ប៉ាគីស្ថាន ចេញមុខធានាទម្លាក់គ្រាប់បែកនុយក្លេអ៊ែរ លើអ៊ីស្រាអែល ក្នុងលក្ខខណ្ឌមួយ
-
ព័ត៌មានអន្ដរជាតិ៦ ថ្ងៃ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានអន្ដរជាតិ៩ ម៉ោង agoរដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ
-
ព័ត៌មានអន្ដរជាតិ៦ ថ្ងៃ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
-
សន្តិសុខសង្គម៨ ម៉ោង agoក្រោយពីភ្លើងឆេះហាង ពេជ្រ ចរណៃ ត្រូវជួសជុលសងម្ចាស់ដើមវិញខ្ទង់ ៥០ ទៅ៦០ម៉ឺនដុល្លារ
-
នយោបាយ៦ ថ្ងៃ agoសម្ដេចតេជោប្រាប់ទៅរដ្ឋាភិបាលត្រៀមផ្ទុះអាវុធគ្រប់ពេលដែលថៃឈ្លានពាន
-
ព័ត៌មានអន្ដរជាតិ៤ ថ្ងៃ agoអ្នកស្លាប់និងរបួសនៅអ៊ីស្រាអែលកើនឡើងយ៉ាងគំហុក ខណៈអ៊ីរ៉ង់បាញ់ស្រោចមីស៊ីល