កីឡា

កីឡាករ អ៊ុំ ចំរើន មិននឹកស្មានថាមានថ្ងៃនេះ ខណៈអ្វីដែលខំប្រឹងជាង ១០ឆ្នាំបានសម្រេចហើយ

បានផុស

១ year មុន

នៅ

ថ្ងៃពុធ ២៥ មិថុនា ២០២៥

ដោយ

អ្នកលេងគុនខ្មែរមកពីខណ្ឌដង្កោ អ៊ុំ ចំរើន មិននឹកស្មានថាខ្លួនអាចទទួលបានក្របខ័ណ្ឌដូចពេលនេះ ខណៈការខំប្រឹងក្នុងវិស័យប្រដាល់គុនខ្មែរជាង ១០ឆ្នាំមកនេះបានសម្រេចបំណងធំហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ អ៊ុំ ចំរើន

កីឡាករ អ៊ុំ ចំរើន បានឲ្យដឹងថា នេះជាភាពជោគជ័យធំមួយក្នុងវិស័យប្រដាល់ដែលគ្រប់គ្នាស្រមៃចង់បានកន្លងមករួមទាំងខ្លួនផងដែរ។ ការចំណាយពេលប្រឡូកក្នុងវិស័យប្រដាល់គុនខ្មែរអស់រយៈពេលជាង ១០ឆ្នាំនៅពេលនេះបានសម្រេចក្ដីបំណងធំមួយនេះហើយ។

កីឡាករ អ៊ុំ ចំរើន (ក្រហម)

សិស្សគុនមកពីក្លឹបតាឡីខាងលើបន្ថែមទៀតថា បញ្ហាសរសៃ ACL នេះធ្វើឲ្យរូបគេឈប់ពីប្រដាល់គុនខ្មែរអស់រយៈពេល ៧ឆ្នាំ។ ចំរើន មិននឹកស្មានថាខ្លួនឯងអាចវិលចូលប្រដាល់វិញបាននោះទេ និងតស៊ូហ្វឹកហាត់សម្រកទម្ងន់រហូតបានប្រកួតវិញ និងទទួលបានក្របខ័ណ្ឌទាហានបែបនេះឡើយ។

កីឡាករ អ៊ុំ ចំរើន

ដោយសារតែចិត្តនៅស្រឡាញ់ និងព្យាយាមពីមួយដំណាក់កាលទៅមួយដំណាក់កាលចេះតែបានសម្រេចដូចជាសម្រក់ទម្ងន់ឲ្យចុះមកជាច្រើនគីឡូ ព្យាបាលជើងឲ្យជាឡើងវិញ និងការធ្វើរាងកាយឲ្យរឹងមាំប្រសើរឡើងឈានដល់ការឡើងប្រកួតបានវិញ។

កីឡាករ អ៊ុំ ចំរើន

បញ្ជាក់ដែរថា ការដែលទទួលបានក្របខ័ណ្ឌទាហាននេះគឺដោយសារ អ៊ុំ ចំរើន ប្រកួតប្រដាល់សកលតំណាងឲ្យក្រសួងការពារជាតិ និងបានឈ្នះមេដាយមាសក្នុងព្រឹត្តិការណ៍ជ្រើសរើសជើងឯកថ្នាក់ជាតិ អំឡុងឆ្នាំ២០២៤ កន្លងទៅនេះ។ ចំរើន ជាអ្នកប្រដាល់ចាស់វស្សាមួយរូបក្នុងវិស័យប្រដាល់គុនខ្មែរ ប៉ុន្តែដោយសារបញ្ហាដាច់សរសៃ ACL ធ្វើឲ្យរូបគេមិនអាចឡើងសង្វៀនអស់រយៈពេល ៧ឆ្នាំគឺស្ទើរតែអ្នកគាំទ្រភ្លេចមុខទៅហើយ។ ប៉ុន្តែការតស៊ូព្យាយាមរបស់អ្នកប្រដាល់រូបនេះទីបំផុតក៏អាចវិលត្រឡប់មកកាន់គុនខ្មែរវិញ៕

អត្ថបទដោយ៖ នួន ស៊ីណា