កីឡា
សមត្ថភាពមិនធម្មតា គឿម សុវណ្ណឃីម ធ្លាប់ឈ្នះជើងខ្លាំង ហាន់ ពី ពេជ្រ សុឃីម ប៉ុន្តែមិនសូវល្បីឈ្មោះដូចគេ
អ្នកលេងគុនខ្មែរ គឿម សុវណ្ណឃីម មានប្រវត្តិប្រកួតមិនធម្មតាឈ្នះខ្សែក្រវាត់ វាយនៅក្រៅប្រទេស និងធ្លាប់ឈ្នះជើងខ្លាំង ហាន់ ពី ពេជ្រ សុឃីម គោរមៈ ច័ន្ទរាជ្យ ជាដើម ប៉ុន្តែកេរ្តិ៍ឈ្មោះមិនសូវល្បីដូចកីឡាករមួយចំនួននោះទេ។
កីឡាករ គឿម សុវណ្ណឃីម
កីឡាករ គឿម សុវណ្ណឃីម បានឲ្យដឹងថា ដំបូងៗឡើយមិននឹកស្មានថាខ្លួនអាចប្រឡូកក្នុងអាជីពនេះរហូតមានសមត្ថភាពល្អគួរសមបែបនេះទេ ព្រោះចូលហាត់តាមក្ដីស្រឡាញ់ចង់ឡើងប្រកួតដូចកីឡាករដទៃទៀតប៉ុណ្ណោះ។ ដោយសារការខំប្រឹងតស៊ូទើបជំរុញឲ្យខ្លួនអភិវឌ្ឍន៍សមត្ថភាពម្ដងបន្តិចៗបានរហូតដូចពេលនេះ។
សុវណ្ណឃីម ពេលប្រកួតនៅជប៉ុន
កូនសិស្សលោក ផាត សូដា រូបនេះបន្ថែមទៀតថា បើនិយាយពីប្រវត្តិប្រកួតគឺធ្លាប់ឈ្នះជើងខ្លាំងច្រើនរូបដែរដូចជា សាន់ វាសនា ហាន់ ពី ពេជ្រ សុឃីម គោរមៈ ច័ន្ទរាជ្យ និងកំពុងគ្រងខ្សែក្រវាត់ ៣គ្រឿង ពានរង្វាន់ រួមទាំងមេដាយផ្សេងៗជាច្រើនទៀត។
សុវណ្ណឃីម ប៉ះបរទេស
ងាកមកនិយាយពីកេរ្តិ៍ឈ្មោះវិញមិនសូវល្បីដូចកីឡាករដទៃ គឿម សុវណ្ណឃីម បញ្ជាក់ថាអាចមកពីរូបគេជាកីឡាករវាយបែបក្បាច់ និងមិនសូវបុកទើបមិនទទួលបានការគាំទ្រច្រើន។ អ្នកគាំទ្របច្ចុប្បន្នចូលចិត្តកីឡាករប្រភេទដើរបុក ដូច្នេះអ្នកដែលវាយខុសពីចំណូលចិត្តនោះមិនសូវមានសន្ទុះប្រជាប្រិយភាពទេ។ រូបគេសំណូមពរដល់មហាជនទូទៅពិសេសអ្នកគាំទ្រសូមជួយលើកស្ទូយប្រភេទកីឡាវាយក្បាច់ផងដើម្បីឲ្យកីឡាករវាយទម្រង់បែបនេះមានទឹកចិត្តខំប្រឹងប្រែងប្រកួតផ្សព្វផ្សាយគុនខ្មែរផងដែរ។
សុវណ្ណឃីម ប្រកួតនៅក្រៅប្រទេស
បញ្ជាក់ដែរថា គឿម សុវណ្ណឃីម ជាកូនសិស្សលោក ផាត សូដា នៃក្លឹបគុនខ្មែរស៊ុបពើហ្វៃ។ រូបគេបច្ចុប្បន្នប្រកួតលើប្រភេទទម្ងន់ ៥៤គីឡូក្រាម។ សុវណ្ណឃីម ឈ្នះខ្សែក្រវាត់ ៣គ្រឿង ២គ្រឿងឈ្នះក្នុងស្រុក និង១គ្រឿងឈ្នះនៅប្រទេសជប៉ុន។ កូនសិស្សលោក ផាត សូដា រូបនេះធ្លាប់ប្រកួតនៅប្រទេសជប៉ុន អេស្ប៉ាញ អូស្ត្រាលី ផងដែរ៕
អត្ថបទដោយ៖ នួន ស៊ីណា
-
ព័ត៌មានអន្ដរជាតិ១ សប្តាហ៍ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៦ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៣ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន