កីឡា
កីឡាករ Alan Souza កំពុងលេចធ្លោខ្លាំងក្នុងក្រុមបាល់ទះជម្រើសជាតិប្រេស៊ីល
កីឡាករ Alan Souza លេងក្នុងតំណែងជាស្មាត់ឆ្វេងកំពុងបង្ហាញខ្លួនយ៉ាងល្អ ឲ្យក្រុមបាល់ទះជម្រើសជាតិ ប្រេស៊ីល ក្នុងព្រឹត្តិការណ៍លីគបាល់ទះជម្រើសជើងឯកពិភពលោក FIVB Men’s Volleyball Nations League ឆ្នាំ ២០២៥។
កីឡាករ Alan Souza បានជួយ ប្រេស៊ីល ឈរលើកំពូលតារាង ដោយស្គាល់បរាជ័យតែម្តងគត់ សម្រាប់ការប្រកួតសន្សំពិន្ទុចំនួន ១២ លើក។ រូបគេលេងជាស្មាត់ឆ្វេង ប៉ុន្តែអាចរកពិន្ទុបានទាំង ការវាយសេវា ការលោតផ្តាច់ ៣ ម៉ែត្រ និងជាបាំងការពារដ៏ក្រាស់។
ស្ថិតក្នុងវ័យ ៣១ ឆ្នាំ និងកម្ពស់ ២.០២ម៉ែត្រ រូបគេអាចលោតផ្តាច់បានកម្ពស់ ៣.៦៧ម៉ែត្រ និងអាចលោតបាំងការពារបានកម្ពស់ ៣.៤៣ម៉ែត្រ។ ចាប់ផ្តើមអាជីពពីឆ្នាំ ២០១២ ដល់ ឆ្នាំ ២០២៥ រូបគេបានលេងឲ្យក្លិបចំនួន ៧ ផ្សេងគ្នា។
នៅលីគប្រទេសប្រេស៊ីល រូបគេលេងឲ្យ Olympico Club ពីឆ្នាំ ២០១២ ដល់ ២០១៣, ក្លិបទី២ Sada Cruzeiro ពីឆ្នាំ ២០១៣ ដល់ ២០១៧ និងក្លិបទី៣ SESI Sao Paulo ពីឆ្នាំ ២០១៧ ដល់ ២០២០ ហើយវិលត្រឡប់ទៅក្លិបចាស់ Sada Cruzeiro វិញពីឆ្នាំ ២០២០ ដល់ ២០២១។ បន្ទាប់មករូបគេចេញទៅក្រៅប្រទេស លេងឲ្យក្លិប Kuzbass Kemerovo នៅរុស្ស៊ី នៅឆ្នាំ ២០២១ និងក្លិបប្រេស៊ីល Apan Volei/Blumenau ពីឆ្នាំ ២០២២ ដល់ ២០២៣, ក្លិបទី៦ AXS Olsztyn នៅលីគប៉ូឡូញ ពីឆ្នាំ ២០២៣ ដល់ ២០២៤ និងបច្ចុប្បន្នក្លិបទី៧ Toray Arrows នៅលីគជប៉ុន តាំងពីឆ្នាំ ២០២៤។
កីឡាករ Alan Souza បានឈ្នះចំនួន ១០ សម្រាប់ការលេងក្លិបអាជីពជាច្រើន។ កាលនៅជាយុវជន រូបគេបានជួយក្រុមបាល់ទះយុវជនជម្រើសជាតិប្រេស៊ីល ឈ្នះពានរង្វាន់កម្រិតទ្វីប និងពិភពលោកចំនួន ៦ ផ្សេងគ្នា។
សម្រាប់នៅក្រុមបាល់ទះជម្រើសជាតិប្រេស៊ីលក្រុមធំវិញ Alan Souza បានជួយឈ្នះជើងឯកចំនួន ៥ ផ្សេងគ្នាគឺ ជើងឯកពិភពលោក FIVB World Cup ឆ្នាំ ២០១៩, ជើងឯកលីគ FIVB Nations League ឆ្នាំ ២០២១, ជើងឯកទ្វីអាមេរិកខាងជើង Pan American Cup ឆ្នាំ ២០១៥ និងជើងឯកទ្វីបអាមេរិកខាងត្បូង SCV South American Championship ពីរលើកគឺ ឆ្នាំ ២០១៩ និង ២០២១។
បើនិយាយពីពានឯកត្តជនវិញ Alan Souza បានឈ្នះពានកីឡាករល្អប្រចាំព្រឹត្តិការណ៍ចំនួន ៣ លើកគឺ ក្នុងជើងឯកពិភពលោក ឆ្នាំ ២០១៩, ក្នុងជើងឯកអាមេរិកខាងត្បូង ឆ្នាំ ២០១៩ និងក្នុងជើងឯកទ្វីបអាមេរិកខាងជើង ឆ្នាំ ២០១៥។ ជាមួយគ្នានេះ រូបគេបានឈ្នះពានផ្សេងៗជាច្រើនទៀតដូចជា ពានកីឡាករការពារល្អកណ្តាលល្អបំផុត ពានអ្នកវាយផ្តាំឆ្វេងល្អបំផុត និងពានកីឡាកររកបានល្អបំផុតជាដើម៕
អត្ថបទ៖ វីរបុត្រ
-
ព័ត៌មានអន្ដរជាតិ១ សប្តាហ៍ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
សន្តិសុខសង្គម៧ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន
-
កីឡា២ ថ្ងៃ agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានជាតិ១ សប្តាហ៍ agoតើរោងចក្រសហគ្រាសបែបណា តម្រូវបំពាក់ប្រព័ន្ធប្រព្រឹត្តកម្មទឹកកខ្វក់ការពារបរិស្ថាន?
-
ព័ត៌មានជាតិ៤ ថ្ងៃ agoអភិបាលស្រុកសំរោង ចុះពិនិត្យស្ពាន «កាប់នឹម» បាក់ស្រុតធ្ងន់ សិក្សាលទ្ធភាពជួសជុលឡើងវិញ ដើម្បីធានាសុវត្ថិភាពពលរដ្ឋ
-
កីឡា៦ ថ្ងៃ agoស្មាត់ឆ្នើម វឿន វាសនា បន្តកុងត្រាថ្មីជាមួយក្លិប Win Streak ត្រូវអ្នកគាំទ្រ តៃវ៉ាន់ សាទរខ្លាំង
-
ព័ត៌មានអន្ដរជាតិ២ ថ្ងៃ agoពូទីន ចង់យកកិច្ចព្រមព្រៀងចាស់ និងតថភាពជាក់ស្ដែងលើសមរភូមិ ទៅចរចាសន្តិភាពជាមួយអ៊ុយក្រែន
-
កីឡា២ ថ្ងៃ agoចប់សន្សំពិន្ទុជុំទី២ World Cup 2026 រកឃើញ ៧ ក្រុមឡើងវគ្គ ៣២ ក្រុមចុងក្រោយ