កីឡា

ភ្នំពេញក្រោន មិនទាន់ស្គាល់ពាក្យចាញ់ កំពុងតាមពីក្រោយ ព្រះខ័នរាជស្វាយរៀង តែ១ពិន្ទុ

បានផុស

៩ ខែ មុន

នៅ

ថ្ងៃចន្ទ ៦ តុលា ២០២៥

ដោយ

ក្លិបបាល់ទាត់ភ្នំពេញក្រោន ស្ថិតនៅចំណាត់ថ្នាក់លេខ ២ នៃតារាងពិន្ទុលីគបាល់ទាត់កំពូលកម្ពុជារដូវកាលនេះ បន្ទាប់ពីរកបានជ័យជម្នះ ៤ លើក និងស្មើ ២ លើក ដោយមិនទាន់ស្គាល់បរាជ័យឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពីរសប្តាហ៍ដំបូង ភ្នំពេញក្រោន បានស្មើ ទាំង ២ ប្រកួតគឺបញ្ចប់ដោយគ្មានគ្រាប់បាល់ជាមួយ បឹងកេត ០-០ និងលទ្ធផល ១-១ ជាមួយ កងយោធពលខេមរភូមិន្ទ ប៉ុន្តែ ៤ សប្តាហ៍ចុងក្រោយឈ្នះ ឡាយហ្វ ខេត្តព្រះសីហនុ ៤-៣, ឈ្នះអឹមអូអាយ កំពង់ដេវ៉ា ១-០, ឈ្នះ ព្រះខ័នរាជស្វាយរៀង ៣-២ និងឈ្នះ គិរីវង់សុខសែនជ័យ ៤-១ ដើម្បីរកបាន ១៤ ពិន្ទុ តាមពីក្រោយតែ១ពិន្ទុប៉ុណ្ណោះនឹងក្រុមកំពូលតារាង ព្រះខ័នរាជស្វាយរៀង ដែលមាន ១៥ ពិន្ទុ និងស្គាល់បរាជ័យ ១ លើក។

ជាមួយគ្នានេះ អ្នកគាំទ្របានខកចិត្តយ៉ាងខ្លាំងពីក្រុមរបស់ខ្លួនគឺ បឹងកេត ដែលបានបរាជ័យក្រោមថ្វីជើង អង្គរថាយហ្គឺរ ដោយលទ្ធផល ៣-០ នៅទឹកដីខេត្តសៀមរាប។ ជ័យជម្នះនេះផ្តល់ឲ្យក្លិបដែលមានមូលដ្ឋាននៅខេត្តសៀមរាប ឡើងឈរលេខ ៣ ដោយមាន ១២ពិន្ទុ ខណៈ បឹងកេត ធ្លាក់ទៅលេខ ៥ វិញ ជំនួសវិញដោយ ណាហ្គាវើលដ៍ មកនៅលេខ ៤ បន្ទាប់ពីស្មើជាមួយ វិសាខា ២-២។

កងយោធពលខេមរភូមិន្ទ ឈរលេខ ៦ ដោយរកបាន ១០ ពិន្ទុ បើទោះជាពួកគេមិនទាន់ស្គាល់បរាជ័យក៏ដោយ ពីព្រោះពួកគេបញ្ចប់ដោយលទ្ធផលស្មើ ៤ ប្រកួត និងឈ្នះ ២ ប្រកួត ហើយ វិសាខា ស្ថិតនៅលេខ ៧ និង អឹមអូអាយ កំពង់ដេវ៉ា ស្ថិតនៅលេខ ៨។

ក្រុមឡាយហ្វ ខេត្តព្រះសីហនុ ស្ថិតនៅលេខ ១០ បន្ទាប់ពីទទួលបានជ័យជម្នះជាលើកដំបូង ក្រោយឈ្នះលើ អាយអេសអាយ ដង្កោសែនជ័យ ១-០ ក្នុងសប្តាហ៍ទី៧។ អាយអេសអាយ ដង្កោសែនជ័យ ជាក្រុមតែមួយគត់ដែលមិនទាន់មានពិន្ទុ ដោយបានចាញ់ ៦ ប្រកួតជាប់គ្នាស្ថិតនៅបាតតារាង។