ការលាងដៃ Archives - Kampuchea Thmey Daily

គ្រូពេទ្យជំនាញប្រាប់វិធីងាយៗការពារអ្នកពី កូវីដ ជាជាងពាក់ស្រោមដៃ

Sok Chivon — Tue, 16 Nov 2021 09:11:34 +0000

លោកវេជ្ជបណ្ឌិត Yong Poovorawan អ្នកជំនាញខាងរោគសាស្ត្រថៃបានណែនាំនៅថ្ងៃអង្គារនេះថា ការលាងដៃឲ្យញឹកញាប់ផ្តល់ការការពារច្រើនជាងការពាក់ស្រោមដៃទៅទៀត ។

នៅក្នុងការបង្ហោះលើបណ្ដាញសង្គមហ្វេសប៊ុករបស់លោក លោកវេជ្ជបណ្ឌិត Yong បាននិយាយថា មនុស្សជាច្រើនបានពាក់ស្រោមដៃដើម្បីការពារខ្លួនពីជំងឺកូវីដ ១៩ ។

ទោះជាយ៉ាងណាក៏ដោយ លោកបាននិយាយថា បទពិសោធន៍របស់លោកនៅក្នុងមន្ទីរពិសោធន៍បង្ហាញថា ស្រោមដៃការពារអ្នកពាក់មែន ប៉ុន្តែត្រូវបោះចោល បន្ទាប់ពីប្រើរួច ។

ជាឧទាហរណ៍ លោកបាននិយាយថា បុគ្គលិកបម្រើនៅក្នុងភោជនីយដ្ឋាន ពាក់ស្រោមដៃរយៈពេលយូរ ហើយប៉ះរបស់របរជាច្រើនដោយមិនលាងដៃ ដែលនេះជាការពារតិចតួចក្នុងការទប់ស្កាត់ការរីករាលដាលនៃមេរោគ ។

លោកថា ប្រជាពលរដ្ឋគួរពាក់ស្រោមដៃពេលដើរទិញឥវ៉ាន់ ហើយបោះចោលភ្លាមៗពេលធ្វើរួច ។

ទោះជាយ៉ាងនេះក្តី លោកបានបញ្ជាក់សារជាថ្មីថា ការលាងដៃឲ្យបានញឹកញាប់ គឺជាវិធីល្អបំផុតដើម្បីការពារខ្លួនអ្នក និងទប់ស្កាត់ការរីករាលដាលនៃជំងឺកូវីដ ១៩ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation

ចុចអាន ៖ អ្នកទេសចរ កម្ពុជា ដែលចង់ទៅលេង វៀតណាម ត្រូវរង់ចាំរហូតដល់ឆ្នាំក្រោយ

The post គ្រូពេទ្យជំនាញប្រាប់វិធីងាយៗការពារអ្នកពី កូវីដ ជាជាងពាក់ស្រោមដៃ appeared first on Kampuchea Thmey Daily.

ប្រើអាល់កុលរាល់ថ្ងៃ ឡើងអាចម៍រុយលើខ្នងដៃ ដោះស្រាយតាមតិចនិកនេះ

Sonya — Thu, 05 Aug 2021 02:15:43 +0000

ចាប់តាំងពីជំងឺកូវីដ-១៩ រាតត្បាតមក យើងម្នាក់ៗត្រូវពាក់ម៉ាស និងលាងដៃជាមួយជែល ឬអាល់កុលជាប់ជានិច្ច ដើម្បីការពារខ្លួនពីការឆ្លងជំងឺផ្លូវដង្ហើមដ៏កាចសាហាវនេះ។ ដោយសារតែលាងដៃនឹងអាល់កុលញឹកញាប់ពេក បណ្ដាលឲ្យស្ងួតដៃ ឬគ្នាយើងខ្លះមានឡើងអាចម៍រុយលើខ្នងដៃថែមទៀត។

ជុំវិញបញ្ហានេះ លោកវេជ្ជបណ្ឌិត ហ៊ាង រតនា ឯកទេសជំងឺទូទៅ និងជំងឺកុមារ បានឲ្យដឹងថា ចេញស្នាមអុជៗខ្មៅលើប្រអប់ដៃ មូលហេតុសង្ស័យខ្ពស់ជាងគេ គឺមកពីលាងអាល់កុល ឬជែលដែលមានជាតិមេតាណុល ហើយបន្ទាប់មកប្រអប់ដៃយើងត្រូវពន្លឺថ្ងៃ។ កាលណាយើងឡើងអាចម៍រុយលើខ្នងដៃ ទោះវាមិនសូវបង្កជាបញ្ហាធ្ងន់ធ្ងរ ប៉ុន្តែវាអាចជាប់នៅលើស្បែកយើងយូរ និងពិបាកកម្ចាត់ទៅវិញ។

វេជ្ជបណ្ឌិតរូបនេះបន្តថា ក្នុងករណីយើងឡើងអាចម៍រុយលើខ្នងដៃ គួរទៅពិភាក្សាជាមួយគ្រូពេទ្យជំនាញសើស្បែក ឬអាចប្រើឡេផ្ដល់សំណើមដល់ស្បែក ដែលមិនមានជាតិកាត់ និងមិនមានជាតិបារត។ ម៉្យាងវិញទៀត យើងគួរការពារមិនឲ្យត្រូវកម្ដៅថ្ងៃដាច់ខាត និងផ្អាកការប្រើអាល់កុលដោយប្រើសាប៊ូលាងដៃជំនួសវិញ (ឬ ប្រើអាល់កុល ឬជែល តែត្រូវប្រាកដថាគ្មានជាតិមេតាណុល)។

វិធីការពារ ឡើងអាចម៍រុយលើខ្នងដៃ

ប្រើប្រាស់ឡេការពារកម្ដៅថ្ងៃ៖ ការប្រើឡេការពារកម្ដៅថ្ងៃ គឺមិនអាចកម្ចាត់អាចម៍រុយបានក៏ពិតមែន តែវាមានប្រសិទ្ធភាពខ្ពស់ក្នុងការការពារមិនកើតអាចម៍រុយបន្តបន្ទាប់គ្នា។
ពាក់ស្រោមដៃជិតៗ៖ ផ្ទៃខ្នងដៃក៏ត្រូវការការពារដូចនឹងផ្នែកដទៃនៃរាងកាយដែរ ដូចនេះ បើមិនចង់កើតអាចម៍រុយ ឬជាំខ្មៅដៃទេ គួរពាក់ស្រោមដៃឃ្លុំជិតៗពេលចេញទីខាងក្រៅ។
ជៀសវាងត្រូវកម្ដៅថ្ងៃ៖ ចុងក្រោយនោះគឺត្រូវជៀសឲ្យផុតពីកត្តាដែលបង្កឲ្យមានអាចម៍រុយឲ្យបាន។ យកល្អ បើអាចមិនបាច់ចេញទៅក្រៅផ្ដេសផ្ដាសទេ ពេលមេឃក្ដៅហែង៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ អ្នកជំនាញព្រមានគ្រោះថ្នាក់ដោយសារប្រើជែលលាងដៃញឹកញាប់ពេក

ចុចអាន៖ អាល់កុល២ប្រភេទនៅលើទីផ្សារ គួរប្រុងប្រយ័ត្ន មុនទិញមកប្រើប្រាស់

The post ប្រើអាល់កុលរាល់ថ្ងៃ ឡើងអាចម៍រុយលើខ្នងដៃ ដោះស្រាយតាមតិចនិកនេះ appeared first on Kampuchea Thmey Daily.

មិនឆ្ងល់ទេបើរកឃើញអ្នកឆ្លងកូវីដពេលទៅចាក់វ៉ាក់សាំង ដោយសារមូលហេតុ៣នេះ

Sonya — Tue, 11 May 2021 06:42:43 +0000

ការចាក់វ៉ាក់សាំង ត្រូវបានធ្វើឡើងដោយគោរពតាមគោលការណ៍សុវត្ថិភាពយ៉ាងតឹងរឹង ដើម្បីធានាសុវត្ថិភាព នៅតាមទីតាំងចាក់នីមួយៗ។ ដំណើរការទាំងអស់នៃយុទ្ធនាការចាក់វ៉ាក់សាំង ពិតជាអាចទុកចិត្តបានចំពោះសុវត្ថិភាពទៅលើអ្នកទទួលថ្នាំបង្ការគ្រប់គ្នា។ យ៉ាងណាមិញ ក្រសួងនៅតែរកឃើញករណីវិជ្ជមានក្នុងចំណោមអ្នកទៅចាក់វ៉ាក់សាំងដដែល។ តើដោយសារមូលហេតុអ្វី?

១. បំពានគម្លាតសុវត្ថិភាព

ក្រុមគ្រូពេទ្យ ក៏ដូចជាអាជ្ញាធរមូលដ្ឋានបានរៀបចំគម្លាតពីគ្នាចំពោះកន្លែងចាក់ថ្នាំ កន្លែងបំពេញព័ត៌មាន និងកន្លែងអង្គុយរង់ចាំ ដើម្បីធានាភាពងាយស្រួល សុវត្ថិភាព ព្រមទាំងការពារការចម្លងដោយមិនដឹងខ្លួន។

ប៉ុន្តែ ទោះបីកៅអីអង្គុយរង់ចាំបានរក្សាគម្លាតពិតមែន តែមនុស្សមិនបានរក្សាគម្លាតតាមកៅអីនោះទេ។ ការប្រជ្រៀត ប្រញ៉ាប់បានចាក់មុន បាននាំមនុស្សកាន់តែនៅកៀកគ្នា ហើយអត្រាឆ្លងជំងឺក៏ចាប់ផ្ដើមកើតឡើង។

២. ភ្លេចឬខ្ជិលលាងដៃ

ចំណែក អាល់កុលឬជែល ក៏មិនខ្វះសម្រាប់ប្រើសម្អាតដៃ មុនពេលជួបគ្រូពេទ្យ ឬមុនពេលចាក់ថ្នាំនោះដែរ។ ទោះជាយ៉ាងនេះក្ដី អ្នកខ្លះបែរភ្លេចលាងសម្អាតដៃ គួបផ្សំនឹងខ្ជិលតិចៗផង បើមានអ្នកឆ្លងជំងឺក្នុងចំណោមពួកគេ មិនមានអ្វីដែលចម្លែកទេ។

៣. ពាក់ម៉ាសមិនត្រឹមត្រូវ

ម៉ាសក៏ជាវិធានការចាំបាច់ដែលតម្រូវឱ្យគ្រប់គ្នាពាក់ជាដាច់ខាត ដើម្បីបង្ការការឆ្លងរោគ ជាពិសេសបង្ការពេលនិយាយ ឬកណ្ដាស់។ល។ ផ្ទុយទៅវិញ អ្នកខ្លះពាក់ម៉ាសមិនបានត្រឹមត្រូវតាមក្បួនសុខាភិបាល ដែលនេះជាហានិភ័យនាំឱ្យការឆ្លងមានការកើនឡើង។

ត្បិតតែករណីវិជ្ជមានទាំងនោះ មិនមែនជាតួលេខខ្ពស់ក៏ដោយ ក៏វាជាចំណុចដែលមិនគួរឱ្យកើតមាន ហើយគួរបន្តប្រុងប្រយ័ត្នជានិច្ច។ ឆ្លងហើយ មិនស្រួលទេ! មានតែប្រកាន់គោលការណ៍ ៣ការពារ ៣កុំប៉ុណ្ណោះ ទើបអាចធានាសុវត្ថិភាពបានខ្ពស់។

ក្រុមគ្រូពេទ្យនិងបុគ្គលិកសុខាភិបាលទាំងអស់ សុទ្ធតែបានការពារខ្លាំងណាស់ហើយ។ ដូច្នេះគ្រប់គ្នា គួរចូលរួមចំណែកនូវអ្វីដែលខ្លួនអាចធ្វើបានពេលទៅចាក់វ៉ាក់សាំង ដើម្បីបញ្ចៀសករណីថ្មីនៅក្នុងសហគនម៍៕

អត្ថបទ៖ សន្យា

ចុចអាន៖ ពាក់ម៉ាសនិងរក្សាគម្លាតខ្ជាប់ខ្ជួន អាចការពារហានិភ័យចម្លងកូវីដ សឹង១០0ភាគរយ

ចុចអាន៖ អត្ថប្រយោជន៍នៃការលាងដៃ ឈ្នះទាំងកូវីដ-១៩ ឈ្នះទាំងជំងឺ៣ទៀត

The post មិនឆ្ងល់ទេបើរកឃើញអ្នកឆ្លងកូវីដពេលទៅចាក់វ៉ាក់សាំង ដោយសារមូលហេតុ៣នេះ appeared first on Kampuchea Thmey Daily.

អត្ថប្រយោជន៍នៃការលាងដៃ ឈ្នះទាំងកូវីដ-១៩ ឈ្នះទាំងជំងឺ៣ទៀត

Sonya — Tue, 11 May 2021 06:03:00 +0000

ការលាងសម្អាតដៃឱ្យបានស្អាត ជាវិធានការសំខាន់មួយក្នុងចំណោមវិធានការសំខាន់ៗមួយចំនួនទៀត ដើម្បីចៀសវាងពីការឆ្លងមេរោគកូវីដ-១៩។ ទន្ទឹមនឹងការជួយកាត់ការចម្លងពីវីរុសប្រភេទថ្មីនេះ ការសម្អាតដៃជាប្រចាំក៏អាចការពារនូវជំងឺផ្សេងទៀត ដែលយើងប្រហែលមិនធ្លាប់ចាប់អារម្មណ៍។

ផ្អែកតាមអ្នកជំនាញផ្នែកសុខាភិបាលបានឱ្យដឹងថា ការលាងដៃទៀងទាត់អាចជួយបង្កើនប្រសិទ្ធិភាពដល់វិធានការការពារសុខភាព និងការចម្លងមួយចំនួនដូចជា៖

១. ជំងឺឆ្លងតាមផ្លូវដង្ហើម

ជំងឺផ្តាសាយ ឬក្អក អាចឆ្លងពីមនុស្សម្នាក់ទៅមនុស្សម្នាក់ទៀតតាមមេរោគដែលដកដង្ហើមឆ្លងកាត់ខ្យល់អាកាស។ ដូចនេះ ទឹកមាត់ដែលចេញពីការកណ្ដាស់ ឬក្អក អាចប៉ះនឹងវត្ថុអ្វីមួយ ហើយពេលយើងចាប់កាន់ដោយមិនបានលាងសម្អាត វាងាយនឹងឆ្លងខ្លាំងណាស់។ អ៊ីចឹងហើយ! ទើបយើងត្រូវលាងដៃជានិច្ច។

២. ជំងឺក្រពះពោះវៀន

ជំងឺរាករូស អាសន្នរោគ ជំងឺរលាកថ្លើមប្រភេទ A រួមទាំងប៉ារ៉ាស៊ីតខ្លះ ងាយឆ្លងតាមរយៈដៃឬក្រចក ដែលមិនបានលាងត្រឹមត្រូវ។ វីរុសឬបាក់តេរី អាចជាប់ជាមួយដៃនៅពេលយើងចាប់កាន់អាហារញ៉ាំ រួចក៏បង្កទៅជាជំងឺក្រពះ និងមានសត្វល្អិតក្នុងពោះវៀន។ល។

៣. ជំងឺចម្លងដោយការប៉ះផ្ទាល់

ជំងឺរលាកស្រោមខួរ ឬជំងឺផ្សិត សុទ្ធតែចម្លងមេរោគតាមរយៈការប៉ះមុខរបួស ឬបើមិនដូច្នេះទេ វាឆ្លងតាមរយៈការប៉ះពាល់ផ្ទាល់លើរាងកាយដែលប៉ះផ្នែកផ្សេងទៀត។ វាក៏អាចបង្កជាជំងឺសើរស្បែក ឬក្លាយមុខរបួស ប្រសិនដៃរបស់យើងមិនមានអនាម័យនោះទេ។

ដូច្នេះ ដើម្បីការពារពីការឆ្លងរោគ គ្រូពេទ្យណែនាំឲ្យលាងដៃនៅពេល៖

-មុននិងក្រោយពេលរៀបចំចម្អិនអាហារ

-មុនពេលទទួលទានអាហារ

-មុននិងក្រោយពេលប៉ះអ្នកជំងឺរួច

-មុននិងក្រោយពេលរុំមុខរបួសរួច

-ក្រោយចេញពីបង្គន់

-ក្រោយពេលប្តូរកន្ទបទារក ឬអ្នកជំងឺវ័យចំណាស់

-បន្ទាប់ពីក្អក ឬ កណ្ដាស់រួច

-បន្ទាប់ពីប៉ះពាល់សត្វពាហនៈរួច ឬក្រោយពីកើបលាមកសត្វរួច

-បន្ទាប់ពីប៉ះធុងសំរាមរួច

ដើម្បីសុវត្ថិភាពខ្លួនអ្នក ក៏ដូចជាមនុស្សជុំវិញ សូមប្រកាន់ខ្ជាប់នូវការធ្វើអនាម័យដៃជានិច្ច!

ប្រែសម្រួល៖ សន្យា

ប្រភព៖ Asiaone

ចុចអាន៖ កុំខំតែពាក់ម៉ាសនិងលាងដៃ ហើយភ្លេចរឿងសំខាន់ៗប៉ុន្មាននេះ

ចុចអាន៖ ៣ចំណុចក្រើនរំឭកបន្ថែមពីការលាងដៃការពារកុំឲ្យឆ្លងកូវីដ-១៩

The post អត្ថប្រយោជន៍នៃការលាងដៃ ឈ្នះទាំងកូវីដ-១៩ ឈ្នះទាំងជំងឺ៣ទៀត appeared first on Kampuchea Thmey Daily.

អាល់កុល ឬជែល លាងសម្អាតដៃបាន តែហ៊ានបាញ់លើរាងកាយប្រយ័ត្នគ្រោះថ្នាក់ធំ

Sonya — Wed, 07 Apr 2021 01:09:54 +0000

គ្នាយើងមួយចំនួន បារម្ភខ្លាច COVID-19 ពេក ម្យ៉ាងដោយហេតុថា អាល់កុល ឬជែល អាចបាញ់សម្លាប់មេរោគបាន មានអ្នកខ្លះបានយកវាមកបាញ់លើរាងកាយ។ តែអ្នកជំនាញអះអាងថា ការធ្វើបែបនេះគ្រោះថ្នាក់ខ្លាំងណាស់។

លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានបញ្ជាក់ថា ការបាញ់សារធាតុ ឬទឹកសម្លាប់មេរោគ អាល់កុល លើរាងកាយមនុស្សយើង មិនអាចជួយប្រឆាំងនឹងវីរុស COVID-19 បាននោះទេ វាអាចបណ្តាលឲ្យមានគ្រោះថ្នាក់សុខភាពមនុស្សបាន។ លោកជំទាវបានបន្តថា លើកលែងតែការលាងសម្អាតដៃដោយសាប៊ូជាមួយទឹកស្អាត អាល់កុល ឬជែល ដែលជាវិធានការសម្រាប់ការពារការចម្លងវីរុស COVID-19។

នៅអត្ថបទរបស់អង្គការសុខភាពពិភពលោក (WHO) ដែលបកប្រែក្រៅផ្លូវការរបស់លោកជំទាវ ឱ វណ្ណឌីន បានហាមយកថ្នាំសម្លាប់មេរោគ អាល់កុល ឬសារធាតុសម្លាប់មេរោគទៅលើខ្លួនមនុស្សនៅក្នុងគ្រប់កាលៈទេសៈ។ សារធាតុទាំងនោះអាចធ្វើឲ្យពុល ប្រសិនបើប៉ះមាត់ ហើយលេបចូលទៅ អាចធ្វើឲ្យរំខាន រមាស់ ឬអាលែកហ្ស៊ី ធ្វើឲ្យខូចស្បែក និងភ្នែក។

អាល់កុល ឬជែល អាចប្រើប្រាស់សម្អាតដៃរបស់មនុស្សពីភាពកខ្វក់ ដែលមានជាប់មេរោគនៅដៃ តែមិនត្រូវប្រើសម្រាប់បាញ់លើខ្លួនប្រាណឡើយ។ ឯថ្នាំសម្លាប់មេរោគ ឬសារធាតុសម្លាប់មេរោគ ត្រូវប្រើប្រាស់ដោយប្រុងប្រយ័ត្ន សម្រាប់លាងសម្អាតផ្ទៃ ឬទីកន្លែងណាមួយប៉ុណ្ណោះ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ យល់ដឹង! ប្រើអាល់កុលខុសបច្ចេកទេសអាចបង្កើនហានិភ័យដល់ស្បែក

ចុចអាន៖ អ្នកជំនាញថា ទារក និងក្មេងៗក្រោមអាយុ៥ឆ្នាំ មិនគួរឲ្យប្រើអាល់កុល ឬជែលលាងដៃទេ

The post អាល់កុល ឬជែល លាងសម្អាតដៃបាន តែហ៊ានបាញ់លើរាងកាយប្រយ័ត្នគ្រោះថ្នាក់ធំ appeared first on Kampuchea Thmey Daily.

អ្នកជំនាញថា ទារក និងក្មេងៗក្រោមអាយុ៥ឆ្នាំ មិនគួរឲ្យប្រើអាល់កុល ឬជែលលាងដៃទេ

Sonya — Tue, 06 Apr 2021 02:15:15 +0000

ស្របគ្នាជាមួយការពាក់ម៉ាស និងរក្សាគម្លាត ការលាងដៃជាមួយអាល់កុល ជែល ឬសាប៊ូ និងទឹកស្អាត ជាវិធីចាំបាច់សម្រាប់ការពារយើងឆ្លងវីរុសកូវីដ-១៩ ដែលនេះជាការណែនាំពីក្រសួងសុខាភិបាល និងអង្គការសុខភាពពិភពលោក (WHO)។ ប៉ុន្តែ ចំពោះការឲ្យអាអូនតូចៗប្រើអាល់កុល ឬជែលលាងដៃ ត្រូវបានអ្នកជំនាញអះអាងថា មិនមានសុវត្ថិភាពចំពោះក្មេង និងមិនគួរឲ្យក្មេងប្រើទេ។

ហេតុអ្វីបានទារក និងកូនក្មេងមិនអាចប្រើអាល់កុល ឬជែលលាងដៃបាន?

វាជារឿងចាំបាច់ដល់ម៉ាក់ប៉ាគួរដឹងថា យើងមិនគួរឲ្យកូនតូចយើងប្រើ ឬលេងជាមួយជែល ឬអាល់កុលលាងដៃទេ។ ព្រោះកូនក្មេងអាចពុលនឹងជាតិអាល់កុលផ្ទុកក្នុងជែលលាងដៃបាន ពិសេសបើអាអូនជ្រុលផឹកអាល់កុលនោះ។ នេះបើតាមការលើកឡើងរបស់ American Academy of Pediatrics (AAP)។

យោងតាមលោកស្រី Patricia Garcia ឯកទេសជំងឺកុមារនៃមជ្ឈមណ្ឌលវេជ្ជសាស្ត្រកុមារ Connecticut នៃសហរដ្ឋអាមេរិក ឲ្យដឹងថា សូម្បីតែកូនក្មេងដាក់ដៃចូលមាត់ ឬបៀមដៃក្រោយពេលលាងដៃហើយអាចបណ្ដាលឲ្យក្មេងពុលនឹងអាល់កុលបាន ពិសេសបើកូនដាក់ដៃចូលមាត់ពេលដៃនៅសើមពីជាតិអាល់កុលនោះ។

ជែល ឬទឹកអាល់កុលលាងដៃខ្លះផលិតឡើងសម្រាប់កុមារប្រើ ក៏ប៉ុន្តែភាគច្រើនវាមិនមានផ្ទុកជាតិអាល់កុលទេ ជាហេតុបណ្ដាលឲ្យវាគ្មានប្រសិទ្ធភាពទប់ទល់នឹងពពួកបាក់តេរី និងវីរុសផ្សេងៗរួមទាំងវីរុស SARS-CoV-2 ដែរ។ បន្ថែមពីលើនេះ ជែល ឬទឹកអាល់កុលសម្រាប់កុមារមានផ្ទុកសារធាតុ Benzalkonium chloride ដែលអាចធ្វើឲ្យពុលបានបើលេបចូលក្នុងខ្លួន។

AAP បានឲ្យទៀតថា កូនក្មេងមានអាយុលើ២៤ខែ អាចប្រើជែល ឬអាល់កុលលាងដៃបាន ប៉ុន្តែក្នុងលក្ខខណ្ឌដែលម៉ាក់ប៉ាអាចចាំឃ្លាំមើលកូនបានដិតដល់។ ផ្ទុយទៅវិញ បើតាមលោកស្រី Patricia Garcia ក្មេងៗដែលមានអាយុក្រោម៥ឆ្នាំត្រូវឃ្លាំមើលឲ្យបានដិតដល់មែនទែន រាល់ពេលប្រើជែល ឬអាល់កុលលាងដៃរួច ដើម្បីចៀសវាងអាអូនបៀមដៃ បណ្ដាលឲ្យពុលបាន។

បើយើងចង់ការពារកូនពីបញ្ហាពុលអាល់កុលដោយសារលាងដៃសម្អាត វិធីដែលមានសុវត្ថិភាពនោះគឺ លាងសម្អាតដៃកូនជាមួយសាប៊ូ និងទឹកស្អាត រួចជូតសម្អាតដៃកូនជាមួយកន្សែង ឬក្រដាសស្អាត។ ធ្វើបែបនេះ យើងមិនសូវបារម្ភពីបញ្ហាកូនពុលជាតិអាល់កុលទេ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ហាមពាក់ម៉ាសឱ្យក្មេងអាយុក្រោម២ឆ្នាំដាច់ខាត ព្រោះបង្កគ្រោះថ្នាក់ខ្លាំងជាងឆ្លងកូវីដទៅទៀត

ចុចអាន៖ យល់ដឹង! ប្រើអាល់កុលខុសបច្ចេកទេសអាចបង្កើនហានិភ័យដល់ស្បែក

The post អ្នកជំនាញថា ទារក និងក្មេងៗក្រោមអាយុ៥ឆ្នាំ មិនគួរឲ្យប្រើអាល់កុល ឬជែលលាងដៃទេ appeared first on Kampuchea Thmey Daily.

ចេញពីធ្វើការចូលផ្ទះ កុំភ្លេចធ្វើតាមតិចនិកនេះ ចៀសវាងនាំកូវីដតាមខ្លួន

Sonya — Fri, 02 Apr 2021 06:05:00 +0000

ទោះមានការរីករាលជំងឺកូវីដ ១៩ ដោយសារការងារ ឬរបររកស៊ី មានគ្នាយើងមួយចំនួននៅតែត្រូវចេញក្រៅផ្ទះ ដែលអាចប្រឈមនឹងការឆ្លងជំងឺនេះ។ ដូចនេះ តិចនិកខាងក្រោមប៉ុន្មាននេះ ជួយយើងសម្អាតខ្លួនយើងពីវីរុសកូវីដ-១៩ ក្រោយចេញពីធ្វើការចូលផ្ទះ ចៀសវៀងនាំកូវីដ-១៩ជាប់ខ្លួនមកជាមួយដែរ។

មុនពេលទៅធ្វើការ

យកអាល់កុល ឬទឹកលាងដៃតាមខ្លួនរហូត
ពាក់ម៉ាសឲ្យជាប់
ចម្អិនអាហារថ្ងៃត្រង់ រួចយកទៅធ្វើការ (បើអាច ចៀសវាងចេញបាយក្រៅ)

អំឡុងពេលធ្វើការ

សម្លាប់មេរោគលើទូរស័ព្ទ កុំព្យូទ័រ ឬឧបករណ៍យើងប្រើនៅកន្លែងធ្វើការជាប្រចាំ
លាងសម្អាតរាល់ពេលប្រើប្រាស់របស់រួមគ្នាហើយ
ចៀសវាងការចាប់ដៃគ្នា
សម្លាប់មេរោគកន្លែងញ៉ាំបាយថ្ងៃ ទាំងមុនពេលញ៉ាំ និងក្រោយពេលញ៉ាំ
រក្សាគម្លាតពីអ្នកដទៃ
ពាក់ម៉ាសពេលធ្វើការ (បើអាច)

ក្រោយពេលធ្វើការ

សម្លាប់មេរោគលើទូរស័ព្ទដៃ កាបូបយួរ និងឧបករណ៍ផ្សេងៗក្រោយធ្វើការ
ទុករបស់មិនចាំបាច់យកទៅផ្ទះនៅកន្លែងធ្វើការដូចកុំព្យូទ័រ ឯកសារនានា (បើអាច)
ដោះខោអាវកខ្វក់ដាក់ក្នុងកន្ត្រកមួយកន្លែង ឬដាក់បោកតែម្ដងពេលដល់ផ្ទះ
ងូតទឹកភ្លាមពេលទៅដល់ផ្ទះ

ត្រូវចាំថា យើងត្រូវគិតពីសុវត្ថិភាពសុខភាពយើង និងអ្នករស់នៅជាមួយយើងជាចម្បងពេលចេញទៅធ្វើការ ហេតុដូចនេះយើងត្រូវចៀសវាងកន្លែងមនុស្សច្រើន ឬកន្លែងដែលមានមនុស្សឆ្លងច្រើនករណី និងអនុវត្តតាមការណែនាំរបស់ក្រសួងសុខាភិបាល ដើម្បីសុវត្ថិភាពយើង គ្រួសាររបស់យើង និងអ្នកនៅជុំវិញខ្លួន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ការពារខ្លួន! កូវីដអាចរស់នៅក្នុងទូទឹកកករហូត១ខែ និងលោហៈធាតុផ្សេងទៀតរាប់ថ្ងៃឯណោះ

ចុចអាន៖ កុំខំតែពាក់ម៉ាសនិងលាងដៃ ហើយភ្លេចរឿងសំខាន់ៗប៉ុន្មាននេះ

The post ចេញពីធ្វើការចូលផ្ទះ កុំភ្លេចធ្វើតាមតិចនិកនេះ ចៀសវាងនាំកូវីដតាមខ្លួន appeared first on Kampuchea Thmey Daily.

កុំខំតែពាក់ម៉ាសនិងលាងដៃ ហើយភ្លេចរឿងសំខាន់ៗប៉ុន្មាននេះ

Sonya — Thu, 01 Apr 2021 05:00:40 +0000

ការរីករាលដាលនៃកូវីដ-១៩ នៅមិនទាន់ថមថយនៅឡើយ ដោយការចម្លងថ្មីត្រូវបានរកឃើញជារៀងរាល់ថ្ងៃ។ មូលហេតុនេះ ការរឹតបន្ដឹងវិធានការរក្សាអនាម័យ លាងដៃ ពាក់ម៉ាស និងរក្សាគម្លាយសង្គម ជាកាតព្វកិច្ចចាំបាច់ដែលប្រជាពលរដ្ឋគ្រប់រូប ត្រូវអនុវត្តមិនអាចអាក់ខានបាន។

យ៉ាងណាក្ដី មកទល់ពេលនេះ នៅមានមនុស្សមួយចំនួនយល់ថា ត្រឹមតែពាក់ម៉ាសនិងលាងដៃគ្រប់គ្រាន់ គឺអាចការពារបានខ្ពស់ ហើយបែរជាធ្វេសប្រហែសនូវរឿងសំខាន់ៗមួយចំនួនទៀតទៅវិញ។

ក្រៅពីពាក់ម៉ាសការពារ និងលាងដៃ ខាងក្រោមជារឿងចាំបាច់ដែលអ្នកត្រូវធ្វើដើម្បីការពារខ្លួនឯងពីការចម្លងរោគ៖

១. បរិភោគអាហារជីជាតិ បន្លែ ត្រី សាច់ ចម្អិនឆ្អិនល្អ ចៀងវាងអាហារឆៅៗ។ ពិសេស មិនត្រូវបរិភោគសត្វឈឺនិងសត្វស្លាប់ដោយសារជំងឺទេ។

២. ទទួលទានទឹកឲ្យបានច្រើនយ៉ាងហោចណាស់ ២ លីត្រក្នុងមួយថ្ងៃ។

៣. សម្រាកគ្រប់គ្រាន់ ចៀសវាងគេងយប់ជ្រៅពេកដែលនាំប្រព័ន្ធភាពស៊ាំចុះខ្សោយ។

៤. ហាត់ប្រាណយ៉ាងហោច ១០-១៥ នាទីជារៀងរាល់ ដើម្បីបណ្ដេញជាតិពុល និងពង្រឹងភាពស៊ាំ។

៥. មិនត្រូវខាកស្តោះនៅទីសាធារណៈ ហើយត្រូវខ្ទប់ច្រមុះ មាត់នៅពេលក្អកឬកណ្តាស់ឲ្យបានត្រឹមត្រូវ។

៥. សម្រាប់អាជីវករ សូមឧស្សាហ៍លាងសម្អាតឧបករណ៍និងកន្លែងលក់ដូរយ៉ាងតិចមួយថ្ងៃមួយដង។

៦. សម្អាតសម្ភារប្រើប្រាស់ប្រចាំថ្ងៃឱ្យបានទៀងទាត់រួមមាន អេក្រង់ទូរសព្ទ តេឡេកុម្មង់។ល។

៧. ប្រញាប់ងូតទឹកប្ដូរសម្លៀកបំពាក់ និងបោកគក់ខោអាវ ក្រោយចេញក្រៅជួបមនុស្សច្រើន។

៨. ចៀសវាងការជួបជុំមនុស្សច្រើន ឬធ្វើដំណើរដែលមិនចាំបាច់។

៩. បើមិនស្រួលខ្លួន គ្រុនក្តៅ និងក្អក ត្រូវផ្អាកការធ្វើដំណើរ។ ប្រសិនបើពិបាកដកដង្ហើមត្រូវទៅជួបពេទ្យជាបន្ទាន់ដើម្បីទទួលការព្យាបាល។

ចំពោះករណីការសង្ស័យផ្សេងទៀត សូមទាក់ទងទូរសព្ទទៅលេខ ១១៥ ដោយឥតគិតថ្លៃពីគ្រប់ប្រព័ន្ធ៕

អត្ថបទ៖ សន្យា

ប្រភព៖ UNICEF

ចុចអាន៖ វីរុសកូវីដ-១៩អាចចម្លងតាមរយៈអាហារអត់?

ចុចអាន៖ គួរដឹង! គ្រូពេទ្យជំនាញណែនាំឲ្យអ្នកចាក់វ៉ាក់សាំងរួច ប្រើថ្នាំស្របតាមវេជ្ជបញ្ជាត្រឹមត្រូវ

The post កុំខំតែពាក់ម៉ាសនិងលាងដៃ ហើយភ្លេចរឿងសំខាន់ៗប៉ុន្មាននេះ appeared first on Kampuchea Thmey Daily.

ការលាងដៃ Archives - Kampuchea Thmey Daily

គ្រូពេទ្យជំនាញប្រាប់វិធីងាយៗការពារអ្នកពី កូវីដ ជាជាងពាក់ស្រោមដៃ

ប្រើអាល់កុលរាល់ថ្ងៃ ឡើងអាចម៍រុយលើខ្នងដៃ ដោះស្រាយតាមតិចនិកនេះ

វិធី​ការពារ​ ឡើង​អាចម៍​រុយ​លើ​ខ្នង​ដៃ

មិនឆ្ងល់ទេបើរកឃើញអ្នកឆ្លងកូវីដពេលទៅចាក់វ៉ាក់សាំង ដោយសារមូលហេតុ៣នេះ

អត្ថប្រយោជន៍នៃការលាងដៃ ឈ្នះទាំងកូវីដ-១៩ ឈ្នះទាំងជំងឺ៣ទៀត

អាល់កុល ឬជែល លាងសម្អាតដៃបាន តែហ៊ានបាញ់លើរាងកាយប្រយ័ត្នគ្រោះថ្នាក់ធំ

អ្នក​ជំនាញថា ទារក និងក្មេងៗក្រោមអាយុ៥ឆ្នាំ មិនគួរឲ្យប្រើអាល់កុល ឬជែលលាងដៃទេ

ហេតុ​អ្វី​បាន​ទារក និង​កូន​ក្មេង​មិន​អាច​ប្រើ​អាល់កុល ឬ​ជែល​លាង​ដៃ​បាន?

ចេញពីធ្វើការចូលផ្ទះ កុំភ្លេចធ្វើតាមតិចនិកនេះ ចៀសវាងនាំកូវីដតាមខ្លួន

មុន​ពេល​ទៅ​ធ្វើ​ការ

អំឡុង​ពេល​ធ្វើ​ការ

ក្រោយ​ពេល​ធ្វើការ

កុំខំតែពាក់ម៉ាសនិងលាងដៃ ហើយភ្លេចរឿងសំខាន់ៗប៉ុន្មាននេះ

វិធីការពារ ឡើងអាចម៍រុយលើខ្នងដៃ

អ្នកជំនាញថា ទារក និងក្មេងៗក្រោមអាយុ៥ឆ្នាំ មិនគួរឲ្យប្រើអាល់កុល ឬជែលលាងដៃទេ

ហេតុអ្វីបានទារក និងកូនក្មេងមិនអាចប្រើអាល់កុល ឬជែលលាងដៃបាន?

មុនពេលទៅធ្វើការ

អំឡុងពេលធ្វើការ

ក្រោយពេលធ្វើការ