ព័ត៌មានអន្ដរជាតិ
អ្នកទេសចរ កម្ពុជា ចង់ទៅលេង វៀតណាម ត្រូវរង់ចាំរហូតដល់ ឆ្នាំក្រោយ
ខណៈប្រទេសនៅអាស៊ីអាគ្នេយ៍បើកដំណើរការឡើងវិញជាហូរហែនូវវិស័យទេសចរណ៍របស់ខ្លួន ចំពេលមានការរាតត្បាត វៀតណាមក៏កំពុងទទួលបានភ្ញៀវទេសចរបរទេសជាលើកដំបូងក្នុងខែវិច្ឆិកានេះ ចាប់តាំងពីនិទាឃរដូវឆ្នាំ ២០២០ មក ។
កាសែត Nguoi Lao Dong និយាយថា ជើងហោះហើរ ២ ដែលដឹកភ្ញៀវបរទេសមកពីប្រទេសជប៉ុន និងកូរ៉េខាងត្បូងបានមកដល់ខេត្ត Khanh Hoa នៅឆ្នេរសមុទ្រភាគខាងត្បូងកាលពីថ្ងៃព្រហស្បតិ៍ ។ ចំណែកអ្នកធ្វើដំណើរប្រហែល ៤៣០ នាក់មកពីសហរដ្ឋអាមេរិកគ្រោងនឹងមកដល់ទីក្រុង Hoi An ដែលជាតំបន់បេតិកភណ្ឌពិភពលោករបស់អង្គការយូណេស្កូក្នុងខេត្ត Quang Nam ក្នុងសប្តាហ៍តែមួយ ដោយយន្តហោះឯកជន ។
កាសែតបន្តទៀតថា ចំណែកកោះ Phu Quoc ដ៏ល្បីល្បាញនៅឈូងសមុទ្រថៃ និងមានចម្ងាយ ១០ គីឡូម៉ែត្រពីឆ្នេរកម្ពុជា ក៏រំពឹងថានឹងមានភ្ញៀវទេសចរអន្តរជាតិប្រហែល ២៥០ នាក់នៅចុងសប្តាហ៍នេះ ។
ទន្ទឹមនោះ ក្រសួងដឹកជញ្ជូនក៏បានផ្តល់អនុសាសន៍យុទ្ធសាស្ត្រ ៣ ដំណាក់កាលដើម្បីស្តារជើងហោះហើរបរទេសធម្មតានៅឆ្នាំក្រោយ ហើយដំណាក់កាលដំបូងនឹងចាប់ផ្តើមនៅត្រីមាសទី ១ ឆ្នាំ ២០២២ ដោយមានជើងហោះហើរមកពីប្រទេសបារាំង អាល្លឺម៉ង់ រុស្ស៊ី ចក្រភពអង់គ្លេស អូស្ត្រាលី ចិន ហុងកុង ជប៉ុន កូរ៉េខាងត្បូង តៃវ៉ាន់ ថៃ សិង្ហបុរី ម៉ាឡេស៊ី ឡាវ និងកម្ពុជា ។
ទោះជាយ៉ាងណាក៏ដោយ សេចក្តីជូនដំណឹងនៅលើគេហទំព័ររបស់ក្រសួងវប្បធម៌ កីឡា និងទេសចរណ៍ បានឲ្យដឹងថា ភ្ញៀវទេសចរបរទេសត្រូវចាក់វ៉ាក់សាំងឲ្យបានពេញលេញ (២ ដូស) យ៉ាងហោចណាស់ ១៤ ថ្ងៃមុនពេលធ្វើដំណើរ ឬបានជាសះស្បើយពីជំងឺកូវីដ ១៩ មិនលើសពី ៦ ខែមុនពេលចេញដំណើរ ។
ស្របពេលជាមួយគ្នានេះ អ្នកទេសចរត្រូវតែបានធ្វើតេស្តអវិជ្ជមានកូវីដក្នុងរយៈពេល ៧២ ម៉ោង បន្ទាប់ពីការចេញដំណើរ ហើយត្រូវបានអនុញ្ញាតឲ្យទៅទស្សនាគោលដៅ និងកន្លែងសេវាកម្មដែលមានការអនុញ្ញាតនៃដំណើរទេសចរណ៍ដែលបានរៀបចំប៉ុណ្ណោះ ៕
ប្រែសម្រួលដោយ ៖ ជីវ័ន្ត
ប្រភព ៖ Thaiger
ចុចអាន ៖ វៀតណាម បង្កើតទីភ្នាក់ងារសន្តិសុខអាកាសចរណ៍ទប់ស្កាត់ អំពើភេរវកម្មលើយន្តហោះ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ